¹ Ulwimbo lwa kwa Davidi, ku kuleta ku kwibukisha. Yawe, mwinjebaula nebo mubukali bwenu; mwikanda nebo mu ipyu cenu. ² Ico imifwi yenu ikondasa nebo kabili ukuboko kwenu kumbwesesha nebo panshi. ³ Umubili wandi onse ulilwele pamulandu wabukali bwenu; tamuli bumi mumafupa yandi pamulandu wa membu shandi. ⁴ Pantu amampulwe yandi ya ngansha nebo; yenu cisendo ica kufina kuli nebo. ⁵ Ifilonda fyandi filitebelelwe kabili fikonunka pamulandu wa bupumbu bwa membu shandi. ⁶ Nkonyantaulwa kabili ndisebene cilabushiku; Nebo nkolila akasuba konse. ⁷ Pantu muli nebo, mwaisula ukubilimuka; tamuli bumi muminofu yandi. ⁸ Nebo ndi uwanakuka kabili uwafwantwa; nkoteta pamulandu wankukulunkunta kwa mutima wandi. ^{9 10} Shikulu, mwebo mulomfwa ifyabukabilo bwa mutima wandi, kabili nefyacililishi fyandi tafya fisama kuli mwebo. ¹⁰ Umutima wandi ulakulunkunta, amaka yandi yalapwa, kabili amenso yandi yalashima shima. ¹¹ Abanandi kabili nabatemwikwa balantaluka nebo pamulandu wa bulwele bwandi; abena mupalamano bandi beminina akatalamukila. ¹² Abo bonse abafwaya umweo wandi banteyela ifiliba Abo abafwaya ubusanso bwandi basosa amashiwi yakucilinganya kabili basosa amashiwi ya bufi akabuba konse. ¹³ Lelo nebo, naba kubati ni nkoma matwi elo nshimfwa nangu cimo; nebo naba kubati muntu waba tondolo kabili uushilanda nangu cimo. ¹⁴ Nebo naba kubati muntu uushumfwa elo uushakwata bwasuko. ¹⁵ Cine fye nebo ndolela pali mwebo, Yawe, mwebo mukasuka, Shikulu Lesa wandi. Nesosa ifi pakweba ati abalwani bandi belakuikusha pali nebo. ¹⁶ Nga ulukasa lwandi lwatelententa, bena bakacita ifintu fyokubipa kuli nebo. ¹⁷ Pantu nebo pakupona, kabili naba mubukali ubushipwa. ¹⁸ Nalapila ukushininwa kwandi; Ndi uwakuposeshako amano ku membu shindi. ¹⁹ Lelo abalwani bandi balifulile; abo abampata nebo akwebula umulandu bengi. ²⁰ Bena babwesesha nebo ukubi pa bune ba posa ifyakubepeshiwa pali nebo nangula nebo nakonkelela ifya bune. ²¹ Mwinsha nebo, Yawe; Lesa wandi mwiikala kutali ukufuma kuli nebo. ²² Iseni bwangu mukungafwa, Shikulu, ipukilo lyandi.