¹ Yawe alilandile kuli Mose kabili ukwebati, ² "landa ku bantu bakwa Israeli no kubeba bena, 'umfwa umuntu onse alaya icilayo icakuibela alekulingwa kumilingo ya bantu iya kwa Yawe. ³ Umulingo wenu uwa mwaume ukufuma pa myaka amakumi yabili ukufika na ku myaka amakumi mutanda akalekuba amashekele amakumi yasano aya silifa, ku mulingo wa mashekele ya mwashila. ⁴ Na ku mwanakashi uwamyaka imoine umulingo wenu ukalekuba amashekele amakumi yatatu. ⁵ Ukufuma pa wa myaka isano ukufika pa wa myaka amakumi yabili umulingo wenu uwa mwaume ukalekuba amashekele amakumi yabili, kabili umwanakashi amashekele ikumi limo. ⁶ Ukufuma pa wa mwenshi umo ukufika pa wa myaka isano umulingo wenu uwa mwaume ukalekuba amashekele yasano aya silifa kabili umwanakashi amashekele yatatu aya silifa. ⁷ Ukufuma pa myaka amakumi mutanda no kuya pamulu umwaume umulingo wenu ukalekuba amashekele ikumi limo na yasano kabili umwanakashi amashekele ikumu limo. ⁸ Lelo nga umuntu ukolaya icilayo tekuti alipile umulingo wabikwa nolu muntu ukopelwe ali no kutwalwa kuli shimapepo, kabili shimapepo akapa mulingo wa muntu ukopelwa ukulingana no mutengo wingakumanisha uwukolaya icilayo. ⁹ Nga cakwebati icilayilwe ni nama iyo iyo iyasuminishiwa kuli Yawe, icilundwa conse ica ilya nama ica pelwa kuli yawe calekuba ica mushilo. ¹⁰ Umuntu talinaku kabwisha iyi nama nangu kupayanishi iyibi pa yabune, nangu iyabune pa iyibi umfwa apya nishipo inama imbi painankwe, shonse yena neyo apyanishepo shikale kuba isha mushilo. ¹¹ Umfwa acikaba fyo, nga ico umuntu alaite ukupa Yawe cena cakukowela, ku kwebati Yawe tekuti acipokelele, nolu umuntu ali nokuleta inama kuli shimapepo. ¹² Na shomapepo akaipa umulingo, ukulingana no mulingo wa bukwebo ubwa nama. Umutenge onse uwo shimapepo abikapa nama, noyo eukalekuba umutengo waiko. ¹³ Umfwa umwine akofwaya ukulubuka iyo nama, nolu akalekulundapo icabusano pa mulingo waiko uwa kulubulwa. ¹⁴ Ulo umuntu apatwila ing'anda yakwe nge cabupe ca mushilo kuli Yawe, nolu shimapepo alekubika umutengo nga kwebati iliweme nangu ilibipile umuntengo onse uwo shimapepo abikapo uyowine ukalekuba fyofine. ¹⁵ Lelo nga umwine wa patwilile inganda yakwe akofwaya ukuilubula, ena ali ne kulundapo icabusano pa mulingo wa kulubulwa, kabili ikaba yakwe. ¹⁶ Umfwa umuntu apatwila incende imo pa mpanga yakwe, nolu umutengo waiko ukalekulingana kumulingo wa mbuto shingabyalwamo ekwebati Homa wa Barle alino kulingwa pa ma shekele amakumi yasano aya silifa. ¹⁷ Umfwa ena apatwila icilime cakwe mu nshita ya mwaka wa ku sekelela, umutengo wa ciko ukalekube fyofine. ¹⁸ Lelo nga apatwila icilime cakwe panuma ya mwaka wa ku sekelela lyana shimapepo ali no kupenda umutengo wa ciline ku mpendwa ya myaka ya shalako ukufika ku mwaka waku sekelela, kabili no mutengo wa ciko ukalekubweshiwako. ¹⁹ Umfwa umuntu uwa patwilile icilime akofwaya ukucilubula, lyena ena ali nokulundapo ica busano pa mutengo wa kulubulwa. ²⁰ Umfwa talubwile icilime, nangu ena alishitishe iciline ku muntu umbi, tekuti cilubulwe kuwuli onse nakabili. ²¹ Namulubali ulu, icilime ulo cikalekelwako mu mwaka wa ku sekelela, cikalekuba icabupe ca mushilo kuli Yawe, kubati cilime cipelwe pakapeleko kuli Yawe cikalekuba ca kwa shimapepo. ²² Umfwa umuntu apatwila icilime ico ashitile, lelo ico cilime tacili pa mpanga ya lupwa, ²³ nolu shimapepo ali kusanga umutengo waciko ukufika ku mwaka wa kusekela kabili no muntu ali noku lipila umutengo wa ciko pali bulya bushiku nge ca bupe ca mushilo kuli Yawe. ²⁴ Mu mwaka wa ku sekelela icilime cikalekubwekeshiwa ku muntu uwo ca shitilweko, ku mwine wa mpanga. ²⁵ Yonse milingo ili nokubikwa ukulingana no kufina kwa mashekele ya mwamushilo. Ba Gera amakumi yabili abalingene ne shekele limo. ²⁶ Takuli nagu umo uwaku patwila ibeli lya mu nama pantu ibeli lya kwa Yawe nakale, yibe ni ng'ombe nangu ni mpanga, fyakwa Yawe. ²⁷ Umfwa ninama yakowela lyena umwine ali nokushita kabili pa mutengo waiko, kabili ali no kulundapo icabusano pali uyo mutengo umfwa inama tayilubwilwe, nolu ili nokushi umfwa inama tayilubwilwe, nolu ili nokushitishiwa pa mutengo ubikilwe. ²⁸ Lelo takuli ico umuntu apela kuli Yawe, ukufuma pali fyonse ifyo akwata, cibe bantu nangu ni nama, nangu ni mpanga ya lupwa lwakwe, ifinga shitishiwa nangu ukulubulwa, fyonse ifyapelwa fili fyashisha kuli Yawe. ²⁹ Takuli mutengo wingalipilwa pa muntu wapelwa ku konaulwa ilyo muntu alipelwe ku mfwa. ³⁰ Fyonse ifye kumi ifya mu mpanga, cibe ninseke ishilimwa pa mushili nangu fisabo ukufuma ku fiti fya kwa Yawe. fyena fya mushilo kuli Yawe. ³¹ Umfwa umuntu alubule conse icekumi cakwe alilingile ukubikapo icasano pamutengo waciko. ³² Nakuli cila ce kumi ca maombe nangu imikuni necili conse icapita pe samba lya nkoto ya mucemi cimo pa cekumi cili nokupatwilwa kuli Yawe. ³³ Umucemi tali nakufwaya inama iyabune nangu iyibifishe, kabili tali na kupyanisha imo pa yinankwe umfwa apyanishipo imbi, nolu shonse eyo apyanishidhepo neyantashi shikalekuba isha mushilo. Tekuti shilubulwe iyoo. ³⁴ Aya e mafunde Yawe apele pa lupili lwa sinai kuli Mose ku bantu bakwa Israeli.