Ku ngomba nkalamba. Ilumbo lyakwa Dabidi; Ulo Natani, kasesema aishile kuli ena panuma ya kuya mu Batisheba. ¹ Mbeleleni uluse mwe Lesa, pamulandu wa bucishinka bwa cipangano cenu; pamulandu wa bwingi bwa luse lwenu, paseni ifya bupulumushi bwandi. ² Nsambeni bwino bwino ku mampulu yandi nokunsangulula kulubembu lwandi. ³ pantu ndishibili amammpulu. nolubembu lwandi; luli ku ntanshi yandi lynse. ⁴ Kuli mwebo, mwebo mweka, ndibembukile no kucita ifyabubifi ku cinso cenu; mulalungika ulo mulanda; mulalungika ulo mupingula. ⁵ Moneni nafyalilwe mumampulu; ulo mayo anjimitile, nalimulubembu. ⁶ Moneni mukokabila bucishinka mukati kandi kabili mukonsambilisha amano mu nchende ishakufisama. ⁷ Ngwamyeni na esobu, kabili nkasangululwa; nsambeni, kabili nkabuta ukucila imfula yakubuta. ⁸ Munenge ukumfwa ukwanga nokusekelela pakwebati amafupa ayo mukontawile yasekelele. ⁹ Fiseni icinso cenu ku membu shandi kabili paseni amampulu yandi yonse. ¹⁰ Lengeni muli nebo umutima uwakusanguluka, mwe Lesa nokubwekeshapo umutima wakulungama mukati kandi. ¹¹ Mwintamfya ku cinso cenu, kabili mwifumya umupashi wenu wa shila muli nebo. ¹² Bwesheni kuli nebo insansa she pusukilo lyenu, kabili ntungilileni nomupanshi wakuitemenwa. ¹³ Elo nkasambilisha bancitatubi imibele yenu, na babembu bakapilibukila kuli mwebo. ¹⁴ Njeleleni pakusumya umulopa, Lesa we pusukilo lyandi, kabili nkapundab pa nsansa sha bulungami bwenu. ¹⁵ Shikulu isuleni imilomo yandi, elo akanwa kandi, kakalumbula ukutashakwenu. ¹⁶ Pantu tamusansamukila mwilambo, nangu nalipela; tamusansamukila mumabupe ya koca. ¹⁷ Amalambo yakwa Lesa mitima iyakutemba. Mwebo, mwe Lesa, tamusula imitima iyakufunshika kabili iyakunaka. ¹⁸ Wamyeni mukutemwa kwenu ku Sione; kulululeni amalinga ya Yelusamu. ¹⁹ Elo mukabekelwa mu malambo ya bulungami, mu fyabupe fyakoca nefyabupe fyakoca ifituntulu elo abantu besu bakapela bacilume ba ngombe pa cipailo.