¹ Mwikesha ukapanga utulubi, kabili tamufwile ikwimya icakubaswa nangu uluceshi lwelubwe ilya kubaswa, kabili tekwesha ukubika ilibwe ilyakubaswa mu calo cenu icakweba ati mukalekufukamina, pantu nine Yawe Lesa wenu. ² Mufwile ukulekusunga ama sabata nokucindika umwa mushilo mwandi. Nine Yawe. ³ Ngamukalekwenda miufipope na mafunda yandi nokumfwila, ⁴ ulo nkamipela imfula mu nshita yaiko; impanga ikalekufumya ifya bilumi bwaiko, ne fintu yfa mu mabala fikale kutwala ifitwalo fyafiko. ⁵ Ukusokola kwenu kukatwalila ukufika noku nshita yakusombola kwa myangashi, nobusomboshi bwa nyangashi bukacilukila noku nshita yakunyala. Mukalekulya umukate wenu nokwikuta mukekala umutunde uko mukakula imishi yenu mu calo. ⁶ Nkapela umutende mu calo; mukalekulala ukwakubula icakumilenga umwenso. Nkafumya ifiswango fya finama mu calo, no lupanga talwakapite mu calo cenu. ⁷ mukatanfya abalwani benu, kabili bakawa kuntanshi yenu ku lipanga. ⁸ Basano aba miuli mwebo bakntamya umwanda, kabili umwanda wamuli mwebo ukutamfya amakana amakumi; abalwani benu bakasukwe bakawe ku lupanga ku cinso cenu. ⁹ Nkamilolesha nobubile lelo nkamilenga ukufyalana nokusanduluka; nkafikilisha icipangano cansi kuli mwebo. ¹⁰ Mukalya ifyakulya ifyatutilwe inshita iitali mukafwaya ukufumya ifyakulya mwatutila pantu mjukalekufwaya incende apakubika ubusomboshi bwanomba. ¹¹ Nkabika ihema lyandi mukati kenu, kabili tamwakanenge ubunani. ¹² Nkale kwenda pakati kenu nokuba Lesa wenu kabili mjukaba abantu bandi. ¹³ Ninebo Yawe Lesa wenu, duwamifumishe mu calo ca Egupto ati tamuli basha babo. Ndiyonawile imilando yekoli yenu pakwa ati mule kwenda muliminine abakoloka. ¹⁴ Nomba ngatamwaumfwe kuli nebo, kabili ngata mwakanakile amafunde yonse aya, ¹⁵ nga mukakane nefyabungushi fyandi nokulengwa ubunani ku malango yandi, pakweban ati mjukakane ukumfwila amafunde yandi yonse, elo mukatobe kicipangano candi- ¹⁶ Ngamwacita ifi fintu, elo nkacitefi kuli mwebo: Nkaleta umwenso pali mwebo, amalwele ne mpepo ifyo ifikonaula amenso nokupongololamo umweo muli mwebo. Mukabyala imbuto shenu apafye, pantu abalwani benu bakalya ifikalefumamo. ¹⁷ Nkakutafika iccinso candi kuli mwebo naba lwani benu bak myansha. Abaume abamipata bakalekumiteka, elo mukabutuke, nolo tapali nangu umo uukomitamfya. ¹⁸ Panuma ya fyonse tamumfwile kuli nebo, elo bu nkamikanda imiku cine lubali ukucilapo pamulandu wa membu shenu. ¹⁹ Nkonaula icilumba caba mu maka yenu. Nkalenga imyulu yenu kubati cela ne calo kubati mukuba. ²⁰ Amaka yenu yakabombela apafye, pantu impanga yenu tayakafumye ubusomboshi, ne fimuti tafyakatwalepo ifisabo. ²¹ Nga mwantalamina mukwenda kwenu nokuta ng'mfwila, nkaleta pali mwebo impumo imiku cine lubali ukucilapo ukulingana ne membu shenu. ²² Nkamitumina nefinama fyampanga, ifi kamibila abana benu, ukonaula ifitekwa fyenu, nokumilenga ukuba abampenda iyi nono icakweba ati ne misebo yenu tamwakabe naba kwendamo. ²³ Nomba ngacakweba ati nangu nacitefi tamukosumina ukulungamikwa nokulekwenda mukupusana nanebo, ²⁴ elo nandibo nkalekwenda mu kupusana nanwe, na nemwine nkamikanda imiku cine lubali pamulandu wa membu shenu. ²⁵ Nkaleta ulupanga pali mwebo ulwakucita icilandushi pakutoba icipangano. Mukalonganikwa bonse pamo mukati ka misumba yenu, kabili nkatuma ubulwele pakati kenu, elo mukapelwa mi kuboko kwa mulwani. ²⁶ Ulo nkaputulako ifyakulya fyenu, abanakashi ikumi limo bakele kukumanisha ukupanga imikate mucakupangilamo cimo fye, kabili bakalepela umukate ukulungana ne cipimo. Mukale kulya nomba tamwa kalekwikuta. ²⁷ Umfwa tamwaka ngúmwile napamuma yafyonse ifi, makatwalilile fye ukupusana nanebo, ²⁸ elo nkapusana nenu mubakali, kabili nkamikanda ukucilapo pa miku cine lubali ukulingana ne membu shenu. ²⁹ Mukalekulya iminofu yaba benu abaume; mukalya ne minofu yabana benu abanakashi. ³⁰ Nkonaula ne ncende shenu ishakusansama, ukuputaula ne mfuba shenu ishalubani, no kuposa ifitumbi pafitumbi fya tulubi twenu, nanine nkamikwatila ubunani. ³¹ kasangula imisumba yenu ifibolya nokonaula umwashila mwenu. Nshakatemunwe necena ca fyabupe fyenu. ³² Nkonaula icalo cenu, Abalwani benu abakekota mulya bakapapa sana pabonaushi. ³³ NKamisalonganya mukati ka nko, kabili nkosomona cikashala, ne misumba yenu ikonaulwa. ³⁴ Elo icalo cikasekela muma sabata panshita yonse cikekala icakulekeleshiwa namwebo ninshi muli mu calo cabalwani benu. Pali ilya nshita, icalo cikatusha nokusekela mu masabata. ³⁵ Pa nshiku shonse apo calekeleshiwa, ciaktusha uko ukutusha uko mukakwetepo ku masabata yenu, ulo mwaikalelemo. ³⁶ Na kuli abo abashala mu calo cabalwani benu, nkatuma umwenso mumitima yenu uwakweba ati nangu mwaumfwa fye ibula liko uuluka kumwela lika mitulumusha elo mukafulumuke kubati mukofulumuka ku lupanga. Mukapona, nangu tapali uukomitamfya. ³⁷ Mukale kuwishikana mwebene nabane kubati mukofulumuka ku lupanga, nangu tapali nokumitamfya. Tamwaka kwatepo na maka yakwiminana ku menso yabalwani benu. ³⁸ Mukalobela mukati kankom ne calo cabalwani benu cikamilya. ³⁹ Abo bakashalamo pali mwebo bakonaukila mu membu shabo, mulya mu calo cabalwani benu, napa mulandu wampulumushi shaba shiba bakonauka nabo. ⁴⁰ Nomba ngaba yebelela imembu shabo neshaba shibo, nabushikamfutu ebo bakene ukuba ne chishinka kuli nebo, nokwenda mukupusana nandibo- ⁴¹ Icalengele nebo ukubalukila kabili nali baletele mu calo cabalwani babo-nge mitima yaboita sembululwa yaba iyakuicefya ngaba pokelela nokukandwa pa mpulumushi shabo, ⁴² elo nkebukisha icipangano cansi kuli Yakobo, icipangano candi kuli Isaki ne cipangano candi kuli Abrahamju; Nakabili nkebukisha icalo. ⁴³ Bakalekelesha ne calo, kanshi cika sansamukila muna sabata ulo cikale kulele mukulekeleshiwa wa ukwakubulamo bena. Bakalimunwa pamulandu wa bupulumushi bwabo pantu abena beka balikene kufyabupingushi fyandi nokulengwa ububnani ku fipope fyansi. ⁴⁴ Nangu line cali ifi, ulo bali mu calo cabalwani babo, bshakabakane, nangu ukubomfwila ubunani icakweba ati kambonaula umupwilapo nokusula ku cipangano candi babo, pantu ninebo Yawe Lesa wabo. ⁴⁵ Nomba pamulandu wabo nkebukisha icipangano candi ku fikolwe fyabo, abo bafumishe mu calo ca Egupto pa menso ya, pakweba ati mbe Lesa wabo. Nine Yawe. ⁴⁶ Aya emafunde, afyabupingushi, na malango ayo Yawe apangile pakati kakwe nabantu bakwa Israelipa lupili lwa Sinai ukupitila muli Mose.