¹ Ulwimbo. ilumo lyakwa Safi. Lesa, wiba uwakuba tondolo! witula fwebo no kukana seshiwa, Lesa. ² Lolesha, abalwani bobe bakopanga icikeni, nabo bakupata balinishe mitwe shabo. ³ Bali ilalike mubumfisolo palwa bantu bobe no kupangana capamo pabaku cingililwa bobe. ⁴ Bali landile ati, "Isa, no kuteka fwebo tubonaule ngo luko. Elo ishina lyakwa Israeli talyakabe ilya kwibukishiwa." ⁵ Bali pangene no mungalato umo; palwa webo balipangile ubwamopano. ⁶ Uku kulundako na mahema yakwa Edomu na bena Ishmaele, na bantu ba mu Moebu na bena Hahari, aba panga pamo na ⁷ Gabali, Amone, Amaleki; cililindileko naba Perishiti na bekashi bamu Turi. ⁸ Ashuri nao alyampene na bena; bakoafwa abana bakwa Lote. ⁹ Citakulibo ifyo wacitile kuli Midiani, ifyo wacitile kuli Sisera na kuli Yabini pa mu mana wa Kishone. ¹⁰ Balyonawike pa Endore elo no kusanguka kubati mufundo we sonde. ¹¹ Lengeni abacindami abo kubati ni Orebu na Seebu, na Bonse abacindami babo kubati ni Seba na Salmuna. ¹² Balilanfile ati, "Lekeni fwebo tusende palwesu umulemfwe wakwa Lesa." ¹³ Lesa wandi, balenge bena kubati cipupu calukungu, kubati misungu pa mwela, ¹⁴ kubati mulilo uyo oca umushitu, no kubati lubingu ulo ulubilimusha ulupili no mulilo. ¹⁵ Bafulumune ne cimwela cobe icakukosa, elo ubatinye bena ne cipupu cobe. ¹⁶ Wisushe finso fyabo no musebanya oakwebati bengafwa ishina lyobe, Yawe. ¹⁷ Leka balengwe nsoni no kuba bakutina umuyayaya; leka banaike mu musebanya. ¹⁸ Elo bakeshiba ukwenbati webo weka, Yawe walimishiwa pamula we Sonde yonse.