¹ Aya emashiwi mu citabo ayo kasesema Yeremia atumine ukufuma ku Yersalemu kubasheleko abakalamba aba muli bunkole na kuli bashi mapepo, naba kasesema naku bantu abo Nebukadinesari atamfishe ukufuma mu Yerusalemu ukuya ku Babiloni. ² Ili cali panuma imfumu Yeoyakin, nyina wa mfumu, bacililo, intungulushi shakwa Yuda na Yereusalemu, naba cenjela mufya kubasa no kufula bali batamfishe ukufuma mu yerusalemu. ³ Atumine ici citabo muminwe yakwa Elesa mwana Shapani na Gemaria mwana Hilikia uo Sedekia, imfumu yakwa Yuda, atumine kuli Nebukadinesari imfumu yaku Babiloni. ⁴ Icitabo catile, "Yawe wamabumba, Lesa wakwa Israeli asosa ifi kuli bonse ba nkole abo nalengele ukutamfiwa ukufuma ku Yerusalemu ukuya ku Babiloni ⁵ 'Kuleni amayanda nokwikalamo. Limeni amabala nokulya ifilimwa fya mumabala. ⁶ Upeni abakashi nokufyalamo abana abaume na bana abanakashi. Elyo bulileni aba benu abaume abakashi bope, nokupela abana abanakashi ku balume. lekeni bafyale abana abaume nabakashi nokuti bafule uko nokukana cepa. ⁷ Fwayeni icibote ca mumusumba umo nalengele ukuti bamutamfye mwipapatile kuli ine pantu kukaba icibote kuli imwe ngo musumba uli necibote. ⁸ Pantu Yawe wamabumba, Lesa wakwa Israeli, asosa ifi, "mwileka bakasesema benu abali pakati kenu naba kubuka benu ukumubepa, mwikutika ku filoto ifyo mubakoselesha ukulota. ⁹ Pantu balesesema ifya bufi mwishina lyandi. Ine nshabatumine, Uku ekusosa kwakwa yawe ¹⁰ Pantu asosa ifi, 'Ilyo Babiloni akamuteka pa myaka amakumi cine lubali, Ine nka mwafwa nokufikilisha ishiwi lyandi ilisuma ilyakumubwesesha ku calo cenu. ¹¹ Pantu ine nemwine nalishiba amapange ayo nakukwatila. Uku kusosa kwakwa Yawe, amapange aya cibote teyabubi, aya kumipela icilolelo ne subilo ¹² Elyo muketa kuli ine, noku pepa kuli ine, naine nkamumfwa. ¹³ Pantu mukafwaya ine namuku nsanga, pantu mukumfwaya no mutima wenu onse. ¹⁴ Elyo imwe mukansanga -uku ekusosa kwakwa Yawe, naine nkamubwesha ukumufumya muli bunkokle; ine nkamukolonganika ukufuma mu nko shonse ne fyalo umo namusalanganishishe uku kusosa kwakwa Yawe, pantu nkamubwesesha ku calo namulengele ukutamfiwa.' ¹⁵ Ico mwasosele ukuti Yawe alimwimishe ba kasesema mu Babiloni. ¹⁶ Yawe asosa ifi ku mfumu iya ikala pa cipuna ca bufumu icakwa Davidi nakuli bonse abantu abekala muli ulya musumba, ba munonko abashaile naimwe muli bu nkole, ¹⁷ Yawe wamabumba asosa ifi, "Moneni, ndi mupepi no kutuma imifwi, icipowe, ne cinkunka pali bena. Pantu nkabacita nga makungu yabola ayashingawamina ukulikwa. ¹⁸ Elyo nkabasupika ne mifwi, icipowe, ne cinkunka nokubalenga ukuba icintu icakutinya ku mabufumu yonse pe sonde, icamakankamike, kabili icintu ica tipwa kabili icakupapusha, kabili icintu icansoni pakati ka nko shonse uko namusalanganishishe. ¹⁹ Icalenga ifi nico tabaumfwile kwi shiwi landi, uku kusosa kwakwa Yawe, ukuti nalitumine kuli bena ukupitila mu ba bomfi bandi ba kasesema. Nalebwekeshapofye ukubatuma lelo tamwaumfwile, uku kusosa kwakwa Yawe," ²⁰ Eco imwe mwebene kutikeni kwi shiwi lyakwa Yawe, bonse imwe bankole mwebo atumine ukufuma ku Yerusalemu ukuya ku Babiloni. ²¹ Yawe wamabumba, Lesa wakwa Israeli asosa fi palwa kwa Ahabu mwana Kolaya na Sedekia umwana wakwa Maseya, uusesema ifya bufi kuli imwe mwishina layandi, Moneni, ine ndi mupepi nokumubika muminwe yakwa Nebukadinesari imfumu yakwa Babiloni. Akabepaya mumenso yenu. ²² Elyo icitipu cikalandwa palwa aba bantu kuli bankole bonse ukufuma ku Yuda na Babiloni. Icitupu cikaso ukuti, "Yawe akucite Sedekia na Ahabu, uo imfumu yaku Babiloni ya ocele mu mulilo. ²³ Ifi fikacitika pamulandu wa fintu ifya musebanya ifo bacitle mu Israeli ilyo balecita ubucende nabakashi ba bena mupalamano kusosa amashiwi aya bufi mwishina lyandi, ifintu ifyo nshabakonkomeshe ukusosa. Pantu nine newaishiba; Nine kambone- uku ekusosa kwakwa Yawe." ²⁴ Palwa kwa Shemaya umwina Nehelamu, sosa fi: ²⁵ "Yawe wamabumba, Lesa wakwa Israeli, asosa ifi: Pamulandu wakuti walitumine amakalata mwishina lyobe ku bantu bonse abamu Yerusalemui, kuli Sefania mwana Maseya shimapepo, na kuli ba shimapepo bonse, nokusosa ukuti, ²⁶ 'Yawe nakucita ukuba shimapepo pa cifulo ca kwa Yehoyada shimapepo, pakuti iwe ube kangalila mu nganda yakwa Yawe. Uli nokumona bonse aba pena nokuibika ukuba bakasesema. Iwe ulingile ukubakaka muminyololo nokubakaka mwikoli lya cela. ²⁷ Nga nanomba cinshi ico iwe tawacilimuna Yeremia umwina Anatoti, uibika ukuba kasesema ukucila iwe? ²⁸ Pantu alituma kuli ifwe mu Babiloni nokusosa ukuti, ' cikasenda inshita iitali. Kuleni amayanda nokwikalamo, nokulima amabala nokulya ifisabo fya yako. ²⁹ "Shimapepo Sefania abelengele uyu kalata mumatwi yakwa kasesema Yeremia. ³⁰ Elyo ishiwi lyakwa Yawe lyaishile kuli Yeremia, aliti, ³¹ "Tuma ishiwi kuli bonse ba nkole no kuti, 'Yawe asosa ifi palwa kwa Shemaya umwina Nehalamu, pa mulandu wakuti Shemaya alisesema kuli imwe ilyo ine nshamutumine kabili nalenga imwe ukucetekela mu bufi. ³² Eico Yawe asosa ifi: Moneni, ine ndi mupepi no kukanda Shemaya umwina Nehelamu no bufyashi bwakwe. Takakwate umuntu wakwikala mukati ka bantu bandi. Takamone icisuma ico nkacitala abantu bandi-ukusosa kwakwa Yawe- pantu nabila ukusangukila Yawe."'