¹ Wiba uwakucenwa oamulandu waba ncintatubi; wiba na kalumwa kuli abo abacita ifishakungama. ² Pantu ba koma nge cani no kubonsa nge fimuti fya katapakatapa. ³ Cetekela muli Yawe no ucita ica bune; cikalililamu mpanga no kulila muli bu cine. ⁴ Elo ubekelwe wemwinee muli Yawe, elo aka kupela ifya kukablia fyamutima obe. ⁵ Pela nshila shobe kuli Yawe; cetekela muli ena akoacita palwa webo. ⁶ Aka tembalika umulinganya obe nga kasuba katande mono na bu kaela bobe kasuba pakati ⁷ Iminina ndi pali Yaw eelo uulolele mu mutekatima. Wiba uwakufulwa nga cakwebati umo aya pantanshi mufyo acita, nangu elo apanga ukucita bubifi. ⁸ Wiba uwa fulwa no kutompoka. Wisakamana. Ififipanga fye amafya. ⁹ Ba ncita tubi ba kapululwako, lelo abo aba lolela pali Yawe bakapyana icalo. ¹⁰ Mukashita fye akanono umuntu umubifi akaluba; ukalolesha pali iicende, lelo akaba alile. ¹¹ Lelo abaicefya ba kapyana icalo elo bakabekelwa mubumshinshi bukalamba. ¹² Umuntu umubifi apangile umulungami no kusumanya ameno mu bukali palwa ena. ¹³ Shikulu ala museka, pantu alamona ukwebati ubushiku bwakwe bukoisa. ¹⁴ Abibifi bali fumishe impaanga shabo no kupeteka imifwi ukuponya panshi abatitikishiwa na babulisha, ukwipaya abo aba ololoka. ¹⁵ Impaanya shabo shikengila mumitima shabo, ne mifwi shabo shikaba ishakukontaka. ¹⁶ fyawamapo ifinono ifya umulungami akwata ukucila ukufusha kwa bwingi bwa bantu abashalungama. ¹⁷ Pantu amaboko yabantu ababifi yakaba ayaku kontaulwa, lelo Yawe alatungilila abantu abalungami. ¹⁸ Yawe alalinda abatatungwa kabi akasuba na na kasuba, ubupyani bwaba umuyayaya. ¹⁹ Tabakabe abakulengwa nsoni ulo nshita shabipa. ulo icipowe caisa, bakakwata ifyakulya ifyalulinga. ²⁰ Lelo abantu ababifi bakonaulwa. Abalwani bakwa Yawe bakaba kubati bukata bwa mulemfwe;bakaba abakonaulwa no kuluba mu cushi. ²¹ Umuntu umubifi alakongola lelo talipila, lelo umuntu umulungami nikapekape elo alapela. ²² Abo abapalwa na Lesa bakapyana icalo; abo abatipwa na ena bakaputulwako. ²³ Nipali Yawe epo intampulo sha muntu sha pangikila, umuntu uo inshila shakwe shaba ishakutalishiwa mu menso yakwa Lesa. ²⁴ Nangu aipuntula, takapone panshi, pantu Yawe alimwikatilile nokuboko kwakwe. ²⁵ Nali umwaice nomba ndikulile; nshatala monapo umuntu umulungami ukukeleshiwa nangu abana bakwe bakolombaisha umukate. ²⁶ Ubushiku bonse aba uwa kusenaminwa no kwashunisha, na bana bakwe balaluke palo. ²⁷ Pilibukeni ukufuma kububi no kucita cicilungeme; elo mukaba abakucingililwa umuyayaya. ²⁸ Pantu Yawe alitemwa umulinganya elo tasula abamukonka mucine. Balisungwa umuyayaya, lelo icikota ca mubifi bakaputulwako. ²⁹ Aba lungami bakapyana icalo no kwikalamo mulya umuyayaya. ³⁰ Akanwa ka muntu umulungami kalanda amano no kukusha umulinganya. ³¹ Ifunde lyakwa Lesa wakwe lili mumutima wakwe; ulukasa lwakwe talwakatelemuke. ³² Mmuntu umubifi atamba umuntu umulungami no kumfwaya ukumwipaya. ³³ Yawe takamulekelele mu minwe ya muntu umubifi nangu ukumuseka ulo apingulwa. ³⁴ Lolela ppali Yawe no kusunga inshila shakwe, elo akakwimwa webo dpamulu ukupyana icalo. ukamona ulo ababifi bakoputulwako. ³⁵ Ndimwene unubifi no muntu uutinya alisalangene kubati cimuti cakatapa katapa mu mushili waciko. ³⁶ Lelo ulo naishile kupitapo nakabili, talipo palya. Nalimufwailem lelo tali lwakusangwa. ³⁷ Bebetani umuntu uwabumpomfu, kusunga umololoke; kuli ubune kubuyo bwa muntu wa mutende. ³⁸ Aba bembu bakonaulwa umupwilapo; ubuyo ku muntu umubifi kuliputwilweko. ³⁹ Ipusukilo lyaba lungami lifuma kuli Yawe; alaba cingilila munshita sha bwafya. ⁴⁰ Yawe alabafwa no kubapususha bena. Alabapususha ukufuma ku bantu ababifi no kubalubula pantu bali bkile ukufisama muli ena.