Lwa ngomba nkalamba. Ilumbo lya kwa Dabidi; ulo Doege umwina Edomu aishile nokweba shauli noku mwebati, ''Dabidi alishile ku nganda yakwa Ahimeleki.'' ¹ Nindo ukwatile icilumba mukucita ifyabubi we mapalume? Bucishika bwa cipangano ca cishinka cakwa Lesa cilesa cila bushiku. ² Ululimi lobe lupinga ubonaushi kubati lwembe lwakutwa, ukubombela mubu cenjeshi. ³ Uwalitemwa ububi ukucila ubune nobufi ukucila ukulanda ubulungami. ⁴ Walitemwa amashiwi yonse yakoyakonaula bambi we lulimi lwabufi. ⁵ Lesa nao cimo cine akakonaula umuyayaya; akakwimya nokukufumpulamo mwi Hema lyobe nokukunukulamo mu calo caba mweo. ⁶ Abalungami nabo bakacimone nokutina bakamuseka nokulanda ati, ⁷ ''Moneni, uyu muntu uushacitile Lesa icubo cakwa, lelo acetekele mu bwingi bwa fyuma fyakwe, kabili ali uwakukosa ulo alimukonaula bambi.'' ⁸ Lelo nebo, ndi nge cimuti ca muolife uwakulelema mu nganda yakwa Lesa; nkacetekela mu cilayo cacishika cakwa Lesa umuyayaya no muyayaya. ⁹ Nkamitotela umuyayaya pafyo mwacita. nkalekuli ndililila pe shina lyenu, pantu lyabune, mu menso yababile benu.