¹ Cali mu mwaka walenga ine iyakwa Yehoyakimu mwana Yosia imfumu yakwa Yuda, ilyo ishiwi lyaishile kuli Yeremia ukufuma kuli Yawe, aliti, ² "Bula icitabo nokulembapo fyonse efyo nakwebele palwa kwa Israeli na Yuda, napalwa mutundu onse. ucite ifi kuli conse nalandile ukufuma pa nshiku shakwa Yosia ukufika na lelo. Nalimo abantu bakwa Yuda bakomfwa ububi ubo ndefwaya ukuleta pali bena. ³ Nalimo umuntu onse akafuma ku micitile yakwe ibi, naine kuti nabelela ku ma mpulu yabo ne membu shabo." ⁴ Elyo Yeremia atile Baruki mwana Neria, na Baruki alembele mu citabo ya pakanwa ka kwa Yeremia, amashiwi yonse ayo Yawe asosele kuli ena. ⁵ Icakonkolepo Yeremia apele ukukonkomesha kuli Baruki atile, "Ine ndi mu cifungo tekuti njeko ku nganda yakwa Yawe. ⁶ Eco ufwile waya nokuya belenga ukufuma mu citabo ifyo nakweba ukubelenga. pa bushiku bwakuleka ukulya, ufwile wabelenga amashiwi yakwa Yawe mumatwi ya bantu mu nganda yakwe, kabili na mumatwi ya bonse abakwa Yuda ukufuma mu misumba yabo. Ukabile aya amashiwi kuli bena. ⁷ Nalimo ukupapata kwabo kuti kwafika ku cinso cakwa Yawe. Nalimo umuntu onse akafuma ku nshila yakwe iya bipa, pantu ubukali ne cipyu ifyo Yawe alebila ukuleta pali aba bantu fikulu." ⁸ Eco Baruki mwana Neria acitile fyonse ifyo kasesema Yeremia amukonkomeshe ukucita. Abelenge ukwikatisha ukufuma mu citabo amashiwi yakwa Yawe mu nganda yakwa Yawe. ⁹ Cali mu mweshi walenga isano no walenga pabula iyakwa Yehoyakimu mwana Yosia, imfumu ya kwa Yuda ukuti abantu bonse mu Yerusalemu nabantu bonse abaishile mu Yerusalemu ukufuma mu misumba ya kwa Yuda babilishe ukuleka ukulya pa cinso cakwa Yawe. ¹⁰ Baruki abelengele ukwikatisha mucitabo amashiwi yakwa Yeremia mu nganada yakwe Yawe, mu muputule wakwa Gemaria mwana Shefani kalemba, mu mupute wa lubansa lwa pamulu, lwa pa mwinshi wapakwingila ukuya ku nganda ya kwa Yawe. Acitile ifi mu matwi yabantu bonse. ¹¹ Nomba Mikaya mwana Gemaria mwana Shafani alyumfwile amashiwi yonse ayali mu citabo ¹² Alitentemwike ukuya ku nganda ya mfumu, ku muputule wakwa kalemba. Moneni, ba cilolo bonse ninshi nabekalala mulya; Elishama uwali kalemba, Delaya mwana Shemaya, Elinata mwana Akibo, Gemaria mwana Shafani, na Sedekia mwana Hanania, na bonse ba cilolo. ¹³ Elyo Mikaya abashimikile yonse amashiwi aumfwile ayo Baruki abelenge ukwikatisha mu citabo mu matwi yabantu bonse. ¹⁴ Eco bonse ba cilolo batumine Yeudi mwana Netania mwana Shelemia mwana Kushi, kuli Baruki. Yeudi asosele kuli Baruki ati, "Bula icitabo mu minwe yobe, icitabo ico ubelengelemo mumatwi yabantu bonse, no kwisa." Eco Baruki mwana Neria abulile icitabo muminwe yakwe nokuya kuli bacilolo. ¹⁵ Elyo basosele kuli ena abati, "Ikala noku belenga mumatwi yesu." Eco Baruki abelengele icitabo. ¹⁶ Nomba ilyofye baumfwile aya amashiwi yonse, cila muntu apilibukile nomwenso kumunankwe wamukonkelepo nokutila kuli Baruki, "Tufwile ukufisha yonse ay amashiwi ku mfumu. ¹⁷ "Elyo baipwishe Baruki abati, "Twebeko, bushe walembele shani aya mashiwi ukufuma kuli Yeremia?" ¹⁸ Baruki asosele kuli bena ati, "Yeremia asosele ku kanwa kakwe kuli ine aya amashiwi yonse, naine nalembele mu citabo kuli inki. ¹⁹ "Elyo ba cilolo basosele kuli Baruki abati, "Kabiye, ubelame, na Yeremia wine. Wileka umuntu nangu umo eshibe uko muli." ²⁰ Eco babikile icitabo mu muputule wakwa Elishama uwali kalemba, nokuya ku mfumu baya shimika fyonse mumatwi ya mfumu. ²¹ Elyo imfumu yatumine Yeudi ukubula icitabo. Yeudi alibulile icitabo mumuputule wakwa Elishama uwali kalemba. Elyo alibelengele mumatwi yaba cilolo abali mupepi na yena. ²² Nomba imfumu yaleikala mu nganda yapa mwela mu mweshi walenga pabula, ne mbabula ninshi nayaka ku ntanshi yaiko ²³ Nomba Yeudi aleti nangu abelenga amabula yatatu nangu yane, imfumu yaleputulako no mwele nokuposa mumulilo mu mbaula mpakafye icitabo conse caonaulwa. ²⁴ Lelo imfumu nababomfi baiko abaleumfwa amashiwi yonse tabaumfwile umwenso, kabili tabalepawile ifyakufwala fyabo. ²⁵ Elinatani, Delaya na Gemaria bali papatile imfumu ukukana oca icitabo, lelo taumfwile kuli bena. ²⁶ Elyo imfumu yakonkomeshe Yeramele, umwana wa mfumu, Seria mwana Asreele na Shelamaya mwana Abdeele ukwikata Baruku uwali kalemba na Yeremia kasesema, lelo Yawe alibafishile. ²⁷ Elyo ishiwi lyakwa Yawe lyaishile kuli Yeremia panuma imfumu nayoca icitabo na mashiwi ayo Baruki alembele aya pakanwa kakwa Yeremia, ukuti. ²⁸ "Bwelelamo, bula icitabo nacimbi nokulembapo amashiwi yonse ayali mu citabo cakubalilap, ico Yeoiakimu imfumu yakwa Yuda yaocele. ²⁹ Elyo usose kuli Yeoiakimu imfumu ya kwa Yuda utile, "Iwe wali oca icitabo, nokusosa ukuti, "Ninshi walembelapo, "Imfumu ya Babiloni cine cine ikesa onaula ici calo, pantu akaputulako abantu babamo nenama shine kumo? ³⁰ Eco kanshi Yawe asosa ici palwa iwe, Yehoiakimu imfumu yakwa Yuda; "Takwakabe pa bufyashi bobe ukekala pa cipuna ca bufumu icakwa David. Naiwe icitumbi cobe cikaposwa kunse mu cikabilila ca kasuba noku talalisha kwa bushiku. ³¹ Pantu nkakanda iwe , ubufyashi bobe bonse. Nkaleta pali iwe, pa bekashi bamu Yerusalemu, no muntu onse mu Yuda bonse ububi ubo na mulandile, lelo ta mwaposeleko amano." ³² Eco yeremia abulile icitabo cimbi nokupela Baruki mwana Neria kalemba. Baruki alilembelepo ifya pa kanwa kakwa Yeremia amashiwi yonse ayalembelwe mu citabo ica ocelwe na Yeoiakim imfumu ya kwa Yuda. Nokucilapo, kwalundilwepo amashiwi ayengi umo wine ku citabo