¹ Yawe alilandile kuli mose pa lupili lwa sinsi, ati, ² "landa kubana ba israele nokulanda kuli bena ati, elo mukesa mu calo chintu nkamupela, elo icalo cikalenge ukuti mukalesunga isabata Iwakwa Yawe. ³ Mufwile ukubyala amabala yenu pa myaka mutanda, na pamyaka mutanda mukala tungwila amabala ya myangashi no kukolonganika ifisabo. ⁴ Nomba mu mwaka walenga cine lubali, mubele isabata ilya kutusha kwapwililika mu calo cobe, isabata lyakwe Yawe. Wikatanda mu mabala nangu ukutungwila amabala ya myangashi. ⁵ Wikapanga ukucepa kwa conse icacimbuka, na kabili wika sombola conse icishatungulwa, kabili cimbuka wa mu mwaka we sabata wa calo. ⁶ Kabili conse ici cabombwepo mu calo ki mema pe sabata mu mwaka cikaba cakulya cenu, webo, ababofi abaume na banakashi ababomfi, na babomfi bakwashima naba lebeshi abakela nobe kuti bakolonganaka ifya kulya, ⁷ ne fitekwa fyobe ne nama sha mpanga cikalya fyonse ifyo icalo cikasobola ⁸ kabili ukapende ama sabata pa myaka, ifi, cine lubali imiku cinelubali myaka, pakuti pakabe imiku cine lubali ama sabata ya myaka, imyaka cine lubali ukupenda cine lubali imyka elo kukalaba kuli mwebo inshiku sha cine lubali pa myaka cine lubali, imyaka amakumi yane na pabula. ⁹ Elo ukalishe intandala konse mu bushiku ubwa lenga ikumi limo mu mwenshi walenga cine lubali uwa mweshi mu bishiku bwa kukonsolola no kushishe itandala mu calo cenu conse. ¹⁰ Mukaleshisha umwaka wa makumi yasano kuli Yawe no kubila ukalubuka mu calo ca bekashi bonse. Kabili cikaba cakusefya kuli iwe, pantu ifipe nabasha fikabwelela ku mukowa wabo. ¹¹ umwaka uwa makumi ya sano ukaba waku sefya kuli webo. Taufwile wabyala nangu ukukwata ubusumboshi ubwakupwililika. mukalye conse ici imenena kine, kabili mukalye conse icili cimbuka. ¹² Pantu kusefya, icakuba ca mushilo kuli webo. ufwile ukulya ifilimwa ifya cibusha fya ciko. ¹³ Mufwile ukubwesha ulionse pa fipe fyakwe mu mwaka wa kusefya. ¹⁴ Nga cakuti washitisha impanga ku mwina mupalamano obe nangula washita impanga ku mwina mupalamano, tamufwile kubepa nangu ukubifyanya mwe bonse. ¹⁵ Nga mwashita impanga ku mwina mupalamano,mutontonkanyepo pa mpendwe ya myaka ifilimwa fikasobolwa mpaka pakusefye kubiye. Umwina mupalamano uuleshitisha impanga afwile ukutontonkanya pali ici. ¹⁶ Imyaka iingi mpaka ukusefya kwa konkopo. Kuti kwakusha umutengo wa mpanga, mpaka imyaka inono mpaka ukusefya kwa konkapo kukalenga umutengo ukupona, pantu impendwa ya busomboshi mu mpanga ilya muka sombulwa kumwine umupya ukulingana ne mpendwa ya myaka pakuti ukusefya kumbi kukafike. ¹⁷ Tamufwile ukuibepa nangu ukubifyanya; no mubeye; lelo mufwile mwacindika lesa wenu, pantu nine Yawe lesa wenu. ¹⁸ Nangu cingaba ifi mukalebaka ifipope, na malango, no kulaficita. Kabili mukekala mu mpanga iyi mu mutelelwa. ¹⁹ Impanga ikasombolwamo ifilimwa, kabili mukalya ukulinga ne fyo mukafwaya no kwikalamu mutende. ²⁰ Kuti mwalanda ati, "finshi tukalya mu mwaka walenga cinelubali? moneni, teti tubyale nangu ukukolonganika ifilimwa". ²¹ Kabili nkatuma amapalo ukwisa pali mwebo mu mwaka walenga mutanda,nokulenga kukabe ukusombola ifilimwa pa myaka ituta. ²² Mukabyala mu mwaka walenga cine konse konse no kukonkanyapo ukulya ifyasobolwe mu myaka ya ku numa ne fyabikwa mu matala. ²³ Mpaka ubusomboshi bwa mu mwaka walenga pabula bukese, muli nokulya ifya sungilwe mu matala ifya mu myaka yakunuma. Impanga taifwile kushitishiwa ku mupya umuyayaya, pantu impanga iyi yandi. Bonse imwe mulibalebeshi abashili bakwikalilila mu mpanga yandi. ²⁴ Mufwile ukusuminisha ukulubulwa kwa mpanga iyo mwakwata; mufwile ukubwesesha impanga kulupwa uku mwishitileko. ²⁵ Nga cakuti umwina Isreale munenu aba umupina pali ici ashitisha ifipe fyakwe, kabili uwalupwa uupaleme afwile aisa lubula ifipe fyonse ashitishe. ²⁶ Nga cakuti umuuntu takwete lupwa lwakwe uwaku lubula ifipe, nga cakuti nanonka nokukwata amaka yakuilubula umwine, ²⁷ kuti asanga imyaka ukufuma apo impanga yashitishiwe no kulipila ishasheleko kuli ulya muuntu ashitishiwe. Elo kuti abweshe ifipe fyakwe. ²⁸ Nomba nga cakuti afilwa ukubwesha impanga kuti ena, eico impanga iyo ashitishe ikaba musambu shaulya ashitisha mpaka umwaka wa ku sekelela. Umwaka wakusekelela, impanga ikabwekeshiwa ku muuntu ulya wa shitishe ilya impanga, umwine wa cishinka akabwesha icipe cakwe. ^{29 30} Ngo umuntu ashitisha ing'anda mu musumba uwakulililwa,nakabili kuti aishita mu myaka wine ulya panuma yaku shitishiwa. Pa mwaka uutuntulu akakwata insambu sha kuilubula. Nga ing'anda tailubulwe mu mwaka onse, nomba ilya ng'anda iya mu musumba wacingililwa ikasanguka cipe cakubelelela kuli ulya washitile pamo no lupwa lwakwe. Tayakabweshiwe mu mwaka wa kusekelela. ³¹ Nomba yalya mayanda ayashakwata icibumba cakulililwa yakaba nga amabala ya calo. Kuti yalubulwa, nokubwekeshiwa mu mwaka wa kusekelela. ³² Nungu, cingaba ifi, amayanda yabena Lebi mumisumba yabo kuti ya lubulwa inshita ili yonse. ³³ Nga umo uwa mu bena lebi lubule ing'anda iyo ashitile, lyena ing'anda iyo ashitishe mu musumbs umo yaba ika bweshina mu mwaka waku sekelela, pantu amayanda yamu misumba yabena lebi fipe fya bantu bamu israele. ³⁴ Na mabala ayashingulwike imisumba tayashitishiwe pantu fipe fya kubrlelela ifya bena lebi. ³⁵ Nga umuntu munobe mu calo aba umupina, kakuti teti aifwaile ifintu umwine, kuti mwa mwafwilisha ngefyo mungafwilisha umulebeshi nangu uli onse uushili wa muli mwebo. ³⁶ mwika mupingula nsonsela nangu ukupingula ulupiya pali ena munshilaili yonse, mucindike Lesa wenu pakuti munyinenwe atwalilile ukwikala naimwe. ³⁷ Tamufwile ukupela ulupiya lwakulundapo nokumweba ukubikapo nsosela, nangula umushitisha ifyakulya pakuti mwakwatemo ubukumu. ³⁸ Nine Yawe Lesa wenu, uwamufumishe mu calo ca Egypti, pakuti nomba mupele icalo ca kanaani, kukuba lesa wenu. ³⁹ Nga pamo munoko asanguka umupina nokuishitisha kuli webo, taufwile wa mulenga ukubomba ngo musha. ⁴⁰ Mukamucite ngo mubomfi wa malipilo. Afwile aba ngo uleikala nobe pakashita akanono. akabomba nobe mpaka umwaka waku sekelela. ⁴¹ Elo akafuma kuli webo, ena nabana bakwe kumo, elo akaya nokubwelwlamo ku mikowa yakwe na ku fipe fyakwa wishi. ⁴² Pantu babomfi bandi abo nafumishe ku calo ca Egypti. Tabakashitishiwe nga abasha. ⁴³ Tamufwile mwaba no lukakala pali bena, mufwile mwacindika lesa wenu. ⁴⁴ Napa basha abaune na banakashi, abo mukasanda ukufuma mu fyalo ifyo mwikala nafyo fyamishinguluka, kuti mwashita abasha kuli bena. ⁴⁵ Kuti kabili mwashita abasha kubalebeshi, abo mwikala nabo na ku mikowa iyo muli nayo, aba bafyalilwa mu calo cenu, nabo kuti basanguka ifipe fyenu. ⁴⁶ Mufwile mwabomfya aba basha nge cakupwaninina ku bana benu ableisa panuma yenu, ukubasunga nge fipe, no kuba abasha umuyayaya, nomba tamufwile mwalateka bamunyinenwe pa bana ba Isreale mu bunkalwe. ⁴⁷ Nga cakuti umulebeshi nangu umo ushili wakwikalilila nwmwe aba umukankala, elo umo umwina Isreale aba no kuishitisha ku mulebeshi, nangu ku lupwa nangula umukowa wa mulebeshi, ⁴⁸ pantu abena Isreake banobe bashitwa, kuti abweshiwa. Umo uwamulupwa lwkwe kuti bamulubula, ⁴⁹ Kuti caba ni nalume, nangu umwana wakwa nalume, unga mulubula nangu umo uwa mumukowa wakwe. Nangu nga ulumbukasana, kuti ailubula umwine. ⁵⁰ Afwile baumfwana noyo uwa mushitile; bafwile bapenda imyaka ukufuma apo ashitishiwe ku wa mushitile mpaka mu mwaka wa kusekelela. Umutengo waku mulubwilapo ufwile walingana ukulingana nefyo balelipila umubomfi wakalipilwa, ukulingana ne mpendwa ya mtaka afwile ukukonkanyapo ukubomba kuli ulya uwa mushitile. ⁵¹ Nga cakuti kuli imyaka iingi ukufika ku mwaka wa kusekelela, afwile ukulipila umuntengo wakulubulwa indalama ishilingene ne mpendwa ya myaka. ⁵² Nga cakuti kushele fye imyaka inono ukufika ku mwaka wakusekelela, lyena kufwile kwaba ukumfwana no wa nshitile ukumona pa myaka insheleko ukufika kau mwaka wa ku sekelela, kabili afwile alipila isha cilubula no kusunga ukulinga ne mpendwa ya myaka. ⁵³ Afwile alatangatwa ngo mubofi wa kulipilwa umwaka no mwaka. Mufwile mwamona ukuti talesungwa bulukubuluku. ⁵⁴ Nga talubulwe muli uyu musango, lyena afwile abomba ukufika ku mwaka wa kusekelela, ena nabana bakwe pamo. ⁵⁵ Kuli nebo abantu bwakwa Isreale basha. Nebo basha bandi abo na fumishe mu calo ca Egypti. Nine Yawe lesa wenu''.