Ilumbo lyakwa Asafi. ¹ Uwa maka yonse, God, Yawe, alilandile nokukuta isonde ukufuma ukutulila akasuba ukufika noko kawila. ² Ukufuma mu Sioni, umuwaminisha ubune, Lesa alisanikile. ³ Lesa wesu alesa kbili tekala tondolo; umulilo ulapya kuntanshi yakwe, elo uli cipupu ukumushinguluka. ⁴ Alakuta ku myulu mu mulu nakwi sonde pakwebati kuti apingula abantu bakwe; ⁵ Longaneni kuli nebo bonse mweba cicetekelo, abo apanga iipangano nandibo ukupitila mwilambo. ⁶ Imyulu ikalumbula ubungami bwakwe, pantu Lesa umwine ekapingula. ⁷ Umfweni mwebantu bandi, kabili nkalanda nine Lesa, Lesa wenu. ⁸ Nshakwebawile pa malambo yobe; ifyabupe fyobe fyakoca fyaba ku cinso candi lyonse. ⁹ Nshasendemo ingombe iilume ukufuma mu nganda yobe, nangu basawe ukufuma mumacinka yobe. ¹⁰ Pantu inama shampanga shonse shandi, elo ne ngombe shapa mpili ikana limo. ¹¹ Nalishiba fyonse fyoni fyamupili, ne nama shamumpanga fyandi. ¹² Ngacakwebati nali nensala, tekuti nkwebe; pantu isonde lyandi, na fyonse ifyabapo. ¹³ Bushe kuti nalya umunofu wa ngombe nangu ukunwa umulopa wa mbushi? ¹⁴ Peleni kuli Lesa ilambo lyakutotela, nokupela ifilayo fyobeku wapulamo. ¹⁵ Kuta kuli nebo mu bushiku bwakucula; nkakupokolol, kabili ukancindamika. ¹⁶ Nomba ku babifi Lesa akolanda ati, ''makando muli nayo ayakulumbulula ifipope fyandi, ukwebati, ulisendele iipangano candi mukanwa kobe, ¹⁷ ico walipata amafunde nokuposa fyebo fyandi kumbi.'' ¹⁸ Ngawamona umungo, wasuminishanya nankwe waampana nabo abakocita bucende. ¹⁹ Wapela akanwa kobe ku bubi no lulimi lobe kukulanda ubufi. ²⁰ Wilaka nokulandila wenu ububii ulamba umwana mwaume wakwa noko. ²¹ Ulicitilefi fintu, nomba nalikala tondolo, nomba walitontokenye nalifye umuntu kubati nimwebo. Lelo nkokushinina nokwimya nokuleta ku cinso cobe, ifintu fyonse ifyo wacita. ²² Peni itontonkanyo lyabune, mwebo mwe balaba Lesa, pantu limbi kuti namilepaula tupimfyatupimfya, kabili takwabe nangu umo uwakwisa kumyafwa! ²³ Uwapela ilambo lyakutotela antasha, kabili kuli onse uupanga inshila yakwe munshila iyabune nkamulanga ipusukilo lyakwe Lesa.