¹ Anè aka èná Yezu linzi li baitó, Yezu aka lilá likolo li itsikóló; pe, mbusè e boyáli, bayekoli baká lúwá ngu ahè. ² pe, aka úwóla monwá, e háná bô, aka béka: ³ ''Yénángá la baitó bá botúndákè bo molimo, po ainè kèká e likóló iyáli yaibó! ⁴ Yénánga banè betòkwáni, po inè be oko yálá la bohòndési! ⁵ Yénángá la banè beyáli batúndákè po inè be oko sángólá mbú! ⁶ Yénángá la banè beyáli la sémbá pe la kámò e bosémbó, po inè be oko liálá! ⁷ Yénángá la banè ba bowaowa, po inè be oko ukólá bo limbési! ⁸ Yénángá la banè be iki motéma pèè po inè be oko èná Mongalima! ⁹ Yénángá la banè be ukóli haï, po inè be oko mo étáká mònà o Mongalima! ¹⁰ Yénángá la banè be ènè bô liséngia po e bosémbó, po inè kèkà e likóló e yáli yaibó! ¹¹ Yénángá ye yáli la inò banè be sékáká bô pe be ènèsá bô liséngia pe bé kélá bô kindá ngia i mbékó mbé kwitú po e ngò! ¹² Nángélá pe yálá la saï, po inè mbánó e inò i oko yálá likòlòngò à likóló. Po e yô baitó be ènèsá liséngia ba polofeta banè bété yáláká féló e onú. ¹³ Onú boyáli mokwâ u mbú. Kasi la mokwâ uka lúmbá mónámú, ndéngé mbi e oko túsésá lyò mónámú? Itsi bayi aitútá mónámu pl e yémá yèmoyi okofésá sókó bo utáki yô a yehóló, pe bohoa-hoyi la mèkèlè me baitó. ¹⁴ Onú boyali bongèngi bo mwánó. Yengúmbá yé bayii likóló li itsikóló litsi kóki bo itámi. ¹⁵ Pe betsi tóngánèsá mwèndji po e bo isi séésé e mèzà, kasi be isá nga likóló li mèzá, po e bongèngisi binè biyáli momolo e mbèlè. ¹⁶ Bongèngisi bwahò i yá ènèsi féló i baitó, po inè la yô kindá baitó ba ènè mésálá me wáli me ainó, pe bakumési Atò o inò anò eyáli mūkū u likóló. ¹⁷ Só kanésá ainè Ngò lété lwá po e bo ôláki mobéko u ba polofeta, le luwi ngà tá po e bo ôláki kasi bokókési ngia. ¹⁸ Po inè, kó libékélá Ngò lé békélá onú po e sôlô, kwa isiáká likóló la mbú i oko étá, litsi oko ungésá mobéko umoyi la mòkòlòtò umoyi i mbú, téé ko anè bahoyi kwitu biyá tswánè. ¹⁹ Anò penza e oko okófésá yèmoyi i binè bi biémaélò, pe e oko háná baitó bokéli byò, be oko mo étáká bolèngèla la kèkà e likóló, kasi anò e oko litángéla pe e oko háná la bolitángéli; ahò nga be oko mo étáká yè lifúláku la kèkà e likóló. ²⁰ Po ainè le békélá onú, la bosémbó aine i étélá inè ikománi la Bafalisayo, botsi oko hólá la kèkà e likóló. ²¹ Boté okòká inè ité békéláná la yéléko yé félo: otsi ôláka, anò e ôláka ekóki botúmbwámi la bosámbési. ²² Kasi ngò, le békélá onú anò mitó e yaesá bwángó po e monginéna ekoki la yétúmbú ye bosámbési; pe anò e oko békélá monginéna: ''Bolémá! Ekoki la yétúmbú ye bakúmú ba bosámbési ba Mongalima; pe ano e oko mo békélá: ''Yékété! Ekoki la yétúmbú yé yóhé i lifélo, ²³ Simi ko oyè o aesá lifákò li ahò a lótálò, pe ainè ahò oká kánésá ainè mónganohè eyali la bwángó bwahò, ²⁴ mina lifákò li ahò félo e lótálè; pe kiáka ainò bo okòkani la monganohè, pe, lwa po e bo aesi lifákò li ahò. ²⁵ Okòkáná la monganohè anò ebayi onú la bwángó yéléko yébayi onú a ndólé e bosámbési, po ainè ekóki botóli oyè félo e bazuzi, pe be mbá mo filinga oyè momolo e mbèlè e linga. ²⁶ Ko libékélá Ngò le békélá onú, otsi koki botsuwi yéhóló la otsi éndi simi ko lofálánga lomoyi lònè li oko tsikálá. ²⁷ Boté okoka ine ité békáná, ''Osti kélé yétéba''. ²⁸ Kasi ngo le békélú onú ainè anò e litá moháli la bolúli été kélá alà yétéba momolo e motéma uwahè. ²⁹ La lisó liahò li lilómé libayi tsina e lisúmu po elahò, twèsa lisó limóli. Po inè ibayi wáli po elahò bo ungési yélingi yemoyi ye bilóngó inè ikoki bofòli isikani i bo ungési bilóngó bi ahò koitu bi filingane momolo e liféló. ³⁰ La lifinzi liahò li lilómé libayi tsina e lisúmu po elahò, téna pe filinga yô. Po inè ibayi wáli po elahò bo ungési yélingi yemoyi ye bilóngó inè ikoki bofòli isikani i bo ungési bilóngó koitu momolo e liféló. ³¹ Ité békáná aitútá, ''Anò e fétá moháli owahè la liéngéló, mo aesa yésáli ye mokándá u bo ôláki liéngéló''. ³² Kasi ngò le békélá onú ainè mitó ngia anò e fétá moháli a liéngéló, okofésa sókó po e liti yétébá yé kéli yè la mitó osiáká, aka mo tómá momolo e yétébá la aka silá molómé osiáká mbusè. ³³ Aitútá, boté okòká inè ité békáná po e méohóló, '' So sémbá mosémbo, kasi oyè oko aesá inè ité ténélá oyè mosémbo uwahò po e Mongalima''. ³⁴ Kasi ngò le békélá onú, só téná mosémbo só umoyi, ³⁵ simi ko po e mbú, po inè ibayi isikani inè i isá yè mékélé me ahè, simi ko po e Yeruzaleme, po inè ibayi yéngúmba ye fúlákú yé mbawu ye Kúmi e fúlákú. ³⁶ Simi ko boténi mosémbo po e môtô uwahò, po inè otsi kóki bo nôônèsi tô bo pèmèsi longwélé lo ahò lomoyi, ³⁷ Kasi mina ainè liohi liahò li yálè: ''Eeh, eeh'' to ''tèè, tèè''. Yéma yènè yétéli likolo ainè ibayi inè i lwa ngi tzapulu. ³⁸ Boté okòká ainè: ''Lisó la lisó, pe linó la linó''. ³⁹ Kasi ngò le békélá onú, só ulésá moféla. Kasi ndé, la mitó aka mo ofá mbata la litáma li lilómé, mo aesa pe litáma li liháli. ⁴⁰ La mitó omoyi aka kiá bo mo pèlèki oyè ngi bazuzi pe aka silá kasaka elahò, mo aesá pe simisi elahò. ⁴¹ La mitò omoyi aka pááná boyéli lahò lokèndo, yéla lahè onú baélé. ⁴² Aesa mitò anò e mo lòngá oyè, so fétélá monginéna owahò anò e lòngá sòmbi ngu ahò. ⁴³ Boté okòká inè ité békáná, ''Esèngèláni po elahò bokundji mwinina owahò pe o finé mongúná uwahò''. ⁴⁴ Kasi ngò le békélá onú, kundá mongúná uwahò pe ondèla po e banè be ènèsá onú liséngia, ⁴⁵ sókóyó bo oko yálá bana ba atò o inó anò ebayi a likóló. Po inè e tswésá mwásá uwahè po e banè be bitsi motéma kola ngi banè be bayi la motéma wáli, pe enyèsá loola likóló li baitó ba motéma wáli pe kola ngi banè be bitsi. ⁴⁶ Po inè la oyè okundji banè be mo kundji oyè, endeyi kindá e mbano e ukolá oyè? Baitó be endésá páko betsi kélá kóyó? ⁴⁷ La oyè onangéli saka banganoe, mbi ikesani la kunè e kélá oyè kunè e kela basiáká? Banè bebitsi motéma betsi kélá ko lô kindá? ⁴⁸ Isèngèli po elahò boyáli sémbo kunè e yáli atò o inò anò ebayi a likóló ebayi sémbo.