¹ Ilumbo lya kwa Dabidi. Yawe bombela pali abo abemona ukubombela pali nebo; lwanabo abo abakolwa nadibo. ² Senda icishakungo cobe icinono elo ne cishangu cobe icikulu; Nime nokungafwa nebo. ³ Ubomfye ifumo no mufwi pali abo bonse abakonsupila nebo, landa ku mweo wandi, ''Ninebo ipusukilo lyobe'' ⁴ Leka abo bonse abafwaya umweo wandi balengwe nsoni no kusebana. Leka abapanga ukonaula nebo bafutatuke nokufulunganiwa. ⁵ Bobe nge misungu iyileululwa ku mwela, na malaika wakwa Yawe abafulumune. ⁶ Leka inshila yabo ibe mu mfifi no kutelela, kube na malaika wakwa Yawe kukubasupila bena. ⁷ Pa mulandu wakwebati bateya ne muntu wakaela ifiteyo apabula umulandu; banyimbila umweo wandi ubucinga apakubula umulandu. ⁸ Leka ukupumpunta kwise apo tebukile. Lekeni isumbu ilyo banteele libekata bena. Lekeni bena baponenemo muli cena, ebo bonaikilemo. ⁹ Pantu nebo nkaba uwakwanga muli Yawe nokusekelela mwipusukilo lyakwe ¹⁰ Amafupa yandi yonse yakatila, ''Yawe nani umbi uwaba nga webo, uupokololako amaka na bapina na babusu ulabapokololako ku babebila? ¹¹ Nabakambone abashalungama balimine; balintunganya ifya bufi. ¹² Balambwesesha ifyabubi pa fyabune, ndi nokubulanda. ¹³ Lelo ulo bena balwele, nebo nalifwele ifyakulepauk; Nalibafungile bena no mutwe wandi nalilalike pa cifuba. ¹⁴ Nali ne cikonko pamulandu wakwa ndume yandi; nalikontamine panshi nokulila pali bamayo. ¹⁵ Nomba ulo naile balisansamukile no kulongana pamo; Balinonganine pamo nebo, kabili nali bapapile saana. ¹⁶ Balitwa lilile ukumpumya nebo. Balinkucusha umwakubula mucinshi; Bali kusumanisha ameno cecete mubukali. ¹⁷ Shikulu, ukafisa lisa ukulelosha pali webo? pususheni umweo wandi ukufuma ku masanso yobo ayabonaushi, mweo wandi ukufuma ku nkalamo. ¹⁸ Elo nkamutotela nebo mulukuta ulukuta lukalamba, nkamulumbanya mu bantu abengi. ¹⁹ Mwileka abalwani bandi ababufi ukwanga pali nebo; mwileka bena bafikilishe amapange yabo ayabufi. ²⁰ Pantu tabasosa ifya mutende, lelo bapanda amashiwi aya kutumfya pali nebo abo abekela mu calo cesu umulende. ²¹ Bayasamwina utunwa twabo pali nebo balilandile, '' Alale alale, Amenso yesu yalimwene ifii.'' ²² Uli cimwene, we Yawe, wiikala tondolo; shikulu, mwiba ukutali ukufuma kuli nebo. ²³ Yalamushe wemwine no kushibuka undwileko nebo, Lesa wandi kabili shikulu wandi, cingilileni ificitwa. ²⁴ Ncingilileni nebo, Yawe Lesa wandi pa mulandu wa bulungami bobe; wileka baangile pali nebo. ²⁵ Wileka kulanda mu mitima yabo. ''alale twakwata ifyo twalikufwaya! mwileka balande ukwebati, ''fwebo tuli mupwilishishe ena. Lekeni balengwe insoni kabili lekeni bena bacendwe abo abansansamukila mukutitikishiwa kwandi. ²⁶ Lekeni nabo abaisansabika abene beka pali nebo bafwikwe insoni kabili nokusebana. ²⁷ Lekeni abo bonse abakabila nebo ukulungamikwa babilikishe ne nsansa nokwanga, Lekeni balekwenda mukutwa lilila, Yawe alumbaniwe, uyo uubekelwa mu kushuka kwa mubomfi wakwa. ²⁸ Nomba nebo komyeba umulinganya wenu no kulakulumbanya mwebo lushita shonse.