¹ Ku ng'omba nkalamba; uubikilwe mumusango wa Gititi. Ilumbo lya bana baume bakwa Kora. Ifyo yawamisha incende iyo mwebo mwikalako, Yawe wamilalo! ² Nebo nda fwaisha imansa shakwa Yawe, ukukabila kwandi nebo ukwaiko kuli ndengele ukutompoka. umutima wandi no buntunse bwandi bonse piita kuli Lesa wa mweo. ³ Ne nseba ilisangile ng'anda yaiko na kamimbya icinsa cakakwe apo kengalalika utwana twakako mupepi ne fipailo fyobe, Yawe wamilalo, imfumu yandi, na Lesa wandi. ⁴ Abapalwa ni abo abekala mu ng'anda yobe; balalumbaya webo ukutwalilila. ⁵ Alipalwa umuntu uo bulanda bwakwe bwaba muli webo , ni uyo mu mutima wakwe mwaba inshila shatambalala ishikonina ukuya ku Sioni. ⁶ Ukupita mumukonko wa filamba alasanga utu milonga twa mesnshi aya kunwa. imfula ya pakubala ila cifimba na mapalo. ⁷ Balaya ukufuma mu bulanda ukuya mu bilamba'bonse cila umo balamonekela kuli Lesa mu Sioni. ⁸ Yawe, Lesa wa milalo, umfwa ipepo lyandi; Lesa wakwa Yokobo, umfwa kufyo nkolanda nebo! ⁹ Lesa, lindilila ubucingo bwesu; langa ukusakamana paba subwa bobe. ¹⁰ Pantu ubushiku bumo mu mansa shobe buliwemepo ukucila ikana kumbi. Kuti natemwapo naba kasunga wapa cibi mu ng'anda yakwa Lesa, ukucila ukwikala mu mahema yaba bifi. ¹¹ Pantu Yawe Lesa ekasuba kesu no bucingo; Yawe akapela ukusenaminwa no bukata; tekatilila icintu icabune icili conse kuli abo abenda mjuli bumpomfu. ¹² Yawe wa milalo, alipalwa umuntu uwacetekela muli webo.