¹ Ishiwi ilyo lyaishile kuli Yeremia ukufuma kuli Yawe mu nshiku shakwa Yehoyakimu umwana mwaume wakwa Yoshia imfumu yakwa Yuda, ukulanda, ² "kabiye ku lupwa lwakwa Rekabu nokulanda nabo. elyo balete bena ku nganda yandi, umo uwamiputule kulya nokubapela bena umwangashi wakunwa." ³ Eico nasendele Yasania umwana mwaume wakwa Yeremia umwana mwaume wakwa Habasinia naba munyina bakwe, bonse abana abume bakwe, nabonse balupwa bakwe Rekebu. ⁴ Nabasendele bena kunganda Yawe, mumiputule ya mwana mwaume wakwa Hanani umwana mwaume wakwa Igidalkia, umuntu wakwa Lesa. Iyi miputule yali kubali lwa muputule wantungulushi, uwali pamulu wamuputule wakwa Maaseya umwana wakwa Shalumu, kalinda wampongolo. ⁵ Elyo nabikile ifya kunwinamo, inkombo ishisula umwangshi kuntyanshi yakwa Rekabu nokutila kuli bena, " Nweni umwangashi." ⁶ Lelo batile, "Tatwanwe umwangashi uuli onse, ifikolwe fyesu, Yonadabu umwana mwaume wakwa Rekabu, batukonkomeshe ifwe, "ukukana nwa umwangashi uli onse, imwe nangu ubufyashi bwenu, umuyayaya. ⁷ Kabili, tekukula amayanda ayali yonse, ukutanda imbuto ishili shonse, nangu ukubyala imyangashi ili yonse; ici tecenu kuli imwe. Pantu mufwlile ukwikala mumatenti inshiku shenu shonse, mukuti mwingekala inshiku ishingi mu calo umo muleikala ngabatulatulafye. ⁸ Twalisumina ishiwi lyakwa Yonadabu umwana mwaume wakwa Rekabu, icikolwe cesu, muli conse ico atukonkomeshe ifwe, ukukananwa umwangashi shonse isha nshiku shesu shonse, ifwe abakashi besu, abana besu abaume, na bana besu abanakashi. ⁹ Tatwakatale atukuula amayanda yakwikalamo, elyo takwakabe imyangashi, nangu imbuto mufifulo fyesu. ¹⁰ Twaikala muma tenti kabili twalisumina nokucita fyonse ifyo Yonadabu icikolwe cesu cakambishe ifwe. ¹¹ Lelo ilyo Nebukadinesari imfumu ya Babiloni asanshile icalo, twatile, 'iseni, tufwile ukuya ku Yerusalemu kukufyuka ukufuma kubashilika babena Kaludea nabena Aramu.' Eico tuleikala mu Yerusalemu." ¹² Elyo ishiwi lyakwa Yawe lyaishile kuli Yeremia, ukutila, ¹³ "Yawe wama bumba, Lesa wakwa Israeli alandile ici, " Kabiyeni nokulanda kubantu ba kwa Yuda na kubekashi ba Yerusalemu, "Bushe tamwasambilileko no kumfwa kwi shiwi lyandi? -uku ekusosa kwakwa Yawe. ¹⁴ Ishiwi lyakwa Yonadabu umwana mwaume wakwa Rekabu ilyo paele umwana mwaume nge kambisho, tekunwa umwangashi onse, nalebela kuli ifi kufika kubwelelo. Balisumina kubukambisho bwa cikolwe cabo lelo kuli ine, Ine nemwine newatwalilila ukukonkomesha kuli imwe, lelo tamukutika kuli ine. ¹⁵ Natwalilile ukutuma kuli imwe ababomfi bandi bakasesema, ukulanda, ' Lekeni cila muntu apabilibuke ku nshila iibi nokucita imilimo isuma mwileka nelyo umo nakabili ukwenda nokukonka tu lesa tumbi nokutulumbanya. Elyo mukekala mu calo ico napele kuli imwe naku fikolwe fyenu.' lelo tamwapepekeko amatwi elyo tamwaumfwile kuli ine. ¹⁶ Pantu ubufyashi bakwa Yonadabu umwana mwaume wakwa Rekabu asungile ikambisho lya cikolwe cakwe ilyo akambishe bena, lelo aba bantu bakene ukumfwa kuli ine."' ¹⁷ Eico Yawe, Lesa wamabumba na Lesa wakwa Israeli, alandile ifi, 'Lolesheni, Ndeleta pali Yuda napali cila umo uwikele mu Yerusalemu, fyonse ifinkunka ifyo nabilishe pali bena pamulandu nasosele kuli bena, lelo tabaumfwile; naitile kuli bena, lelo tabayaswike.'" ¹⁸ Yeremia atile ku lupwa lwakwa Rekabu, "Yawe wa mabumba, Lesa wakwa Israeli, alandile ici: Mwakutike kumakambisho yakwa Yonadabu icikolwe cenu elyo nali yasunga yonse-mwaliouminsa fyonse ifyo amikambishe imwe ukucita- ¹⁹ Eico Yawe wamabumba, Lesa wakwa Israeli, alandile ici, "kukaba lyonse umo ukufuma kuli Yonadabu umwana mwaume wakwa Rekabu uwakumombela ine.'''