Ilimbo lyakwa Davidi, pakutelula amano ku cinso cakwa Abimereki, uwamutanfishe. ¹ Nebo nalekulalumbanya Yawe pa nshita yonse, ukulumbanishiwa kwakwe kwakulaba lyonse mukanwa kandi. ² Nebo nalekulalumbanya yawe! lekeni abatitikishi wilwe bomfwe no kwanga. ³ Lumbanyeni Yawe nanebo, lekeni fwebo twimye ishina lyakwe bonse. ⁴ Nebo nalifwaile Yawe kabili nankwe alinjasukile nebo, kabili alimpele nebo ukucimfya pali fyonse ifya mwenso. ⁵ Bonse abo abalolesha kuli ena baliba abakubeka, kabili ifinso fyabo tafyaba na nsoni. ⁶ Uyu umwaume wachitikishiwe alilile kabili Yawe alimimfwile no kumupususha ukufuma kuli yonse amafya. ⁷ Abangeli bakwa Yawe bekala bakoshinguluka abo abamutina kabili nokubapususha bena. ⁸ Esheni no kumona ukuti Yawe wabune. Alipalwa umuntu uyo uubelama muli ena. ⁹ Tineni Yawe, mwebo mwebantu bakwe abamushilo. Takwaba ukubulisha kuli abo abamutina, ena. ¹⁰ Imisepela yakalamu inshita shimo ibulwa ifyakulya no kuula kusala, lelo abafwaya Yawe tabakabulishe ifyabune nongu fimo. ¹¹ Iseni mwebana baume, kutikeni kuli nebo. Nebo nkomifunda ifya kutina Yawe. ¹² Ninani umuntu ululimi lobe ukufuma kububi nokulama imilomo yobe ukufuma kukulanda ubufi. ¹³ Fulumukeni ku bubi no kucita ifisuma. ¹⁴ fwayeni umutende kabili no kuukonka. ¹⁵ Amenso yakwa Yawe yaba pa bololoke kabili na matwi yakwe yalungatana ku kukutika ukulila kwabo. ¹⁶ Icinso chakwa Yawe calukila abo bonse abacita ububi, ku kuputula ifibukisho fyabo ukufuma mu caalo. ¹⁷ Abololoke balalila kabili Yawe alabomfya no kuba pususha bena ukufuma ku mafya yabo. ¹⁸ Yawe alipalamine kuba tobaika imitima, kabili alapususha abo abafunshika imipashi. ¹⁹ Yengi amafya ayaponena abalungami, lelo Yawe alaba pususha bena ukufuma muli fyonse. ²⁰ Alasunga amafupa yakwe yonse takuli nangu ayaka bwasuka. ²¹ Ububifi bukepaya ababifi. Abo abapata abololeke bakasuwiwa. ²² Yawe apususha imweo sha ba bomfi bakwe. Tapalipo pali abo ukoba muli ena ukasekwa.