¹ Shefatiya umwana mwaume wakwa Matani, Gedilya umwaume wakwa Pashuli,Yeukali umwana mwaume wakwa Shelemia, kabili Pashuli umwana mwaume wakwa Malaki baumfwile ifyebo ifyo Yeremia alelanda ku bantu bonse. Aletila, ² "Yawe asosa ifi : Uuli onse uleikala muli uyu musumba akepaiwa kulupanga, icipowe ne cikuko. Leelo onse ukakonka abena Kaldi akapusuka. Abumi bwakwe ecikaba eca kutapa cakwe, leelo akapusuka. ³ Yawe atila ifi: Uyu musumba uli nokupelwa mu maboko yampuka ya mfumu iya Babiloni, kabili akaupoka." ⁴ Eico ba cilolo batile ku mfumu, " Lekeni uyu muntu afwe, pantu muli iinshila alenasha amaboko ya baume abalelwa abashala mu musumba uyu, na maboko ya bantu bonse. Alesabankanya aya amashiwi, pantu uyu muntu telecingilila aba banatu, leelo ubusanso." ⁵ Eico imfumu Sedekia atile, " Moneni, ali mu minwe yenu pantu takuli imfumu iya kumikanya imwe." ⁶ Elyo basendele Yeremia no kumuposa mu cilindi cakwa Malikiya, umwana mwaume wa mfumu. Icilindi cali mu mansa shakwa malonda. Baingishemo Yeremia panshi ku myando. Tamuli amenshi mucilindi, leelo mwalifye amatipa, kabili aponene mu matipa. ⁷ Nomba Ebedi-Meleki umwina Kushi ali umo pali bamutungwi mu nganda ya mfumu. aumfwile ukuti babikile Yeremia mu cilindi. Nomba imfumu yaikele pa mpongolo ya Benjamini. ⁸ Eico Ebedi-meleki afumine mu nganda ya mfumu no kulanshanya ne mfumu. Atile, ⁹ "Mwe cibinda wandi mwe mfumu, abantu naba cita icabipa munshila ba cushishamo Yeremia kasesema ku nsala, pantu tamuli ifyakulya nafimbi mumusumba." ¹⁰ Elyo imfumu yapele ikambisho kuli Ebedi-Meleki umwina Kushi. Atile, "Senda abaume amukumi yatatu ukufuma pano kabili kabiye uye ufumye Yeremia mucilindi ilyo talafwa." ¹¹ Eico Ebedi-Meleki asendele abo abaumeno kuya ku nganda ya mfumu , kumuputule wakusungilamo ifyakufwala panshi yanganda. Ukufuma mulya abulile insamu ne fyakale nokufi tentemushisha kuli Yeremia ku myando mu cilindi. ¹² Ebedi-Meleki umwina Kushi atile kuli Yeremia, "Biika insamu nefyakufwala ifyakale mumapa napa mulu wa myando." Eico Yeremia acitile ifyo. ¹³ Elyo batintile Yeremia ku myando. Muli iinshila balimufumishe mu cilindi. Eico Yeremia aiekle mulubansa lwakwa malonda. ¹⁴ Elyo imfumu Sedekia atumine iceebo no kuleta Yeremia kasesema kuli ena, ku mwinshi wa butatu mu nganda yakwa Yawe. Imfumu yatile kuli Yeremia, "Ine ndefwaya ukukwipushako icintu cimo. Wifisa ubwasuko kuli ine." ¹⁵ Yeremia atile kuli Sedekia, "Nga ine nakwasuka iwe, bushe icine tawanjipayeine? Leelo nga nakupanda amano, iwe tawa umfwe kuli ine." ¹⁶ Leelo imfumu Sedekia alapile kuli Yeremia munkama kabili atile, "abe nomweo, ena ewa tupangile ifwe, ine nshakakwipaye nangu ukupeela mu maboko ya bantu abalefwaya umweo obe," ¹⁷ Eico Yeremia atile kuli Sedekia, "Yawe, Lesa wamabumba, Lesa wakwa Israeli,. nga iwe icine cine wakonka ba cilolo aba mfumu ya Babiloni elyo ukaba no mweo na uyu musumba tawakocewe. Iwe no lupwa lobe mukaba no mweo. ¹⁸ Leelo nga, tawaka konke ba cilolo ba mfumu iya Babiloni, elyo uyu musumba ukapelwa mumaboko ya bena Kaldi. Bakaoca kabili tawakabutuke ukufumamumaboko yabo. ¹⁹ Imfumu Sedekia atile kuli Yeremia, "Leelo ine ndi nomwenso waba Yuda ababutukila kubena Kaldi, pantu ine limbi kuti napelwa mumaboko yabo, pantu bena bakancimfya ifya icabipa." ²⁰ Yeremia atile," Tabakakupele iwe kuli bena. Nakila amashiwi afumine kuli Yawe ifyo ndekweba, pakuti ifintu fikabe bwino kuli iwe, kabili pakuti ukabe no mweo. ²¹ Leelo nga wakana ukubakonka, ifi efyo Yawe anangile. ²² Moneni! abanakashi bonse abashala mu ngandayobe, we mfumu ya Yuda, bakaletwa kuli bacilolo aba mfumu yaku Babiloni. Aba abanakashi batila kuli iwe, 'walibepwa ku baume bobe ukuti umutende; Balikonaula iwe. Amakasa yo nayebila muma matipa, nefi busa fyobe fika fuma kuli iwe. ²³ 'Pantu abakashi bobe bonse nabaana baka bakasendwa ku bena Kaldi, naiwe wine tawafyuke ukufuma muma moboko yabo. Ukekatwa kukuboko ukwa mfumu iya Babiloni, no yu musumba ukocewa." ²⁴ Elyo Sedekia atile kuli Yeremia, " Wiishibisha umuntu nangu umo aya amashiwi, pakuti wikepaiwa. ²⁵ Nga bacilolo baumfwa ukuti nacilalanshanya naiwe, kabili nga baisa noku sosa kuli iwe, "Twebe ifyo wacilaeba imfumu kabili witufisa, pantu ifwe tulekwipaya, ²⁶ elyo umfwile ukusosa kuli bena, Ine nali icefya nokuipapatila ku mfumu ukuti takambweseshe ku nganda yakwa Yonatani ukufwila kulya.''' ²⁷ Elyo bacilolo bonse baishile kuli Yeremia nokumwipusha, eico alibaswike ukulingana nefyo imfumu yamukonkomeshe. Eico balekele ukulanda naena, pantu tabaumfwile ukulanshanya pakati kakwa Yeremia ne mfumu. ²⁸ Eico Yeremia ashele mulubansa lwakwa malonda ukufika pabushiku Yerusalemu aiketwemo.