Ulwa ngomba nkalamba. ilumbo lya lyabana baume bakwa Korah. ¹ Umfwenici, mwebantu bonse; kutikeni, bonse mwenbekekashi ba pano pe sonde. ² Bonse abapanshi naba pamulu abakankala nababusu bonse pamo. ³ Akanwa kandi kalanda amano elo nokwetetula kwa mutima wandi ukaba uwakumfwikisha. ⁴ Nkapepeka amatwi yandi ku mulumbe; nkatampa umulumbe wandi na nsango. ⁵ Nindo ningatinina inshiku shabubifi, ulo ububi bwashinguluka. ⁶ Nindo ningatina aba cetekela mu fyuma fya nkuitakishisha mu mpendwa ya fyuma bakwata? ⁷ Cacine takuli umuntu uwingalubula wabo nangu ukupela Lesa icikonsolwelo cakwe. ⁸ Ico ca mutengo uukulu icilubula ca mweo wa muntu umo, kabili takuli umuntu nangu umo uwingalipila imisha yesu. ⁹ Takuli nangu umo uwingekala umuyayaya pakwebati umubili wakwe wibola. ¹⁰ Pantu akamona kubola. Abantu abamano balafwa ifyungwa ne mbulamona bonse balaloba nokusha ifyuma fyabo kuli bambi. ¹¹ Itontonkanyo lya mukati kabo lyakwebati indupwa shabo shikatwalilila umuyayaya, namucende umo bekala, kunkulo shone, benika impanga shabo amashina yabo. ¹² Nomba muntu, pakukwata ifyuma, tekalilila uwamweo ali nge ishiliba. ¹³ Lyi, mibele yabo, bungwa bwabo; ulo panuma yabo, bantu bakasuminisha ukulanda kwabo. ¹⁴ Kubati ni mpoanga balisontelwe ku mbo nemfwa ikaba ekacema wabo. Abalungami bakabateka ulucelo, ne milbili yabo ikonaulwa mu mbo, takuli incende yabo umwakwikala. ¹⁵ Lelo Lesa akalubula umweo wandi ukufuma ku maka ya mbo; akampokelela ¹⁶ Witina ulo umuntu umo bao mukankala, no bukata bwa nganda yakwe bwalundwapo. ¹⁷ Pantu takasendepo akantu nagu kamo ulo akafwa ubukata bwakwe tabwakamukonke pa numa. ¹⁸ Alipalile umupashi wakwe ulo ali mweo na bantu balamitasha ulo mukoicitila ifyabune mwebene. ¹⁹ Akaya kunkulo yakubawishi kabili tabakamone lubuto nakabili. ²⁰ Umuntu uwakwate fyuma ukwakubulo umucetekanya ali ngenama ishiloba.