¹ Mukutendeka kwa kuteka kwakwa Jehoiakim umwana umwaume wakwa Josiah, imfumu ya kwa Yuda, ili shiwi lyaishile ukufuma Yawe ukuti, ² "Yawe asose ifi; iminina mulubansa lwa nganda yandi no kulanda pa lwa misumba yonse iisa muku shinshimuna pa ng'anda yandi. Bila amashiwi yonse ayo nalakonkomeshe ukusosa kuli bena. Wishapo ishiwi nangu limo. ³ Nalimo abantu kuti baumfwa, baleka nemisango yabo iibi. Ngaba cita ifyo ine ninshi nkabwesha umutima nshakaboponeshe ububi ubo napanga ukubacitila pa mulandu wa micitile yabo. ⁴ Eico ulungile ukusosa kuli bena auti, "Yawe asose fi "Ngatamwakomfwe kuli ine ku kwendela muma funde yandi ayo nabika ku cinso cenu, ⁵ ngatamumfwile kuba bomfi bandi ba kasesema abo ndetuma lyonse lyonse kuli imwe, nomba tamwaumfwa! ⁶ -ninshi nkacita iyi ng'anda nga filya nacitile Shilo. Nkalenga uyu musumba ukuba icitipu mu cinso canko shonse pe sonde. ⁷ Bashimapepo, na bantu bonse balyumfwile Jeremia alebila aya mashiwi mu ng'anda yakwa Yawe. ⁸ Nomba ilyo Jeremia apwile ukubilisha amashiwi yonse ayo Yawe akonkomeshe ukuti asose ku bantu bonse, bashimapepo, bakasesema, na bantu bonse bamwikete nokutila, "Cinefye iwe ulefwa." ⁹ Bushe cinshi ico ulesesema mwishina lyakwa Yawe nokutila iyi ng'anda ikaba nga Shilo no yu musumba ukonaika, tamwabe nowakwikalamo?" Pantu abantu bonse balikolongene nokushinguluka Jeremia mu ng'anda yakwa Yawe. ¹⁰ Elyo ba cilolo ba mu Juda balyumfwile aya mashiwi no kuya ukufuma mu ng'anda ya mfumu ukuya ku ng'anda yakwa Yawe. Baikele apakwingilila pa mpongolo ipya iya nganda iya yakwa Yawe. ¹¹ Bashimapepo nabakasesema balandile kuli ba cilolo naku bantu bonse. Batile, "Cawamapo uyu muntu ukufwa, pantu alisesema palwa uno musumba, nga fintu mwaumfwile na matwi yenu!" ¹² Eico Jeremia alandile kuli ba cilolo nabantu bonse nkuti. "Yawe nantuma ukuya sesema palwa iyi ng'anda no musumba, kukusosa amashiwi yonse ayo mwaumfwile. ¹³ Eico nomba, muwamye inshila shenu ne ficitwa fyenu, no kumfwa kwishiwi lya kwa Yawe Lesa wenu pakuti akabweshe umutima palwa bubi ubo abilile pali imwe. ¹⁴ Ine nemwine, ndolesheni! ndi mucalo cenu. Citeni kuli ine icisuma kabili icalungama mu menso yenu. ¹⁵ Lelo mu cine mulingile mwaishiba ukuti nga mwa njipaya, ninshi mulebika umulopa uwakaele pa mibili yenu napali uyu musumba nabekashi ba uko, pantu Yawe mucishinka alintumine kuli imwe kusosa aya mashiwi ku matwi yenu." ¹⁶ Elyo ba cilolo nabantu bonse basosele kuli ba shimapepo naba kasesema abati, Tacili icalungama uyu muntu ukufwa. Pantu ni mwishina lyakwa Yawe Lesa wesu asosele ifi fintu kuli ifwe. ¹⁷ Elyo abaume ukuma mu bakalamba ba mu calo baimine nokulanda kwi bumba lyonse ilya bantu. ¹⁸ Basosele ukuti, "Micah uwaku Moresheth alesesema munshiku sha kwa Hezekiah imfumu yakwa Yuda. Alandile ku bantu ba kwa Yuda ukuti. 'Yawe wa mabumba asosa ifi: Zion akaba libala ilya limwa, Jerusalemu akaba mwina wafitantala, na kaili apaba in'gnda yandi ine ne Lesa lukasapilwa.' ¹⁹ Bushe Hezekiah imfumu yakwa Juda na Juda yonse bali mwipeye? Bushe aletina Yawe no kusengula ku cinso cakwa Yawe pakuti abweshe umutima palwa bubi ubo asosele kuli bena? Eico akacita ububi ubukalamba pa myeo yenu?" ²⁰ Kwaliko no muntu uwaseseme mwishina lyakwa, Uria umwana mwaume wakwa Shemiah ukufuma ku Jearim, nao aseseme pa musumba uyu ne calo ici, ukusuminisha amashiwi yonse ayakwa Jeremia. ²¹ Lelo ilyo imfumu Jehoiakim naba shilika bakwe naba cilolo baumfwile ishiwi lyakwe, elyo imfumu yaleseshe ukumwipaya, lelo Uria alyumfwile umwenso, eico alibutwike nokuya ku Egypt. ²² Elyo imfumu Jehoiakim atumine abaume ukuya ku Egypt, Elnatan umwana mwaume wakwa Akbor na baume bamo pamo na ena ukuya mu Egypt panuma yakwa Uriah. ²³ Bali sendele Uriah ukumufumya mu Egypt nokumutwala ku mfumu Jehoiakim. Elyo Jehoiakim amwipeye no lupanga no kutuma icitumbi cakwe ku nshishi ya ba pabi. ²⁴ Lelo ukuboko kwakwa Ahikam umwana mwaume wakwa Shaphan ali na Jeremia, eico tapelwe mu minwe ya bantu ukuti ba mwipaye.