¹ Nomba Sedekia umwana mwaume wakwa Yosia atekele nge mfumu mu cifulo cakwa Yehoakini umwana mwaume wakwa Yehoakimu. ² Leelo Sedekia, ababomfi bakwe, na bantu bamu caalo tabaumfwile ku fyebo fyakwa Yawe ifyo asabankenye mukuboko kwakwa Yeremia kasesema. ³ Eico imfumu Sedekia, yeukali umwana mwaume wakwa Shelemia, na Sefania umwana mwaume wakwa Maseela shimapepo atumine mashiwi kuli Yeremia kasesema. Batile, "Tupepeleko kuli Yawe Lesa wesu." ⁴ Nomba Yeremia aleisa nokuya pakati kabantu, pantu ali ninshi talabikwa mucifungo. ⁵ Impuka yaba shilika abakwa Falao bafumine ku Egiputi, nabena Kaldi abaletebelela Yelusalemu bapokelele ilyashi pali bena bafumuni mu Yelusalemu. ⁶ Elyo iceebo cakwa Yawe caishile kuli Yeremia kasesema, aciti," ⁷ Yawe, Lesa wabena Israeli asosa ifi: Ifi efyo ukasose ku mfumu ya Yuda, pamulandu wakuti nakutuma ukupandwa amano kuli ine; Mona, abashilika abakwa Falao abaishile mukwafwa iwe, bali mupepi nokubwelelamo ku Egiputi, icaalo cabo. ⁸ Abena Kaldi bakabwelelamo. Bakesa lwisha uyu musumba, ukuupoka, na ukuoca. ⁹ Yawe asosa ifi: Mwi ibepa mwebene ukuti, " Icine cine abena Kaldi bakatusha ifwe; pantu tabakaye. ¹⁰ Nangufye mukacimfya impuka yonse iya bashilika abena Kaldi abakalwa naimwe icakuti abashilka babo abafilonda ebakashala muma tenti yabo, bakema nokuoca uyu musumba." ¹¹ Eico ni ilya inshita abashilika abena Kaldi bafumune mu Yelusalemu elyo abashilika abena Falao baleisa, ¹² elyo Yeremia afumine mu Yelusalemu ukuya ku caalo ca bena Benjamini. Alefwaya ukupyana iciputulwa ca mpanga pakati ka bantu bakwe. ¹³ Ilyo ili mu mpongolo sha bena Benjamini kalonda mukalamba ali kulya. Ishina lyakwe ali Iliya umwana mwaume wakwa shelemia umwa mwaume wakwa Henania afyambete kasesema Yeremia nokuti, "Iwe ulebutikila ku bena Kaldi." ¹⁴ Leelo Yeremia atile, "Ico tecishinka. Ine nshile butukila ku bena Kaldi." Leelo Iliya tasumine ifyo alesosa ena. Asendele Yeremia nokumuywala kuli bacilolo. ¹⁵ Bacilolo bakalipile Yeremia. Balimupimine nokumubika mu cifungo, icali ni nganda yakwa Yonatani kalemba, pantu bali yalwile ukuba icifungo. ¹⁶ Eico Yeremia abakilwe mu nganda ya cilindi, umo aikele inshiku ishingi. ¹⁷ Elyo imfumu Sedekia atumine umuntu uwamutwele kwisa sano. Mu nganda yakwe imfumu yamwipwishe mu nkama, " Kuliko ifyebo ukufuma kuli Yawe?" Yeremia ayaswike, "kuli ifyebo: Mukapelwa mukuboko kwa mfumu ya Babilononi." ¹⁸ Elyo Yeremia atile ku mfumu Sedekia, " Membwike shani kuli iwe, ababomfi, nangu abantu pakuti umbike mu cifungo?" ¹⁹ Bakasesema bobe bali kwisa, balya bakusesemeko nokutila imfumu ya Baliloni tayakese kuli iwe nangu kuli cino caalo? ²⁰ Leelo nomba umfwa, cibunda wandi we mfumu! Leka ukupapata kwa luse kwise ku cinso cobe. wimbwesesha ku nganda yakwa Yotanati kalemba, pantu ine nkafwila kulya ." ²¹ Eico imfumu Sekedia apeele ikambisho. Ababomfi bakwe basungile Yeremia mu lubansa lwaba kalindi. Umukate umo walepelwa kuli ena ukufuma ku misebo yabakapnga wa mikate, mpaka imikate yonse mu musumba yapwa. Eico Yeremia aikele mummansa shaba kalinda.