¹ Yawe alilandile kuli Mose- ici cali ni panuma ya mfwa sha bana baume babili aba kwa Aaroni, ulo balikuya mupepi na Yawe ulo elo bafwile. ² Yawe alilandile kuli Mose, "Landa kuli Aaroni ndume yobe no kumweba uku kana kulekwisa inshitafye yonse muncende umwashila mukati ka cipembe, pacinso ca nkupiko ya cakukonsolwelapo ico cili pa cipao. Nga cakatila alekicita, ako kufwa, pantu nebo nda monekela mwi kumbi pamulu wa nkupiko ya cakukonsolwelapo. ³ Ifi rfyo Aaroni afwile kukwisa mu ncende umwadhila sana. Akofwaikwa ukulekwingila na kana kangombe ngo mutulo we sambi, na sukusuku ngo umutolo wa caocewa. ⁴ Afwile alekufwala umwingila uwakutelela uwa mushilo, ne nensalu sha mukati ishakutelela umwine, elo ne nyembe iya kulelela. Iyi e mingila mya mushilo. Afwile ukowa umubili wakwe mu menshi kabili elo afwale insalu ishi umwine. ⁵ Afwile ukupita basawe babili ukufuma mu lukuta lwa bantu bamu Israeli nga umutulo wa lubembu na sukusuku umo nga umutulo uwa caocewa. ⁶ Elo Aaroni afwile ukutula umulume wa ngombe nga umutulo wa lubembu, ica kulakulaba cakwe umwine, ku kupanga kica ku konsolwelapo umwine no lupwa lwakwe. ⁷ Elo afwile ukupita imbushi shibili no ku shibika pacinso cakwa Yawe pa mwinshi we hema lya ku lanshanishishamo. ⁸ Elo Aaroni afwile ukupendula pa mbushi shibili, imo yakwa Yawem na kumbi ukupindula kwa mbushi. ⁹ Aaroni elo afwile ukutula mbushi pali uko ici pendulo caponene kuli Yawe, no kutula iyo imbushi nga umutulo wa lubembu. ¹⁰ Lelo imbushi uko ici pindulu ca wila asosele afwilwe ukumuleta umutuntulu pacinso cakwa Yawe, ku kupanga ica kukonsolwelapo pa kumutuma ena ukuya nga asosele mu matololo. ¹¹ Elo Aaroni afwile ukutula ingombe iilume iya umutulo wa lubembu, ico ci kalekuba cakwe umwine. Afwile ukupanga ica kukonsolwelapo umwine no lupwa lwakwe, elo afwile ukwipaya ingombe nga umutulo wa lubembu umwine. ¹² Aaroni afwile ukupita icifutumwino ici koisulamo imisolilo ya mulilo ukufuma pa cipailo pacinso cakwa Yawe, ne minwe yakwe umukoisula icushi ce fungo icisuma, noi kuleta ifi fintu mukati nsalu shakobekwa. ¹³ Apo afwile ukubika ica cushi ce fungo pa mulilo ku cinso cakwa Yawe icakweba ati ikumbi ukufuma pa ca cushi ce fungo cinga fimba pa nkupiko ya ca kukonsolwelapo mumulu wa fipope fya cipangano. Afwile akocita ici pakutila e kafwa. ¹⁴ Elo afwile ukupitapo umulopa umo uwa ngombe iilume no kusansapo ne minwe yakwe kuntanshi ya nkupiko ya cakukonsolwelapo. Afwile ukusansa imilopa imo ne minwe yakwe imiku cinelubali pacinso ca nkupiko ya cakukonsolwelapo. ^{15 16} Elo afwile u kwipaya imbushi ica mutulo wa lubembu ica bantu no kuleta umulopa wa ciko mukati kansalu yakobekwa. Apo afwile ukucita no mulopa nga filya acitile ne milopa ya ngombe iilume: Afwile ukusansa iyi pa nkupiko ya ca kukonsolwelapo elo na pancinso ca nkupiko ya ca kukonsolwelapo. Afwile ukupanga icakukonsolwelapo ii ncende ya mushilo pamulandu wamisongo yakukowela ya bantu bamu Israeli, na pamulandu wa myalukile yabo ne membu shabo shonse. Afwile nao ukulakucita ici mwi hema ilya kulanshanishishishamo umo Yawe e kala pakati kabo, mu cinso ca mucitile yabo iya kukowela. ¹⁷ takufwile kwaba nangu umo mwi hema lya ku lanshanishishamo ulo Aaroni aingilamo ku kupanga icakukonsolwelapo mu ncende ishashila sana, kabili mpaka ako kubwelela kunse ulo ninshialipwile ukupanga icakukonsolwelapo umwine no lupwa lwakwe, lelo na bonse aba lukuta lwa Israeli. ¹⁸ Afwile ukuya kunse ku cipailo ico icili pa cinso. Cakwa Yawe no kupanga ica kukonsolwelapo pali cena, kabili afwile ukupita ukupita imilopa imo uwa ngombe iilume yonse aya shunguluka icipailo. ¹⁹ Afwile ukusansa umulopa umo pali ico ne minwe yakwe imiku cinelubali ku kuciwamya no kucipatula kuli Yawe, ukuya ukufuma ku micitile iya kukowela kwa bantu bamu Israeli. ²⁰ Ulo apwisha ukukonsolwelapo pa ncende iya shilisha, hema lya kulanshanishishamo, elo ne cipailo, afwile ukutula imbushi ituntulu. ²¹ Aaroni afwile akotambika iminwe yakwe yonse pa mutwe wa mbushi iya mweo no kulapa pamulu waiko yonse amampulu ua bantu bamu Israeli, ukwaluka kwabo konse, ne membu shabo shonse. Elo afwile ukubika isho imembu pa mutwe wa mbushi no kutuma imbushi ukuyakuba mucitette ca muntu uu ipekenya ku kutungulula imbushi mu matololo. ²² Imbushi ifwile ukusenda ine yonse amampulu ya bantu ku ncende iya talala tondolo. Mulya mwine mu matololo, umuntu afwile ukuilekelako imbushi ukuya iya kahele. ²³ Elo Aaroni afwile uku bwelulukila mwi hema lya kulanshanishishamo no kufula umwingila uwakutelela uyo alikufwala libe talatala kuya mu ncende iya kushila sana, elo afwile ukusha iyo imingila palya pene. ²⁴ Afwile ukusamba umubili wakwe mu menshi mu ncende iya mushilo, no kufwala ifyakufwala fyakwe ifyakulingilila; elo afwile ukuya kunse no kutula umutulo uwa cakoca cakwe, no mutulo wan cakoca ica bantu, na muli iyi nshila ukupanga icakukonsolwelapo umwine ne ca bantu. ²⁵ Afwile ukoca amafuta aya ca mutulo ca lubembu pa cipailo. ²⁶ Umuntu uyo wa lekele asesele ukuya uwakaele afwile uku washa insalu shakwe no kowa umubili wakwe mu menshi; panuma yaico, kuti abwelulukila mu nkambi. ²⁷ Ing'ombe ilume iye lambo lya lubembu ne mbushi iye lambo lya lubembu, uyo umulopa washiko waletelwe ukupanga icikonsolwelo mu ncende ya mushilo, ulingile wa fumishiwa kunse ya nkambi. Kulya bafwile ukoca imukupo ya shiko, iminofu, na mafi. ²⁸ Umuntu uwa oca filya fiputulwa alingile ukuwasha ifya kufwla fyakwe noku samba umubili wakwe mu menshi panuma ya ifyo, alingile uu bwelela mu nkambi. ²⁹ Cili no kuba lyonse lifunde pali webo ukuti mu mwenshi uwa lenga cine lubali pa bushiku bwe kumi ubwa mwenshi, muli lingile uku icefya noku kana bomba umulimo cibe wa fyalilwa muli icic calo nangula ulebeshi ule ikala pakati kenu. ³⁰ Ici mulandu wakuti pali ubu bushiku icikonsolwelo cili noku pangilwa mwebo ukumiwamya kuli shonse imembu shenu pakati mukabe aba wa nishiwa ku cinso cakwa Yawe. ³¹ Bakaba bushiku ubwa ku shikatalamo ubwe sabata ilya ku tusha ubwenu, kabili mufwile ukuicefya noku kkana bomba umulimo. Ici lyonse cikaba cipope pali mwebo. ³² Shimapepo mukalamba uyo uli no kusubwa noku bikwapo ukuba shimapepo mukalamba mu cifulo cakwa wishi alingile ukupanga ici icikonsolwelo noku fwala ifya ku fwla ifya kubata, ifili, ifya ku fwla fya mushilo. ³³ Alingile ukupanga icikonsolwelo ica ncende iya ushilishiwa; alingile ukupanga icikonsolwelo ice hema lya cikumanino ne capa cipailo, kabili alingile ukupanga icikonsolwelo ica ba shimapepo ne ca bonse abantu abalongane. ³⁴ Ici cikalaba lyonse lifunde lyenu ukupanga iciokonsolwelo ica banu bakwa Israeli pamulandu wa shonse imembu shabo umuku umo mjuli cila mwaka." Ifi efya bombekelwe ukulingana nefyo Yawe akonkomeshe Mose.