¹ Cali mumwaka ulya, mu kutendeka kwa buteko bwakwa Sedekia imfumu ya kwa Yuda mu mwaka walenga ine na mumweshi walenga isano Honania mwana kasedema Asuri uwafumine ku Gibeoni, alandile kuli ine mu nganda yakwa Yawe pancinso ca bashimapeo na bantu bonse. Asosele ati, ² "Yawe wa mabumba, Lesa wakwa Israeli, asosa ifi: Nimputulako ikoli iya mfumu yaku Babilini, ³ Mumyaka ibili ninshi nabwesha kuli ici cifulo fyonse ifintu fyamu nganda yakwe ifyo Nwebukadinesari imfumu ya ku Babiloni yasendele ukufuma kuli cino calo nokutwala ku Babiloni. ⁴ Elyo nkabwesha kuli cino calo Yehoyakimu mwana Yehoyakimu, imfumu yaku Yuda, na bonse ba nkole baku Yuda abatuminwe ku Babiloni, uku ekusosa kwakwa Yawe, pantu nkaputula ikoli lya mfumu ya Babiloni." ⁵ Eco kasesema Yeremia alandile kuli kasesema Hanania pa cinso caba shimapepo naku bantu bonse abaiminine mu nganda yakwa Yawe. ⁶ Kasesema Yeremia asosele ati, "Nacibe ifyo fine! Yawe asuminishe ama shiwi ayo waseseme nokubwesha ku calo cino fyonse ifintu ifya munganda yakwa Yawe na bonse ba nkole ukufuma ku Babiloni. ⁷ Lelo kwena, umfwa kwi shiwi ilyo nalabila mumatwi yobe na mumatwi ya bantu bonse. ⁸ Ba kasesema abantangilile kabili abatangilile iwe ukufuma ku nshita ya kale baseseme palwa nko ishingi na pa mabufumu aya kalamba, palwa bulwi, icipowe, ne cinkunka. ⁹ Eco kasesema uwaseseme ukuti kukaba icibote, nge shiwi lyakwe lyafikilishawa, lyena cikeshibikwa ukuti cacine ni kasesema uwatuminwe na Yawe." ¹⁰ Lelo kasesema Hanania afumishe ikoli mumukoshi wakwa kasesema Yeremia noku liputula. ¹¹ Elyo Hanania alandile ku ntasnshi ya bantu bonse no kutila, "Yawe asose ifi; ifi finefye, mu myakafye ibibli nkaputula ukufuma mumikoshi ya nko shonse ikoli lyabafwikile Nebukadinesari imfumu ya ku Babiloni." elyo kasesema Yeremia aile uko alefwaya umwine. ¹² Panuma kasesema Hanania naputula ikoli ukufuma mumukoshi wakwa kasesema Yeremia ishiwi lyaishile ukuli Yeremia aliti, ¹³ "Kabiye nokulanda kuli Hanania utile, 'Yawe asosa ifi: Iwe waputwile amakoli yacimuti, naupyanikishapo amakoli ya cela.' ¹⁴ Pantu Yawe wa mabumba, Lesa wakwa Israeli, asose ifi; Ine nimbika ikoli mu mikoshi ya nko shonse ukubombela Nebukadinesari imfumu ya Babiloni, kabili bakamubombela. Nimupela ne finama fya mpanga nafyo alefiteka." ¹⁵ Icakonkelepo kasesema Yeremia asosele kuli kasesema Hanania ati, "Umfwa Hanania! Yawe takutumine, lelo iwe naulenga aba abantu ukusumina mufya bufi. ¹⁶ Eco Yawe asosefi, 'Mona, ndi mupepi nokukufumya pe sonde. Uli no kufwa uno mwaka, ico wa bilile ukusangukila Yawe. ¹⁷ "Mu mweshi walenga cine lubali muli ulya wine mwaka, kasesema Hanania alifwile.