¹ Yawealilandile kuli Mose, ² '''konkomesha abantu bamu Isreali ukukuletela amafuta ayalengama ayatwiwa ukufuma ku muolife aya kubomfya mu nyali, pakutila inyali ileaka mukutwalilila. ³ Panse ya cipembe panuma icipangano tacilacepa mwi Hema lya kukumanamo, Aaroni, afwile ukutwalilila, ukufuma icungulo ukufuma ulucelo ukwasha inyali pa cinso cakwa isha bantu bobe. ⁴ Shimapepo mukalamba afwile lyonse alesunga inyali iyaaka pa cinso cakwa Yawe, inyali pacantekapo ica golde iyalopololwa. ⁵ Ufwile wasende ubunga bwapeleka ubwa ngano nakupanga imikate ikumi naibili kuli yena mukabe utwa pekumi tubili muli efa muli cila mukate. ⁶ Nafyo mukale fibika mu mitande ibili mutanda, mutanda pa mutanda onse, pe tebulo lya golde iya lopololwa ku cinso cakwa Yawe. ⁷ Ufwile mwabika ica cena cisuma muli cila mutande wa mikata nge ca bupe bwa kwimininako, ica cena cisuma ci kocewa kuli Yawe. ⁸ Bonse ubushiku bwe sabbata shimapepo mukalamba afwile lyonse ukubika mukate ku cinso cakwa Yawe ukwimininako abantu bamu Israli, nge cilangiloca cipangano ca muyayaya. ⁹ Ubu bupe bwakwa Aaroni na bana baume bakwe kabili bafwile balya icic mu cende iya mushilo, pantu ciputulwa ca bupe kuli Yawe ica pangwa no mulilo. ¹⁰ Nomba icacitike cakuti umwana mwaume uwakwa namayo waku Israeli, uyo wishi ali mwina Egupti, aile pamo na bena Israeli, uyu mwana mwaume wa mwina Israeli na mayo alilwile no umwaume umwina Israeli mu nkambi. ¹¹ Uyu mwana mwaume wa mwina Israeli na mayo alipotele Ishina lyakwa Yawe no ku tuka, eico abantu balimuletela kuli Mose, ishina lyakwa nyikwa nyina alini Shelomiti, mwana Dibri uwa mukowa wa bena Dani. ¹² Bali musungile muli cifungo mpaka Yawe umwine aka pingule ifyo bafwile ukucita, ¹³ Elyo Yawe alilandile kuli Mose, ukuti, ''buleni uyu muntu uwa tuka Yehova mumutwale kunse ya nkambi. ¹⁴ Bonse abamumfwile bafwile babike iminwe yabo pa mutwe wakwe na bonse abalongene bakamupole amabwe. ¹⁵ Ufwile walondolola ku bantu bamu Israeli no kuti uyo onse uwatuka Yehova afwile asanga icilubo cakwe. ¹⁶ Uwapontela ishina lyakwa Yawe afwile icishika aipaiwa. Bonse abalogene nangu uwafyalwa mu Israeli. Nga umo apontela ishina lyakwa Yawe, afwile fye ukufwa. ¹⁷ Nga umo aipaya umuntu munankwe, afwile icacine aipaiwa. ¹⁸ Nga uli onse aipaya inama ya muntu umo, afwile alipila, ukubwekeshapo umweo pa mweo. ¹⁹ Nga uli onseacena umunankwe, cifwile cacitwa ngefyo acitile ku munakwe. ²⁰ kufuma pa cafunwa, ilinso palinso pa lino. pantu nalenga ucenwa kwa muntu, kabili cifwile cacitwa nakuli ena. ²¹ Onse uwaipaya inama afwile alipila, nowa ipaya umuntu afwile aipaiwa. ²² Mufwile mwakwita ifunde limo line kuli bonse abalebeshi nabafyalilwa mu Israele. Nine yawe leasa wenu,'' ²³ Eco Mose alilandile na bana ba Israeli, na bantu baliletele umwaume kunse ya nkambi, uyoo uwatukole Yawe. bali mupolele amabwe. abena Israeli ba sendele uku kukomesha kwakwa Yawe kuli Mose.