Ulwimbo; ilumbo lya bana baume bakwa Kora. ¹ Yawe mukulu kabili, alumbanishiwa apakalamba, mumusumba wakwe lesa wesu pa lupili lwakwe ulwa mushilo. ² Lwakuyemba mukwimya, ukwanga kwe sonde lyonse, lupili lwa Siene mumbali sha kukabanga, umusumba wa mfumu nkalamba. ³ Lesa aliiilengele umwine ukwishibwa muma sano yakwe nge cubo. ⁴ Pantu, moneni, ishamfumu shiliikolongenye ishine sheka, balipitile pamo. ⁵ Balicimwene, elo bali papile, balinakukile, elo bafumapo bwangu. ⁶ Ukutuma kwalibekete kulya, ubukali kwati mwanakashi, uukopapa. ⁷ No mwela waku kabanga mulatobaula ingalaba shaku Tarshishi. ⁸ Fyekefyo tumfwile, efyo tumwene mu musumba wakwa Yawe wa milalo, mumusumba wakwa Lesa wesu, Lesa akaupampamika umuyayaya. ⁹ Tulitontonkenye pali bucishinka bwa cilayo cenu mwe Lesa, pakati ke tempele lyenu. ¹⁰ Ifili ishina lyenu mwe Lesa, efili ukumitasha ukufika nakumpela ye sonde; ukuboko kwenu kwakukulyo kwali sulamo ubulungami. ¹¹ Lekeni ulupili lwa Sioone lwange, Lkeni abana banakashi baku Yuda bange pamulandu wafipope fyenu ifyakulungama. ¹² Endeni nokushinguluka ulupili Sione, mulushinguluke; pendeni impungu shaluko. ¹³ Moneni bwino amalinga yaluko, kabili lolesheni pa fipango pakwebati, kuti mwashimikila inkulo iyikoisa. ¹⁴ Pantu uyu Lesa ni Lesa wesu umuyayaya no muyayaya; akaba nintungulushi; mpaka ne mfwa.