¹ Leelo mu mweshi wa lenga cine lubali umwana umwaume wakwa Netania umwana mwaume uwa kwa Elishama, ukufuma mum lupwa lwa mfumu, naba cilolo bamo aba mfumu, baishile-abaume ikumi abali naena-kuli Gedalia umwana mwaume uwakwa Aikamu, pa mispa. Balile ifyakulya pamo kulya ku mispa. ² Leelo Ishimaeli umwana mwaume wakwa Netania, nabaume ikumi abali nankwe baimine nokusansa Gedalia umwana mwaume uwakwa Aikamu umwana mwaume iwakwa Shafani, ku lupanga. Ishimaeli aipye Gedalia, untu imfumu ya Babiloni asontele ukwangalila icaalo. ³ Elyo Ishimaeli aipeye aba Yuda bonse abali na Gedalia ku Mispa nabena kaldi abaume ababulwi abasangilwe kulwa. ⁴ Elyo ubushiku bwalenga shibili panuma yakwipaiwa kwakwa Gedalia, takwali nangu umo uwaishibe. ⁵ Abaume bamo bafumine ku shekemu, ukufuma ku Shilo, no kufuma ku Samaria abaume cine konse konse ababeele umwefu, abalepawile ifyakufyala fyabo, nokuicenaula- nemituulo yafya kulya no bubani mu minwe yabo baile ku nganda yakwa Yawe. ⁶ Eico Ishimaeli umwana mwaume uwakwa Netania aile ku Mispa ukuya bakumanya ilyo baleya, baleenda nokulila. Nomba ilyo amonene nabo atile kuli bena, " Iseni kuli Gedalia umwna mwaume uwakwa Aikamu!" ⁷ Nomba ilyo baishile ku musumba, Ishimaeli umwana mwaume wakwa Netania aipeye bena nokubaposa mu cilindi, ena na baume abaali na ena. ⁸ Leelo kwali abaume ikumi pakati kabo abatile kuli Ishimaeli, "Mwitwipaya ifwe," pantu tuli nefipe fyesu mumpanga: Ingano na baile, amafuta nobuci." Eico tabepeye naba munyina bambi. ⁹ Icilindi umo Ishimaeli aposele ifitumbi fyonse ifyo aipeye, caali cilindi icikulu ico imfumu Asa aimbile icakucingililamo ku mfumu Baasha iya Israeli. Ishimaeli umwana mwaume wakwa Netania aciswishe ku fitumbi. ¹⁰ Icakonkelepo Ishimaeli aikete abantu bonse abashelepo mu Mispa, abaana abanakashi aba mfumu na bantu bonse abashele mu Mispa abo Nebosaradani malonda mukalamba apeele kuli Gedalia umwana mwaume wakwa Netania abekete no kwabukila ku bantu abena Ammoni. ¹¹ Leelo Yohanani umwana mwaume wakwa Kaleya pamo na bakalamba ba bashilika bonse pamo nao baumfwili ukucena kuntu ishimaeli umwana mwaume wakwa Netania acitile. ¹² Eico basendele abaume bonse nokuya mukulwisha Ishimaeli umwana mwaume wakwa Netania. Bamusungile pa cishiba icikalamba ica mu Gibeoni. ¹³ Nomba ilyo abantu bonse abaali na Ishimaeli bamwene Yoanani umwana mwaume wakwa Kalea na bakalamba bonse aba abashilika abali naena , baali ne nsansa ishingi. ¹⁴ Eico abantu bonse abo Ishimaeli aikete pa Mispa bapilibwike nokuya kuli yoanani umwana mwaume wakwa kalea. ¹⁵ Leelo Ishimaeli umwana mwaume wakwa Netania afulumwike na baumme cine konse konse ukufuma kuli yoanani. Aile ku bantu abena Ammonani. ¹⁶ Yoanani umwana mwaume wakwa Kalea kabili pamo na bakalamba ba bashilika abaali naena basendele ukufuma ku Mispa bantu bonse abapusushiwe kuli Ishimaeli umwana mwaumwe wakwa Netania. Ici cali panuma Ishimaeli naipaya Gedalia umwana mwaume wakwa Aikamu. Yoanani naba munyina bakwe basendele ababulamba, abaume ababulwi, abanakashi na baana, naba mutungwi abapusushiwe mu Gibeoni. ¹⁷ Elyo baile nokwikala pa nshita iinono mu Geluti Kimamu, uwaba mupepi na Beteleemu . Bali nokuya ku Egiputi. ¹⁸ Pamulandu wa bena Kaldi. Bali batinine bena pantu Ishimaeli umwana mwaume wakwa Netania alipeye Gedalia umwana mwaume wakwa Aikamu, untu imfumu ya Babiloni abikile ukutungulula icaalo.