¹ "Pali ilya inshita-uku eku sosa kwakwa yawe-Ine nkaba lesa wa mikowa yonse iya Israeli, kabili bakaba abantu bandi." ² Yawe asosa ifi, "Abantu abapusuka kulupanga nabasanga uluse muma tololo; Ine nkayako noku peela ukutusha kuli israeli." ³ Yawe amoneke akale kuli ine kabili atile, "Ine nalikutemwa iwe, Israeli, nokutemwa ukwa muyaya. Eico ine nimpalamika iwe kuli ine wine noluse ulwa cishinka. ⁴ Ine nkakukuula kabili eico ukakulkwa, cacisungu Israeli. Iwe uli no kubuula akaoma no kuya nokuya nokucinda ukwa nsansa. ⁵ Iwe ukalimba amabala ya myangashi nakabili pa mpili sha Samaria: abalimi bakabyala nokubomfya bwino ifitwalo. ⁶ Pantu ubushiku bukesa ilyo ba malonda mumpili sha efulemu bakasabankanya, 'Imeni, lekeni tuleya ku Sioni kuli Yawe Lesa wesu.' ⁷ Pantu Yawe asosa ifi " Bilikisheni nokusekelela pali Yakobo! bilikisheni ne nsansa pa bantu abakankala aba nko! Lekeni ukulumbanya kwenu kumfwike". Sosa,' Yawe napususha abantu bakwe, abashala mu israeli.' ⁸ Mona Inendi mupepi nokubaleta ukufuma kufyalo fya kukapinda ka kukuso. Ine nka balonganya ukufuma ku fiputulwa ifya lepesha ifye sonde. Impofu nabalemana bakaba pakati kabo; abanakashi aba mafumo kabili nabali mupepi nokufyala bakaba nabena. Ukulongana ukukalamba kukabela kuno kwine. ⁹ Bakesa balelila; Ine nkabatungulula ilyo bakalaipapatila ku milonga ya menshi pa musebo uwatambalala. Tabaka ipuntule pali wena, na Efulemu akaba ibeli lyandi. ¹⁰ "Umfweni iceebo cakwa Yawe, mwe nko. Bilisheni mululamba kuntanshi. Mwe nko mufwile ukusosa, 'Uwasalangenye Israeli alemukolonganya pamo nokumusunga ngefyo kacema asunga impanga shakwe.' ¹¹ Pantu Yawe napeela Yakobo ilambo kabili namulubula ukufuma mukuboko ukwali ukwamaka kuli ena. ¹² Elyo bakesa nokusekela pa milundu ya Sioni. Ifinso fyabo fikabalika pa mulandu wabusuma bwakwa Yawe, ukucila imbuto no mwangashi uupya, ukucila amafuta nobufyashi bwa mikuni na maombe. Pantu ubuumi bwabo bukaba nge bala ilitapililwa na menshi,kabili tabakekatwe ubulanda nakabili. ¹³ Elyo bana cisungu bakasekelela nokucinda, nabaice nabakote bakaba pamo. Pantu uka sangula ukulosha ukusefya. Ine nkabakoselesha pa bulandu bwabo. ¹⁴ Elyo ine nkafusha ubumi bwa ba shimapepo nefya fulisha - uku ekusosa kwakwa Yawe." ¹⁵ Yawe asosa ifi" Ishiwi lyaumfwika mu Rama, ukulosha nokulilisha. Ni Rakeli aleloosha anaana bakwe. Akaana ukukoseleshiwa pali bena pantu tabali kabili aba mweo." ¹⁶ Yawe asosa ifi "Cefyakpo ishiwi lya kulila ne minsoshi yobe; kuli icilambu pa mulimo obe-ukusosa kwakwa Yawe-abaana bobe baka bwelela mukati kamipaka yabo. ¹⁷ Kuli isubilo kuntanshi yobe-uku ekusosa kwakwa Yawe abaana bobe bakabwelela mukati ka mipaka yabo. ¹⁸ "Ine icine cine ningufwa Efulemu aleslosha, mwalikandile ine kabili ine nali kandilwe nge ngombe nkota iishasanbilishiwa . Mbwesheni naine nkabwela. ¹⁹ Pantu panuma yakulufyanya kuli imwe, Ine naliyebelele; panuma ine nasambilishiwa, Ine naumine pe tanta lyandi. Ine nali sebene nokukalifiwa, pantu naendele nomusebanya wabu musepela bwandi. Bushe Efulemu taali umwana mwaume wandi uwacindama? ²⁰ Bushe tali uwatemwikwa wandi, umwana mwaume uwakubekelwamo? Pantu ilyo lyonse ine nanda pali ena, Ine icine cine nda mwibukisha mu matontonkanyo yandi. Muli iinshila umutima wandi ula mufuluka. Ine icine cine nkamu kwatila ubulanda ena-uku eku ekusosa kwakwa Yawe. ²¹ Ibikile ifishibilo fyamu musebo we mwine. Imika ifipampa fyaku ilangilila we mwine. Bika amatonto kanyo munshila iyalungama, inshila ilingile ukukonka .Bwelela kuno, we Israeli nacisungu! Bwelela kuli iimisumba iyobe. ²² Bushe ulefwaya waya ukufika ku nshita nshi, we mwana umwanakashiuwa bula icitetekelo? Pantu Yawe nalenga icintu cimo pe sonde-umwanakashi akacingilila umwaume uwabulamba. ²³ Yawe wamabumba, Lesa "wakwa Israeli, asosa ifi Ilyo line nkabafumya muli bunkole bwabo,bakasosa ifi mu caalo ca Yuda ne misumba yakwe, 'Lekeni Yawe akupaale,we ncende iya lungama umo ekala, we lupili lwa mushilo.' ²⁴ Pantu Yuda ne misumba yonse iyakwe bakekala bonse kulya, abalimi nabendauka ne mikuni. ²⁵ Pantu Ine nkalenga abo abafunshika ukunwa icakaniko cabo, kabili Ine ndekusha aba pomponteka." ²⁶ Panuma ya ifi Ine nalishibikwe, kabili Ine nailwike ukuti utulo twandi twaliwe saana. ²⁷ "Moneni, inshiku shileisa-uku wkusosa kwakwa Yawe-ilyo ine nkabyala amayanda yamu Israeli na yudane mbuto sha bantune mbuto sha nama. ²⁸ Akale, Ine nalibalekele nokulaba mwenenena pakuti banukulwe nokuba putaula, ukubafumyapo, ukubashonaula, nokubalenga ukonaulwa. Leelo mu nshiku ishikesa, ine nkala bangalila, pakuti ukababike pamo nokubalimba-uku eku sosa kwakwa Yawe. ²⁹ Muli isho nshiku takuli nangu umo uukasosa nakabili, Abafyashi nabalya imyangashi iya sasa, leelo ameeno ya abana yawa ingwishi. ³⁰ Pantu umuntu onse akafwila pa membu shakwe, umuntu onse uwalya imyangashiiya sasa, ameeno yakwe yakawa ingwishi. ³¹ Moneni, inshiku shileisa- uku ekusosa kwakwa Yawe-ilyo nkapanga icipingo icipya naba nganda yakwa Israeli ne nganda yakwa Yuda. ³² Tacakabe nge cipingo napangile nabafyashi babo munshiku ilyo nabasendele kumaboko yabo ukuba fumya mu calo ca Egiputi, pantu balyonawile icipangano candi, nangu nali umulume wabo-ekusosa kwakwa Yawe. ³³ Ici ecipangano ico Ine nkapanga naba munganda yakwa Israeli panuma ya isho nshiku-uku ekusosa kwakwa Yawe. Ine nkabika amafunde yandi mukati kabo kabili nkayalembela mu mitima yabo, pantu nkaba Lesa wabo, kabili bena bakaba abantu bandi. ³⁴ Elyo umuntu onse takasambileshe umwina mupalamano, nangu umuntu ukusambilisha munyina nokuti, ishiba Yawe! Pantu bonse bakeshiba Ine ukutula kuwa cepesha ukufika kuwakulisha-uku ekusosa kwakwa Yawe-pantu ine nkabelela impulumushi shabo kabili nshakebukishe imembu shabo. ³⁵ Yawe asosa ifi,ni ena eupela akasuba ukutupeela ulubuto no kupela akasuba no kupekanya umweshi nentanda ukupeela ulubuto ubushiku.Niena ulenga bemba ukwenda pakuti amabimbi yakwe ya bulume- Yawe wamumba eshina lyakwe. ³⁶ "Kanofye nga cakuti ifi ifipope fyaluba kumenso yandi-uku ekusosa kwakwa Yawe-elyo abana babena Israeli bakaleka ukuba uluko umuyaya ku cinso candi." ³⁷ Yawe asosa ifi "Kanofye imyulu iyalepesha nga kuti yapimwa, kabili kanofye amashinte ya caalo panshi nga kuti yenga sangwa, elyo ine nkasuula abaana bonse abakwa Israeli pamulandu wa fyonse ifyo ba cita-uku ekusosa kwakwa Yawe. ³⁸ "Moneni, inshiku shileisa- uku ekusosa kwakwa Yawe-ilyo umusumba uka kulilwa ine cipya cipya, ukufuma ku lupungu lwa Hananeli ukufika ku mpongolo yapa cifutu. ³⁹ Elyo intambo yakupinako ikeema nokulola kuntashi, kuka pili ka Galebu nokushinguluka Goa. ⁴⁰ Umupokapoka onse uwa fitumbi ne mito, na mabala yonse ukulola ku mupokapoka wa Gidron ukufika fye naku mpongolo yakwa kafwato ku kabanga, fikapatulwa kuli Yawe. Umusumba tawakanukulwe nagu ukucimfiwa nakabili, umuyayaya."