¹ Ishiwi ilyo lyaishile kuli Yeremia ukufuma kuli Yawe, ukutila, ² "ici eco Yawe, Lesa wakwa Israeli atila, Lemba mucitabo ynose amashiwi ayo nalandile kuli imwe. ³ Pantu lolesha, inshiku shileisa- uku ekulanda kwakwa Yawe - ilyo nkabwesha bankole abamubantu bandi, Israeli na Yuda. Ine, Yawe, nalicilandile. Pantu nkabaleta bena kukubabwesesha kucalo ico napele kufikolwe fyabo, elyo bali nokukwata.''' ⁴ Aya emashiwi ayo Yawe alandile ukulosha kuli Israeli na Yuda, ⁵ "Pantu Yawe alandile ici, 'Twaumfwilen ishiwi lyakutumya kwa mwenso kabili teya mutende. ⁶ Ipusha nokumona nga umwaume enga mfyala umwana. Cinshi mbwena cila mwaume umwaice namaboko yakwe pamala ngo mwanakashi alefyala umwana? Cinshi ifinso fyabo fibutulukile? ⁷ Akalanda! Pantu bulya bushiku bukaba ubukalamba, ubushabala abubako. Ikaba ninshita yakucushiwa kuli Yakobo, lelo akapusushiwa ukufuma kuli ico. ⁸ Pantu cikaba muli bulya bushiku -uku ekulanda kwakwa Yawe wamabumba -Ukutila nkaputaula ikoli lya mukoshi obe, elyo nkafunaula iminyololo yobe, ukutila abatulatulafye tabakatale abasunga iwe mubusha. ⁹ Lelo bakashinshimuna Yawe Lesa wabo nokubombela David imfumu yabo, ilo nkacita imfumu pali bena. ¹⁰ Eico iwe, wemubomfi wandi Yakobo, witina -uku ekulanda kwakwa Yawe - kabili witunsha mutima, Israeli Pantu mona, ndi mukulubula iwe ukufuma kucifulo cakutali, nobufyashi bobe ukufuma ku calo cabunkole. Yakobo ali nokubwela nokutusha; akatusha muku sungwa, kabili ukutinishiwa. ¹¹ Pantu ndi nobe -uku ekulanda kwakwa Yawe -Ukusunga iwe. Elyo nkaleta shonse inko capamo uko namisalanganishe imwe. Lelo nshakabike impela kuli imwe, nangula namikandile imwe mumulinganya kabili nshakamishe imwe ukwabula ukumikanda.' ¹² Pantu Yawe alandile ici, 'Ifilaso fyobe tafipola; ifilonda tafyundapwa. ¹³ Takuli nangu umo uwakukupapatilako kumulandu obe; takuli umusango wacilonda cobe uwakukuposeshamo. ¹⁴ Bonse abatemwishi bobe balikulaba iwe. Tabakakufwaye iwe, pantu nalikucena iwe kucilonda camulwani noku salapula kwakwa cibinda obe umunkalwe pamulandu wampulumushi shobe ishingi nama sambi yobe ayafula. ¹⁵ Cinshi ukutila kubwafwilisho pafilaso fyobe? ukukalipwa kobe takuposhiwa. Pamulandu wampulumushi shobe ishingi, amasambi yobe ayengi, nacita ifi fintu kuli iwe. ¹⁶ Eico onse ukakupwisha nkamiupwisha, nabonse abalwani bobe bakaya muli bunkole. Pantu abo aba kupatile bakasangwa abatapwa, kabili nkalenga bonse abalekonka iwe ukonaulwa. ¹⁷ Pantu nkaleta ukundapwa pali iwe; nkakundapa iwe pafilonda fyobe -UKu ekulanda kwakwa Yawe -nkacita ici pamulandu balikwitile iwe: Uwaposwa. Tapali nelyo umo uwayangilwe iwe Sioni.''' ¹⁸ Yawe alandile ici, "Moneni, Ndimukumubwesesha ishuko lyakwa Yakobo kwitenti lyakwe kabili ninkwata inkumbu pa nganda yakwe. Elyo umusumba uli no kukulwa pamulu wafyaonawilwe, kabili amaka yakalasangwa apo yabele. ¹⁹ Elyo ulwimbo lwama limbo neciunda catumpundu cikafuma kunse kuli bena, Pantu nkabafusha bena tekubacefya; nkabacindika bena tabakaicefye. ²⁰ Elyo abantu babo bakaba ifyo bali kale, nokulongana kwabo kukalundululwa pali ine ilyo nakanda bonse abo abalecusha bena. ²¹ Bakatungulula wabo bakafuma mukati kabo. Akatuma mukati kabo ilyo nkamupallamina ilyo ankomanya. Nganshicitile ici, uwinga mpalama ninani? -uku ekusosa kwakwa Yawe. ²² Elyo mukaba abantu bandi, kabili nkaba Lesa wenu. ²³ Moneni icimwela cacipyu cakwa Yawe, nacifuma. Cimwela cakutwalilila. Cikapupa pa mitwe yabantu imbifi. ²⁴ Icifukushi cakwa Yawe tacakabwele mpaka casendamo nokufikilisha ifyamapinge ya mutima wakwe. Munshiku shakulekelesha, mukacumfwikisha."