¹ Ku ngomba nkalamba, Yedutani. Ilumbomlya kwa Davidi. Nebo nalisalile, ''Nebo nalekubebeba ifyo nebo nanda pakweba ati mabembwike nolulimi lwandi nebo nalekutila akanwa kandi ulo ndimuceni ca muntu umubifi. ² Nebo nalikele tondolo, 'nalisungile amashiwi yandi nangu kulekulanda ifintu fya bune, kabili ubukali bwandi bwalikulileko. ³ Umutima wandi walishile kuba uwakukaba; ulo nebo natontonkenye pali ifi fintu calibilimwike kubati mulilo, nolu nakwipelepele nebo nalilandile. ⁴ ''Yawe, nengeni nebo ukwishiba ulo impela ya mweo wandi ikaba elo neshinte lya shiku shandi. Nangeni nebo ifyo inshita yandi yaba ubwipi. ⁵ Mona, webo walengele inshiku shandi ukuba fye ubufumo bwakuboko kwandi, kabili inshita ya mweo wandi taili nangu cimo kumulola obe. Icine fye alamuntu mupu fye umo. ⁶ Icine fye umuntu onse enda kubati cinshingwa Icine fye uli onse angukila ku kututila ifya bunonshi nangufye tabaishiba uukafipokelela fyena. ⁷ Nomba, shikulu, eco nindo nebo nkololela? Niwe fye subilo lyandi. ⁸ Mpokololako nebo ukufuma ku membu shandi, winemga ukuba umusebanya wabawelewele. ⁹ Nebo ndi tondolo kabili tekuti ngisule akanwa kandi pantu nimwebo mucicitile. ¹⁰ Lekeni ukulakuncena nebo, 'ndi uwangashiwa ne cimfunshi ca kuboko kwenu. ¹¹ Ulo mwebo mwalasalapula abantu pa lubembu, mumina ifintu fyonse ifyobakabila kubati fipelebesha; icine fye abantu bonse tabali cintu lelo nga umupu. ¹² Umfweni ipepo lyandi, Yawe, kabili kutikeni kuli nebo, kutikeni ku kulila kwandi! Mwikoma amatwi kuli nebo, ico nebo ndikubati mulebeshi kuli mwebo, imbutushi ngefyo ifikolwe fyandi fyonse fyali. ¹³ Aluleni ukulolekesha kwa bukali pali nebo pakwebati nebo mwentwileko nakabili ulo nebo nshilafwa.