¹ elyo bonse abakalamba ba shilika na Yoanani umwana mwaume wakwa Korea, Yesania umwana mwaume wakwa Hoshaya, kabili na bantu bonse ukufuma kubanono ukufika ku bakalamba baile kuli Yeremia kasesema. ² Batile kuli ena, leka ukupapata kwesu ukwakupusuka kumfwike kuli Yawe Lesa obe. Utupepeleko kuli Yawe Lesa obe pantu bonse abashelepo apo tuli abacepa mumpendwa, ngefyo umwene. ³ Ipusha Yawe Lesa obe ukutweba inshila tuli nokuyamo kabili nefyo tufwile ukucita." ⁴ Eico Yeremia kasesema atile kuli bena, "Ningufwa imwe. Moneni, ine ndinokupepa kuli Yawe, Lesa wenu nge fyo mwipwisha fyonse ifyo Yawe akasuka, nkamyeba. Tapali ifyo nkashako." ⁵ Batile kuli Yeremia, "Shi Yawe abe uwa cine kabili kambone uwa cishinka pali ifwe, Yawe lesa obe akatweba ukucita. ⁶ Nangu icisuma nangufye icibi, tuli nokumfwila ishiwi lyakwa Yawe Lesa wesu." ⁷ Pampela ya nshiku ikumi, ishiwi lyakwa Yawe lyaishile kuli Yeremia. ⁸ Eico Yeremia atile kuli Yoanani umwana mwaume wakwa Karea kabili nabonse abakalamba ba bashilika pamo naena, kabili na bantu bonse ukufuma ku banonpo ukufika kubakalamba. ⁹ Elyo atile kuli bena, "Ifi efyo Yawe, Lesa wakwa Israeli uko mwantumine. Eico natwele ukuilishanya kwenu kuli ena -atile, ¹⁰ Inga cakutila mwabwelela no kuya ikala muli ici caalo, ndi nokumikula kabili nshakaminyantaule, pantu ndi uwasakamikwa pa cinkunka naletele kuli imwe. ¹¹ Mwitina imfumu yaku Babiloni, uo muletina. mwi mutina -uku ekulanda kwakwa Yawe apo ndi naimwe ukumipokolola kukumipususha ukufuma mu kuboko kwakwe. ¹² Pantu ndino kumupela uluse. Ine ndi no kukwata inkumbu pali imwe, kabili ndino kumibwesesha mu calo cenu. ¹³ Lelo nga cakuti mwalandile, Tamwa kekale muli ici calo" -nga cakutila tamwakomfwe kwishiwi lyandi, ishiwi lyakwa Yawe Lesa wenu. ¹⁴ Nga cakutila mwalandile, "Awe tukaya ku calo ca Egypti, uko tatwakamone inkondo, uko tushakomfwe umusowa wamwana wampanga, kabili tatwakabe nensala yafya kulya. Tuli nokuya ikala kulya." ¹⁵ Nomba umfweni kuli ili ishiwi lyakwa Yawe, imwe mweba shalapo bakwa Yuda. Yawe wamabumba , Lesa wakwaIsraelialanda ifi, nga cakutila mwapekanya ukuya ku Egypti, no kuya ikala kulya, ¹⁶ elyo ulupanga ulo mwatinine luli no kumucimfya mulya mu calo ca Egypti. Icipowe ico mwasakamene cika mukonka mu Egypti kabili mukafwila mulya. ¹⁷ Eico cika citika icakweba ati bonse abantu abapangile ukuya ku Egypt, ukuya ikala kulya bakafwa kulupanga,nangu ku cikuko. Takwakabe nangu umo uukapusuka muli bena, takwakabe nangu umo ukafyuka icinkunka ico nkaleta pali bena. ¹⁸ Pantu Yawe wamabumba, Lesa wakwa Israeli, alanda ifi: ifyo ubukali bwandi ne cipyu candi fyapongololwele pa bekashi bamu Yerusalemu, munshila imo ine ne cipyu candi cikapongolwelwa pali imwe nga cakuti mwaya ku Egypti. Mukaba icibombelo cetipu kabili icamakankamike, icibombelo cabalanda amatipo, kabili fimo ifya bula umucinshi, kabili tamwakamone ino ncende nakabili."' ¹⁹ Elyo Yeremia atile, "Yawe nalanda kuli imwe -mwe bashalapo bakwa Yuda. Mwikaya ku Egypti! icine mukeshiba ukutila nali kambone pali imwe! ²⁰ Pantu mwaibepele mwebene icabipisha ilyo mwantumine kuli Lesa wenu nokutila, 'Pepa kuli Lesa wesu pali ifwe. Fyonse ifyo Yawe Lesa wesu alellanda, utwebe, twakula cita. ²¹ Pantu ine ndemweba ilelo, lelo tamwa umfwile kwishiwi lyakwa Yawe Lesa wenu nangu palwa fyonse ifyo antumine kuli imwe. ²² Eico nomba, mufwile uwishiba ukuti muli nokufwa kulu panga, cipowe ne fikuko mu ncende iyo mulefwaya ukuya ikalako."