¹ Ku ng'omba nkalamba, ilumbo lya nyimbo iwa bana baume bakwa Kora. Yawe, ulilangile ububile ka calo; uli bweseshe ishuko kuli Yakobo. ² Ulyelele amapulu ya bantu bobe; uli fimbile pa mampulu yobe yonse. ³ Ulibweseshemo icipyu cobe; muli fumine ku cifukushi cabukali bwenu. ⁴ Tubwesenimo fwebo, Lesa we pusukilo lyesu; kabili fulunganyeni ukufitwa kwenu kuli fwebo. ⁵ Bushe mwalekutufulilwa fye umuyayaya? bushe mwalekwikalilila fye ababukali ku nnkolu ne nkolu. ⁶ Bushe mwebo tamwakatupuputule fwebo nakabili? elo abantu benu bakasansamukila muli mwebo. ⁷ Tulangeni icipangano cenu icabucishinka, Yawe tupeleni fwebo ipusukilo. ⁸ Nkokutika kufyo Yawe Lesa akolanda, pantu akopanga umutende na bantu bakwe, abantu bakwe ababucishinka aba mukonka. Nomba tanulingile kubwelelako kufyabuwelewele. ⁹ Icacine cine ipusukilo lyakwe lilipalamine kulyabo ababa nakatina kuli ena; elo ubukata bukashala mu calo cenu. ¹⁰ Cicpangano cabucishishinka pamo nowakucetekelwa filikumene pamo; ubulungami no mutende filifyompene pamo. ¹¹ Ukucetekelwa kuli menene pe sonde, nobulungami bukololeshapo ukufuma mumulu. ¹² Ee Ee, Yawe akalekutupa amapalo ya bune, ne calo cesu cikalekutupela ubusomboshi ku fisabo. ¹³ Ubulungami bwalwkuya kuntashi bukotangilila no kulekupanga inshila ku nyantilo shakwe.