¹ Só kwèsá mitó la likita, pe otsi oko sámbésána. ² Po ainè loléngé lo sámbésá oyè baitò, pe ko loo kindá e loléngé be oko sámbésá oyè. ³ Po e mbi e liti oyè soko mai ndámbo i lòpòtsi momolo e lisó li mwinahò, kasi otsi litá limúkéli linè libayi momolo e lisó li ahò matúkè? ⁴ Endeyi kindá ekoki oyè bo békéli monganohe, '' Kéla le mo okofési oyè lòpòtsi momolo e lisó liahò'', yélékó yènè yébayi oyè la lyò momolo e lisó liahò matúkè? ⁵ Onú baitó ba mayèlè me bitsi! Okofésa félo limúkéli momolo e lisó liahò matúkè, pe sikanè okoki botúsési lòpòtsi momolo e lisò li monganohè. ⁶ Só aesá bambwá bima bi hámbólámi, pe só filingélá bana ba ndéhé bayaka, Po inè bekoki bo uwéli lyò la mékélé, pe inè ba léngé pe bo mo mátákóli oyè. ⁷ Lònga, pe i oko mo aesánélá oyè. Páána, pe oko ukóla. Ofá mobália, pe i oko uwélésánélá oyè. ⁸ Po inè anò ngia e lònga, e sila, anò ngia e páána, e ukóla; pe ngi mitó ngia anò e ofá mobáliyá, i oko mo uwélésanla ⁹ Nzokandé ndá omoli o inó, la mona owahè aka mo lòngá ifoé, a mo aesi limukéli? ¹⁰ Tô la aka mo lòngá swé, a mo aesi félé? ¹¹ Sókóyó, la oyè anò ébayi mopágano o lémbéli loléngé lo bo aesi bana baho bima bi wáli, mbi imoli itsi aesá Atò o inó anò likóló bo étéli bima bi étéli wáli la bo ka mo lòngá yè? ¹² Sókóyó, iyale kindá ngia i bima i kúndá onú baitó bakélé po e onú, bokóki bo kéli kóyó ngú ahè, po inè ibayi mobékó pe la batátóli. ¹³ Hóla momolo e ndúfaka e tónga. Po inè ndólé ébayi mosèlá u uwámi ènè e tómá onú a bo ôlákémi, pe baitó boféla bekiá kwa yò ndólé. ¹⁴ Kasi mosèlá ubayi tónga pe ndólé ébayi mékakatáno mènè me aesá bo umákè, pe banè bé ukólá yò bebayi pèèni. ¹⁵ Ya lowáéla la baprofeta ba isúma, banè be lwa la túlú i bomèngo kasi bebayi kosòolò banè be ungésá baitó likóló. ¹⁶ Kasi mesálá me aibó me oko lémbélésá bò. Ikoki la baitó bo isi húma i finyo momolo e litángi li kala tô pòmbò momolo e yétúká ye kala? ¹⁷ Sókó lô kindá, mété ngia mènè me itáni me ótá húma i wáli, kasi mété me bitsi me ótá huma i bitsi. ¹⁸ Móté u wáli utsi koki bo óti húma ibitsi, to itsi koki la móté u bitákè bo túsési húma i wáli. ¹⁹ Móté ngia unè utsi túésá húma i wáli u oko ténáná pe u oko filingáná momolo e yóhé. ²⁰ Sókóyó kahé, be oko lémbéla yò la húma ya ibó. ²¹ Itsi bayi tâ mitó ngia ano e étákè ngò, ''Kumi, Kumi,'' ekoki bo hóli momolo e bokúmi bó likóló, kasi sókó banè békélá lokúndó lo Ahá owá anò ébayi a likóló. ²² Baitó boféla be oko béká wô mwásá, ''Kúmi, Kúmi, tóté sákóláká kwa lina liahò, kwa lina liahò tôté sésáká mélimo mbé-mbé, pe kwa lina liahò toté kéláká bakamwisi bafúlákú?'' ²³ Sikanè le oko inésélá bò, ''Ngò nzi lémbéli onú! Botswé kèlè-kèlè elá, bobayi basúmúki!'' ²⁴ Sókóyó, anò ngia anò e okòká baohi bahá pe e tósá byò ainè mitó omoyi o bwányá ahò e fúká mbèlè likóló li limúkéli. ²⁵ La lôôla lo kánya, ndúmbakéli ilwé, pe bifófó bi lwa pe bi ófá lò mbèlè, kasi dtsi nóngána pe etsi kwa po inè ifúkáni likóló li limúkéli. ²⁶ Kasi bisikáni ngia binè bi okòká onu baohi bahá kasi botsi tósá byò i okoyálá ainè mitó o lilwá anò efúká mbèlè likóló li limungèlè0. ²⁷ Lôôla lo nya, ndúmbákéli ilwé, pe bifófó bi ófé pe bi nongési mbèlè, pe ékwè séésé, botsákáni bó yò i okoyálá bo sòolò.'' ²⁸ Ité tswá kunè été fwésáká Yezu bo háni bò baohi, baitó ba bayèlè bété biáká la bokámwi la kindá e baháno, ²⁹ po inè été biáká boháni bô ainè anò ébayi la bokúmi, pe ta kunè e bakómi ba mébékó me aibó.