¹ Ili ishiwi lyaishile kuli Yeremia palwa bantu bakwa Yuda. Caishile mu mwaka uwalenga buneuwakwa Yohakimuumwana mwaume wakwa Yoshia, imfumu yakwa Yuda. ² Ewali umwaka wakubalilapo uwakwa Nebukadinesari, imfumu ya ku Babiloni. Yeremia kasesema abilikishe ici kubantu abakwa Yuda na shonse impyani sha Yerusalemu. ³ Ukutula kumwaka uwalenge ikumi na itatu kuli Yoshia mwana Amone, imfumu yakwa Yuda ukufika nakuli buno ubushiku iyi myaka amakumi yabili na itatu kwaleisa ishiwi lyakwa Yawe kuli ine, naine nalesosa kuli imwe lelo tamwaumfwa. ⁴ Tamwaumfwa nangu ukuteyanika amatwi yenu kukumfwa, nelyo Yawe atume kuli imwe ababomfi bakwe bonse bakasesema. ⁵ Aba bakasesema batile, 'Lekeni cila muntu afume ku nshila shakwe isha bipa nakubunake bwa fyacitwa fyakwe nokubwelelela ku calo ico Yawe apele mu nshita shakale ku fikolwe fyenu na kuli imwe nge cabupe icakubelelela. ⁶ Kabili mwilakonka imilungu imbi kuku ibombela noku ishinshimuna, nangu kumfisha ku mutima ku cacitwa ku minwe yenu, naine nshakamuletele ububi. ⁷ Lelo tamwaufwa kuli ine - uku ekulanda kwakwa Yawe- Eico mula nsonsomba ine ku milimo ya maboko yenu kuku cita ukuiletelela imwe. ⁸ Eico Yawe wamabumba alanda ifi, pamulandu wakuti tamwaumfwile ku mashiwi yandi, ⁹ Moneni nalatuma ikambisho ukukolonganika abantu bonse aba kukabanga -uku ekulanda kwakwa Yawe -na Nebukadinesari umubomfi wandi, imfumu yaku Babiloni, nokubaleta muli cino calo kabili ne mpyani shabo, kabili nenko ishi mishingulwike. Pantu ndi nokutuma bena kukonaula. Nkabula ukuba ifya kutinya, na icibombelo camusowa, kabili icibolya cakupelekeshako. ¹⁰ Nkapwisha iciunda ca kusekelela ne ciunda ca nsansa, iciunda cakwa shibwinga ne ciunda cakwa nabwinga, iciunda celibwe lya kupela no lubuto lwa cisaniko. ¹¹ Elyo conse ici calo cikaba icibolya kabili icakutinya, kabili ishi inko shikabombela imfumu yaku Babiloni pa myaka amakumi yabili. ¹² Elyo fikacitika ilyo amyaka amakumi cine lubali iakpita, ine nkakanda imfumu yaku Babiloni kabili nenko, na icalo cabena Kaludea -uku ekulanda kwakwa Yawe -pa fibi fyabo nokucipanga icibolya cakupekeshaka. ¹³ Elyo nkabula palwa cilya calo amashiwi yonse ayo nalandile, kabili na fyonse ifyalembwa muli ili ibuku ifyo Yeremia aseseme palwa nko shonse. ¹⁴ Pantu inko nashimbi ishingi ne shamfumu ishikalamba bakapanga babsha ukufuma muli ishinko. Nkabalimuna pa ficitwa fyabo ne milimo yamaboko yabo. ¹⁵ Pantu Yawe Lesa wakwa Israeli, nalanda ifi kuli ine, "Senda ulu lunweno ulwa mwangashi ulwaisula ukufuma mumaboko nokulenga inko shonse isho uko nde kutuma banwe. ¹⁶ Pantu bali nokunwa kabili bakalapempenuka no kufulunganishiwa kulupanga ulo nkatuma mukati kabo." ¹⁷ Eico nabulile ulunweno ukufuma mumaboko, kwakwa Yawe kabili nalengele inko uko Yawe antuminwe ukunwa: ¹⁸ Yerusalemu, imisumba yakwa Yuda ne shamfumu kabili naba filolo ba mfumu -uku bapilibula ukufuma kufitantala kabili ifyaonaika, nokuba ifibombelo ifya cintinya kabili netipu, mukubapo kwa nshiku shabo. ¹⁹ Inkop nashimbi nasho shikanwa: Farao imfumu yaku Egypti naba bomfi bakwe; ba cilolo bakwe kabili na bantu bakwe bonse; ²⁰ Bonse abantu abasankana ne mpyani naba shamfumu aba mucalo caba Filisiti -Ashikeloni, Gasa, Ekironi, kabili naba shalapo baku Ashidodi; ²¹ Edomu na Moabu na bantu bakwa Amoni. ²² Imfumu shaku Turu na Sidoni, ba shamfumu ba mululamba bushilya lya mumana, ²³ Dedani, Tema, na Busi na bonse ababeya imishishi ishipi, bushilya bwa mitwe yabo nabo bali no kunwako. ²⁴ Imfumu shonse isha ku Arabia ne mfumu shabantu bab sankana mu mpyani abekala mumatololo. ²⁵ imfumu shonse isha ku Simuri, ne mfumu shonse isha Elamu, ne mfumu shonse ishaku Media; ²⁶ Imfumu shonse isha kukapinda kakukuso, bamo ba palaminako na bamo abapatali cila umo namunyina na mabufumu yonse aya pesonde, bonse muli bene bakanwa mulunweno ukufuma mukuboko kwakwa Yawe. Mukulekelesha, imfumu yaku Babiloni nayo yine ikanwa ukufuma muli ulya lunweno. ²⁷ Yawer atile kuli ine, "Nomba ufwilie walanda kuli bena, 'Yawe wamabumba Lesa wakwa Israeli, alanda ifi: Munwe no kukolwa, elyo muleke, mupone panshi, mwikema ku lupanga ulo nkatuma mukati kenu,' ²⁸ Elyo cikacitika icakutila nga bakana ukubula ulunweno ukufuma mukuboko kobe kukunwa, ukatila kuli bena, Yawe wamabumba alanda ici, icinefye mufwile ukunwa. ²⁹ Pantu mona, na pakuleta ubonaushi pamusumba uwaitwa pe shina lyandi, kabili Bushe imwe mukaba abakaele kuku kandwa? Tamwakabe abantungwa, pantu ndeita ulupanga pa bekashi bonse aba mucalo -uku ekulanda kwakwa Yawe wamabumba.' ³⁰ Ufwile wasesema aya yonse amashiwi pali bena, nokulanda kuli bena, Yawe akabuluma ukufuma mumulu kabili akabilikisha ne shiwi lyakwe ukufuma mu bwikalo bwekwe ubwa mushilo kabili akabuluma na maka pa bantu bakwe; kabili akabilisha kwati niabo bonse abakanda imyangashi pali abo bonse abekala pe sonde. ³¹ Iciunda ca bulwi cikalila kumpela ye sonde, pantu akapela imilandu pa nko, kabili akaleta ubupingushi pa fimumbwa fyonse, kabili ababifi akabape ku lupanga -uku ekulandfa kwakwa Yawe. ³² Yawe wamabumba alanda ici, 'Mona, icinkunka cileya ukufuma uluko no luko, kabili amabimbi yakalamba naya tendeka ukufuma ukwa pelela icalo. ³³ Elyo bonse abo Yawe akepaya pali bulya bushiku bakasabankanye ukufuma kulubali lwe sonde; tabakaloshiwe, ukukolonganyika nangu ukushikwa. Bakaba nga citindi pa mushili. ³⁴ Lileni, bakacema, no kupunda mutule! Kunkuleni mulukungu, imwe mwe ntungulushi shamu kuni wandi, pantu inshiku sha kwipaulwa na shisa; muka sunaika ilyo mukapona kwati mutondo. ³⁵ Takwakabe ukubutuka kuli bakacema, takwakabe ukufyuka ku bakanka ba mukuni. ³⁶ Umfwa ukulila kwaba kacema no kupona kaba kankala ba mukuni, pantu Yawe naonaula umutelelwe wabo. ³⁷ Eico mutende wamutelelwe naonaulwa pamulandu wakupyakwabukali bwakwa Yawe. ³⁸ Kwati musepela wa nkalamo, nafuma umwa kufisama kwakwe, pacalo cabo paba icibolya pamulandu wa cipyu ca bukali, pamulandu wa kukalipasha kwakwe."'