¹ Yawe alilandile kuli Mose elo nakuli Aaroni ukwebati, " ² Landeni ku bantu bamu Israeli, elo mubebe, " Nga umwaume onse alikwete amenshi yabulwe le ayakofuma mu mubili wakwe ali nokuba uwa kukowela. ³ Ukukowela kwakwe mulandu wa aya menshi ya bulwele. Nga umubili wakwe ukoswa menshi nangu ulilekele, uli uwakukowela. ⁴ Ubusashi bonse ubo alalapo buli nokuba ubwakukowela, elo na conse ico aikalapo cikaba icakukowela. ⁵ Uyo onse uwaikata ubusanshi bwakwe akale kusamfya insalu shakwe elo akasambe amenshi umwine elo akabe uwakukowela ukufika icungulo. ⁶ Umuntu onse uwaikala apo uyu mwaume uukofuma amenshi Yabulwele acikala uyo muntu akolesamfya insalu shakwe elo nokulekusamba amenshi umwine elo akabe uwakukowela ukufika icungulo. ⁷ Umuntu onse uukekata umubili wa mwaume ukofuma amenshi ya bulwele afwile asamfya isalu elo nokusamba amenshi umwine nokuba uwakukowela ukufika icungulo. ⁸ Nga umuntu uukwete ayo amenshi ayakofuma asakila umuntu umo uwsanguka elyo uyo muntu afwile asamfya isalu shakwe elo nokusamba samba amenshi umwine, kabili akaba samba amenshi umwine, kabili akaba uwakukowela ukufika icungulo. ⁹ Icakwikalapo conse ico uyo uo amenshi yakomdu ica aninapo cikaba icakowela. ¹⁰ Kanshi uyo onse ico uyo uukoikata icitu conse icali ica ulya muntu akakowela ukufika cungulo. kabili uli onse ukasenda ifyo fintu afwile asamfya insalu shakwe nokusamba mumenshi ummwine; akaba uwakukowela ukufika icungulo " ¹¹ uuli onse umwaume nga aikatako ifikofuma tasambile ku minwe na menshi afwile ukusamfye insalu shakwe elo nokusamba amenshi umwine, elo akaleba uwakukowela ukufika icungulo. ¹² Umupika onse uwebumba uo uyo muntu ukofuma amanshi aikatako mufwile mwatoba, elo ne cipe cacimuti conse mufwile mwacisukulula mu menshi ¹³ Ulo uyo ukoswa asanguluka kufya kuswa fyakwe, elo afwile apendela umwine lushiku cine lubali isha kusanguluka kwe; elo noku samfya isalu shakwa elo nokusamba pa mubili mumenshi ayakopita elo alinokuba uwakusanguluka. ¹⁴ Pa bushiku bwa cine konse konse cakabule inkunda shibili nangu abana ba fipele babili elo nokwisa kuli Yawe pa mwinshi we Hema lyakulashinishamo; kulya afwile ukupela ifyoni kuli shimapepo. ¹⁵ Shimapepo afwile ifitula, cimo umutulo wa palubembu icinankwe umutulo wa fya koca, elo shimapepo bakalekupanga icikonsolwelo cakwe ku menso Yawe Yawe pa mulandu wa fya kuswa fyakwe. ¹⁶ Nga umwaume uli onse akofumya amenshi ya bwaume elo akasambe mu menshi umubili wakwe onse; akeleba uwakukowela ukufika icungulo. ¹⁷ Icakufwala conse nangu impapa icikwete amenshi yabwaume cifwile ukusamfya mu menshi; cikaleba icakukowela ukufika icungulo. ¹⁸ Nga umwaume alala nomwanakashi elo kwaba ukufumya amenshi ya bwaume, bonse balekusamba na menshi elo bakalaba abakukowela ukufika icungulo. ¹⁹ Nga umwanakashi ali mweshi akaletwalilila ukuba uwakukowela nshiku cine lubali elo nao naonse uwamukumya akakuba uwakowela ukufika icungulo. ²⁰ Icitu conse alalapo ulo aciliku mwenshi cikaba icakukowela; na conse aikalapo naco cikakowela. ²¹ Uyo onse uwaikata ku busanshi bwakwe afwile asamfya insalu shakwa elo no kusamba mu menshi umwine; muntu akaleba uwakukowela ukufika icungulo. ²² uyo onse uwaikata icintu conse ico aikalapo alekusamfya isalu shakwe no kusamba mu menshi umwine; ulya muntu alekuba uwakukowela ukufika icungulo. ²³ Nelyo cili pa busanshi nangu pali conse apo ekala nga aikatapo ulya muntu alinokuba uwakukowela ukufika kungulo. ²⁴ Nga umwaume uli onse alal nankwe, elo nga ifyakusawa fyakwe ifyakukowela fya mukumya akabe uwakukowela inshiku cine lubali ubusansi bonse akalalapo bukakowela. ²⁵ Nga umwanakashi umulopa ukofuma pa nshiku ishingi iyo litali inshita yakwe iya ku mweshi, nangunga akofumya ukucisha mushita iyo alikwikalilamo, munshita yanshiku shonse isho akofumishamo yanshiku shinso isho akofumishamo ifya ku kukowela fyakwe, ali nokuba kubati ali mu nshiku shakwe isha ku mweshi ali uwakukowela. ²⁶ Ubusanshi bonse ubo alalapo inshiku shonse akofumamya umulopa ikalekuba kuli ena pamo nga ubusanshi ubo alikulalapo munshita ali ku mweshi elo naconse ico aikalapo cikalekuba icakukowela, pamofye nga ifya kukowesha fyakwe ifya ku mweshi. ²⁷ No muntu uuli onse ukeka ta conse palifi fintu akakowela; afwili asamfya insalu shakwe ukusamba mu menshi mwine elo akalekuba uwakukowela ukufika ku cungulo. ²⁸ Lelo nga awamishiwa ukufuma mukufuma kwa mulopa wakwe elo akale pendela inshiku cine lubali panuma ya ico akasangulaka. ²⁹ Pa bushiku ubwakulenga cine konse konse akasenda inkunda shakwe shibili nangu abana ba fipele babili elo nkufileta kuli shimapepo mwinshi we Hema lya kulanshanishishamo. ³⁰ Shimapepo akatula iconi cimo nga umutulo wa lubembu elo ifi fimbi nga umutulo wa ca koca, elo ali nokucita icikonsolwelo cakwe kuli yawe pa kukowela kwakwe ku mulopa uwalikufuma. ³¹ Ifi efyo mukalekupatula abana Israeli ukufuma ku fyakukowela fyabo pantuti, bekalekufwa pa mulandu wa fyakukowela kwabo, ukuti bekalakufwila mu kukowela kwabo, ulo bakowesha Ihema lyandi umo nebo nyikala muli bena. ³² Aya emafunde kuli uyo onse uukwete ifya kuswa fya menshi, na umwaume onse uyo amenshi yabwaume yakofuma kuli ena nokumulenga ukukowela. ³³ No umwanakashi uli onse uliku mwenshi, no uuli onse ukofuma amenshi obe mwaume nangu umwanakashi, elo no mwaume uuli onse ukolala na umwanakashi uwakukowela,"