¹ Sekeleni muli Yawe, mwebo mwebalungama; amalumbo yalinga ku batambalala. ² Peleni ukutotela kuli Yawe pali nsango; imbeni isha malumbo kuli wena pali nsango wa ntambo ikumi. ³ Imba kuli ena ulwimbo lupya; ulishe no bwishibilo ubwa kushika no kwimba ne nsansa. ⁴ Pantu Yawe icebo cakwe cali tambalala, na fyonse ifyo acita fya mulinganya. ⁵ Ali temwa ubulungami no mulinganya. Icalo caisulamo Yawe icipangano cabu cishinka bwakwe. ⁶ Ku cebo cakwe Yawe umyulu yali pangilwe, na shonse intanda shali pangilwe ku mupuu wa kanwa kakwe. ⁷ Akolonganika amenshiya muli bemba pamo ngo mupili; abika bemba mukalamba mu matala ya mayanda yakwe. ⁸ Lekeni icalo conse citine Yawe; lekeni bonse aba pano isonde beminine mu bucindami bwakwe ena. ⁹ Pantu ena alilandile, naco cali citilwe; ali kambishe, naco caliminine mu ncende. ¹⁰ Yawe afulunganya ubwampano bwa nko; ena atungulula ukucilapo pa mapange ya bantu. ¹¹ Amapange yakwe Yawe ya iminina umuyayaya, amapange ua mutima wakwe kuli shonse nkulo. ¹² Lwa lipalwa uluko ulo Lesa e Yawe, abantu abo ena asala ukuba icikwatwa cakwe, ¹³ yawe alolesha ukufuma mu mulu; ena amona abantu bonse. ¹⁴ Ukufuma mu ncende umo ena ekala, ena alolesha panshi pali bonse abekala pa calo. ¹⁵ Ena uyo umona imitima yabo bonse ubebeta bonse imibele yabo. ¹⁶ Takuli imfumu ipusushiwa ku bashilika abengi impalume ta ipusushiwa ku bukulu bwa maka yaiko. ¹⁷ Kabalwe cicetekelo ca kabepwa kwa kucimfya; nangula enga kwata amaka ayengi, ena teti apokolole. ¹⁸ Mona, Yawe amenso yali pali abo abatina ena, pali abo abali ne cicetekelo mu cipangano ca bucishinka bwakwe. ¹⁹ Mu kulubula imyeo yabo ukufuma ku mfwa no kubasunga bena aba mweo mu nshita ya cipowe. ²⁰ Fwebo tukololela Yawe; ena e kafwa wesu kabili ewa kutucingilila. ²¹ Imitima yesu ya sansamuka muli ena, pantu fwebo tucetekela mwi shina lyakwe lya mushilo. ²² Leka icipangano ca bucishinka bobe, Yawe, cibe na fwebo ulo tuelebika isubilo lyesu muli webo.