¹ Yaweh alilandile kuli Mose, ukwebati, ² "ili likaba efunde lya muntu umulwele pa bushiku bwa kusangululwa kwakwe. A fwile ukuletwa kuli shimapepo. ³ shimape[po akafumina kunse ya nkambi nokuya kupima ulya muntu nokumona ngacakwebati ubulwele bwakwambukila ubwa pa nkanda bulipolele. ⁴ Elo shimapepo akakonkomesha ati ulya uo bakosangulula afwile akubula ifyoni ifikolola fibili ifyakubula akalema, icimuti ca mukedavi, no bushishi ubwakukashikace, na esabu. ⁵ Shimapepo akamukonkomesha ukwipaya iconi cimo pamulu wamenshi yabune ayali mumutondo. ⁶ Elo shimapepo akabula iconi cakulola necimuti ca mukedavi no bushishi bwaku kashika ce na esabu, kabili akatumpika ifi fyonse, ukubikapofye ne coni icikolola, mumulopa wa coni cilya bacipaya pa mulu wa menshi yabume. ⁷ Elo shimapepo akakanya ayamenshi imiku cinelubali pali ulya muntu bakosangulula ukufuma ku bulwele, kabili shimapepo akamubilisha ukuba uusangulukile. Shimapepo akacilekako iconi icikolola cikaye mumabala. ⁸ Umuntu, uo bakosangulula akawasha ifyakufwala fyakwe, akabeye umushishi wakwe onse, kabili akasembe mumenshi, kabili akasanguluka. Panuma yaici afwile aisa munkambi, lelo akekala kunse iye hema lyakwe panshiku cine lubali. ⁹ Pa bushiku bwalenga cinelubali afwile ukubeya umushishi onse uwaku mutwe wakwe, kabili afwile ukubeya umwemfu wakwe ne fipeni. Afwile ukubeya umushishi wakwe onse, kabili afwile ukuwasha ifyakufwala fyakwe elo nokuisamba umwine mumenshi ninshi akaba uwakusanguluka. ¹⁰ Pa bushiku bwalenga cinekonsekonse afwile ukubula impanga shibili ishilume ishakubula akalema, impanga imo iikota iyakubula akalema, elo nafitatu pa cekumi ca efa wabunga bwakupeleka ubusankanishiwemo amafuta pamo ngecabupe caluseke, elo no musashi wa mafuta umo. ¹¹ Shimapepo uukomusangulila akemika ulya muntu uo bakasangulula pamo pene nafilya fintu pa cinso cakwa Yaweh pa mwinshi we hema lyakulanshanishishamo. ¹² Shimapepo akabulapo impanga imo iyapali shilya mpanga ishilume nokupela ngecabupe cakushininwa, pamo no musashi wa mafuta; akalangisha icabupe cakulangisha ku cinso cakwa Yaweh. ¹³ Afwile ukwipaya impanga iilume mucifulo bepailamo icabupe calubembu ne cabupe cakoca, muncende yaca kwikalamo, pantu icabupe cakushinina, pantu ca mushilo sana. ¹⁴ Shimapepo akabulapo umbi umulopa wapa cabupe ca kushinina nokubika pakalebelebe ka kutwikwa kukulyo kwaulya bakosangulula, napa cikumo cakuku boko kwakwe ukwakukulyo, elo napa cikondo cakwe icikulu icakulukasa lwakukulyo. ¹⁵ Elo shimapepo akabula amafuta ukufuma mumusashi wamafuta nokwitila mulupi lwakwe umwine ulwaku kuso, ¹⁶ kabili akatumpika umunwe wakwe uwakukulyo mumafuta ayali mulupi lwakwe ulwa kukuso, nokukana yamo amafuta nomunwe wakwe imiku cinelubali ku cinso ca kwa Yaweh. ¹⁷ Shimapepo akabika yonse amafuta ayashelepo muminwe yakwe palutwe lwakutwi lwa ulya umuntu akosangululwa, pa cikumo cakukuboko kwakwe ukwa kukulyo, elo, napa cikondo icikulu ica lukasa lwakwe ulwakukulyo. Afwile ukubika aya mafuta pa mulu wa mulopa ukufuma ku cabupe cakushinina. ¹⁸ Nomba yalya amafuta yonse ayali mulupi lwakwa shimapepo, akabika pa mutwe wa ulya muntu bakosangulula, kabili shimapepo akapanga icikonsolwelo cakwe ku cinso cakwa Yaweh. ¹⁹ Elo shimapepo akapela icabupe calubembu noku cita icikonsolwelo cauyo uukosangululwa, elo panuma akepaya icabupe icakoca. ²⁰ Kabili shimapepo akapela icabupe cakoca elo ne cabupe caluseke pa cipailo. S himapepo akapanga icikonsolwelo ca ulya muntu, elo nomba akaba uwakusanguluka. ²¹ Lelo, ngacakweba ti umuntu mupina kabili tekuti akwanishe aya malambo, lyena kuti abula impanga imo iilume pamo ngecabupe cakushinina icakulanga, kukupanga icikonsolwelo cakwe umwine, elo ne cipande cimo capa cekumi wa efa wabunga bwakupeleka ubusankanishiwemo amafuta pamo nge cabupe ca luseke, elo no musashi wa mafuta, ²² pamo pene ne nkunda shibili nangu utwana twampele tubili, ukulingana nefyo engakwanisha ukukwata; iconi cimo cikaba cabupe ca lubembu elo icinankwe cabupebwakoca. ²³ Pa bushiku bwalenga cinekonsekonse afwile ukufileta kuli shimapepo pa kusangululwa kwakwe, ku mwinshi we hema lyakulanshanishamo, ku cinso cakwa Yaweh. ²⁴ Shimapepo akabula impanga nge cabupe cakupela,kabili akabula pamonayo umusashi wa mafuta ya olife, kabili akafimisha pamulu ulo akofipela kuli Yawe. ²⁵ Akepaya impanga nge cabupe cakushinina, kabili akabulapo umulopa umo uwapa cabupe cakushinina noku ubika palutwe lwa kutwi kwa kukulyo kwa uyo uukosangululwa, pa cikumo cakukuboko kwakukulyo, elo napa cikondo icikulu ica kulukasa lwakwe ulwakukulyo. ²⁶ Elo shimapepo aketulwila yamo amafuta pa lupi lwakuboko kwakwe ukwakukukso, ²⁷ kabili akakanya amafuta yamo nomunwe wakwe uwakukulyo imiku cune lubali ku cinso cakwa Yaweh. ²⁸ Elo shimapepo akabula yambi amafuta yalya ayali muminwe yakwe nokubika palutwe lwakutwi kwakukuklyo kwauyo uukosangululwa, pa cikumo ca kuboko kwake ukwa kukulyo kwakwe, elo napa cikonda icikulu ica lukasa lwakwe ulwakukulyo, pa ncende pamo pene abikile umulopa wa cabupe cakushinina. ²⁹ Akabika amafuta yonse ayashelepo muminwe yakwe pa mutwe wa uyo uukusangululwa, mukupanga icikonsolwelo cakwe ku cinso cakwa Yaweh. ³⁰ Afwile apela imo pa nkunda nangu utwana twa tupele, pamo ngefyo umuntu engakwanisha ukukwata, ³¹ imo nge cabupe calubembu elo imbi nge cabupe ca koca, pamo pene necabupe ca luseke. shimapepo akapanga ici konsolwelo ca ulya uo bakosangulila ku cinso cakwa Yaweh. ³² Ili efunde lya muntu uukwete ubulwele bwakwambukila ubwa pa nkanda, uushingakwanisha ifya bupe fyaimikwa. Pakusangululwa kwakwe''. ³³ Yaweh alilandile kuli Mose na Aarone, ukwebati, ³⁴ "ulo mukesa mu calo ca caanani ico namipele nge cikwatwa, kabili nganabika ubufufumo ubusalangana mu ng'anda yacalo cacikwatwa cenu, ³⁵ elo umwine wa ng'anda fwile aisakweba shimapepo. Afwile ukulanda ati, kuli nebo kukomoneka ifintu fimo ifikomoneka kubati mufufumo mu ng'anda yandi; ³⁶ Elo shimapepo akakonkomesha ukwebati bafumyemo fyonse mung'anda ulo talayamo mukumona icishinka pacifufumo, pakwebati tamuli nangu cimo mu ng'anda icalapangwa icakubulokusangululwa. Panuma shimapepo afwile aingilamo mukumona ing'anda. ³⁷ Afwile apima icifufumo pakwwbati amone ngacili mu fibumba fyamu ng'anda, kabili nokumona ngafikomoneka ifya katapakatapa nangu ifyakukashikila pamulu wa mufinko fya mufibumba. ³⁸ Ngacakweba ati ing'anda ilikwete icifufumo, ninshi lwena shimapepo akofumamo mung'anda nokwisalakwe cibi panshiku cinelubali. ³⁹ Elo shimapepo akabwela nakabili pabushiku bwakulenga cinelubali kabili nokuipima nokumona ngecifufumo cilisalangene mufibumba fya ng,anda. ⁴⁰ Nga cilisalangene, ninshi shimapepo akakonkomesha ukwebati bakafumye amabwe ayasangilwemo icifufumo nokuyaposa mu cifulo icishasangululwa kunse ya musumba. ⁴¹ Akafwaya ifibumba fyamukati ka ng'amda fyonse ukupalwa, kalibi bafeile ukutwailoba lyakukowela ilyo bapalileko kunse yamusumba nokubika cifulo icishasangululwa. ⁴² Bafwile babula amabwe yambi nokuyabika pacifulo cayalya yacifumapom, kabili bafwile ukubomfya iloba limbi kukushinga ing'anda. ⁴³ Nge cifufumo cabwela nakabili mu ng'anda umo bafumishe amabwe kabili ne fibumba balikwesele nokuishinga nakabili, ⁴⁴ Elo shimapepo afwile aisamo nokupima ing'anda mukumona ngomufumo ulisalangene mung;anda. Ngalisalangene, ninshi cifufumo ca busanso, kabili ne ng'anda taisangulukile. ⁴⁵ Inganda ifwile ukutobwa. Aabwe, amapulanga, nefyakushingwila fifwile fyatwalwa kunse ya musumba ku cifulo icitasanguluka. ⁴⁶ Mukulandapo, ⁴⁷ onse uwaingila mu ng'anda palili ilya nshita isalikile akaba uutasangulika mpaka icungulo bushiku. Onse uwalele mu ng'anda afwile ukusamfya ifyakufwala fyakwe. ⁴⁸ Nga shimapepo aingila mu ng'anda mukupima nokumona ngacakwebati umufufumo ulisalange mu ng'anda panuma yakuishinga, elo ngomufufumo ulile, akaibilisha in'anda ukuba iyakusanguluka. ⁴⁹ Pa kusangulula ing'anda shimapepo afwile ukubula ifyoni fibili, ne cimuti ca mukedavi, no bushishi ubwakashika ce elo na esobu. ⁵⁰ Akepaya iconi cimo pa mulu wa menshi, ayali mutondo. ⁵¹ Akabula iciti ca mukedavi, esobu, ubushishi bwa kukashika ce, elo ne coni icikolola, nokufitumpika mumulopa wa coni ico bepaile, mumenshi yabune, elo nokusansa ing'anda imiku cinelunali. ⁵² Akasangulula ing'anda no mulupa wa coni na menshi yabune, ne coni cikolola, ne citi ca mukedavi, esobu, nobushishi bwaku kashikace. ⁵³ Nomba akaleka iconi ukuya kunse ya musumba mumabala. Muli iyi nshila afwile apanga icikonsolwelo ca ng'anda, kabili ikaba iyakusangululwa. ⁵⁴ Ili efunde lya malwele yonse ayapankanda ayambukila ne fintu fyonse ifilenga amalwele yaifyo, nefyakubaba, ⁵⁵ elo nomufufumo mufyafwala namu ng'anda, ⁵⁶ ifyakufimba, ifyakufuluma, elo neci matiko. ⁵⁷ Pakwishiba nilwisa palyaya malwele ulo yakaba ayatasangulukile nangu ulo yasangulukile, ili efunde lya malwele yapankanda ayambukila ne cifufumo.