¹ Anè eka yafilá Yezu yè la bayekoli bahè a Yelusaleme pe boluyi múkú u Betefage, múkú u itsikóló i olive, sikanè Yezu aka tómá bayekoli baélé, ² aka békélá bô: ''Bokè a lohia lonè ló mbusè, pe bo oko èná likáló limoyi linángémi la moliki aelo, pe la??? isikani imoyi la likálo. Bo andólé byò pe botólélé ngò la byò. ³ La mitó omoyi aka uhólá onú likitá limoyi po e byò, onú bo oko béka: ''Kóló ebayi la bolòngi bo ibó, pe ahò mitó e oko tómélé ngò byò la onú.'' ⁴ Sikanè yò i oko kélámá ainè inè ité békáná la monwá u polofeta ikokesamè. Yè été béka ⁵ Békélá yéongá yé Sioni, lita, Kumi elahò elwá ngwahò, ebayi mitó o haî pe eyélá likóló li likáló, yèlèngèla ya likáló, linúkú li likáló li liháli. ⁶ Bayekoli bakakia pe baka kélá kùnè été aesáká Yezu bô metsindó. ⁷ Bayekoli baka lwá la likáló pe la yèlèngèla ye likáló pe baka liká bô la túlú yaibó likóló li byò, pe Yezu aka yálá likóló li túlú. ⁸ Linzi li mòlòkò u baitó baka tándá túlú yaibó a ndólé pe basiáká baka téná bambámbú ba mété pe baka tándá byò likóló li ndólé. ⁹ Mòlòkò u baitó banè bété yéláká félo e Yezu pe la banè bé mo ôngá yè bété boambi la mehúyi: ''Ozana ngi móngó o Dawidi! Ahámbólamè yè anò eluyi kwá liná li Kóló! Ozana ngú anò e étéli bolili!'' ¹⁰ Anè eka hólá Yezu momolo e Yeluzaleme, baitó ba lohia ló mbawu baka kamwa pe baka beka: ''Anò ebayi ndá?'' ¹¹ Mòlòkò u baitó baka béka: ''Yè ebayi Yezu polofeta u lohia lo Nazaleta u móki u Galilea.'' ¹² Yezuaka hólá momolo e tepelo e Mongalima. Yezu aka tsáká baitó ngia banè bété biáká botámbi pe bokóli momooo e tepelo, aka filingánésá ba meza i basombánèsi bakonda pe la bakèka i batámbi bibéngá. ¹³ Yezu aka bekelá bô: ''Ikomámi ainè mbèlè ela e oko étákémá mbèlè e losámbó, kasi onú boka léngésá yò lihúmbó li baitó ba bwibá.'' ¹⁴ Baitó ba bofá pe la bibosono baka ya fila ngu Yezu momolo e tepelo. Pe aka umésá bô. ¹⁵ Kasi anè aka ènà bakumi ba mupe pe la bakomi ba mébékó likamwisi linè lité kélá yè, pe anè été okoká bô balèngèlà bokumèsi momolo e témpélô pe bobéki: ''Hozáná Monà o Dawidi''. baka kwá la bwángô makasi. ¹⁶ Baka mo békela yè: ''Oká okoká kunè e béká bô?’' Yezu aka békélá bô: ''Eeh, kasi onú botsi té tángá:''Yeolô yé bihúlú bi linúkú pe li yèlèngèlà bo lèngèlàni po e bo kumèsi?'' ¹⁷ Sikanè Yezu aka ôkôwá ahò pe aka tswá momolo o yéngumbâ ye Bétània pe aka etésá botsiô ahò. ¹⁸ Sikanè à kómbé kunè été káléngá Yezu múkú u yengumbà, aka okoká sémbá. ¹⁹ Bo èni móté u fîgî unè u émàli kele-kele e ndólé, aka ya filá múkù ùmoli pe etsi ukoli sô yéma sókó kásî. Aka békélá wô moté: ''Itsi oko ótáná aitútá húma à unè moté''. pe mbala èmoi kási i moté u figi uka omélá. ²⁰ Anè aka èná bayekoli kóyó baka kámwá pe baka béka: ''Endeyi kindá eká ômélá kási i moté u figi mbala emoyi?''. ²¹ Yezu aka inésélá bô pe aka béka: ''Ko sòlò Ngò le békélá onú inè, là onú bobayi la bo inóli pe là botsi isá móngá, bokoki bo békéli yô itsikóló: ''Indoáámá ahò pe ya filingà momolo e libángé li mokwâ'', pe i oko kèlànà. ²² ''Inè ngia i lóngà onú katsi e losámbô, bo oko ukolà''. ²³ Anè aka hólá Yezu momolo e tempélô, pe yénina ye tèya yè, banganga ba Mongalima pe la méohóló me baitó baka lwá bo mo békéli: ''La endei nguya e kéla oyè binè bima, pe ndá été mo aesà oyè emoli nguyá? ²⁴ Yezu aka inésélá bô pe aka békà: ''Ngô ngá aesá pe onú mótúná umoyi; pe la boká yanolé ngô, ngô le oko békélá onú la endeyi nguyá e kélé ngô byo bimà''. ²⁵ Batisimo ba Yoane kohé eluyi lyô? bó likóló tô ngú baitó? Kasi baka bándá bo kanési momolo eibó, la toká yánólá: ''i likóló, e oko toko békélá: ''Po embi kahé itsi té mo yambáká onú yè?'' ²⁶ Pe la toká yanolá: ''Ngú baitó, to bángá linè lindji li baitó, bô ngia besili Yoane ainè omoyi o mosumbambóli''. ²⁷ Mbusè emoli baka yanólá Yezu: ''Totsi lémbéli''. Yè pe aka békélá bô a elahè mbàlà: ''Ngo pe ndji lémbéli, ndji oko békéla onú la endeyi nguyá ekélé ngô byo bimà''. ²⁸ Kasi yao kindá e kanesi onú? Mitó omoyi été biaká la bana bahè baélé ba balómé, aka kia ngú anò o féló, aka béka: ''Monà owá, kiáká bonôombé bosáli à yehwà yeha yé vinyo''. ²⁹ Aka yanólà: ''Ndji kundji'', kasi mbusè, aka léngésá bakanési, pe aka kia. ³⁰ Aka aesà osiáká, aka mo békélá kindá ko emoyi. Pe aho monà o olómé aka yànolà: ''le oko kia, kúmi''. Pe etsi keyi. ³¹ Nda momolo eibo baélé aka kélá bokundji bo isé? Baka yanóla: ''o féló-féló''. Pe Yesu aka békélá bô: ''Nga békélá onú la bosémbó, bakòngòli ba pákô pe la ba ndúmbá be oko étélá onú féló à kèkà e Mongalima. ³² Po inè Yoane e luyi ngu ainó la ndólé e bosémbó, pe onú botsi mo yambi yè. Kasi bakòngòli ba pákó pe la bandúmbá bété mo yambà. pe onú bóté ènáká kóyó, botsi léngési métémà po e bo mo yambi. ³³ Bo okòkè lisiáká yèkwè. Ité biáká omoyi mitó, manginè o mbèlè, aka ônà yehwa yé vinyo. Aka lingá lô la lóbálá aka tsá yehámoli aelo, pe aka fúká linòngi, pe aka tsiká ngú basáli ba yehwa ye vinyo. Sikanè aka kiá à môki usiáká. ³⁴ Yenina ye bo búni yeka umànà, aka tómá basáli bahè ngú ba ôni ba vinyo, po e bobúni mbótó i yehua ye ahè yé vinyo. ³⁵ Basáli ba yehwa yé vinyo, baka mbwá basáléli, baka ófä omoyi, baka óláká osiáká, pe baka ófá anò o basásò bamukèli. ³⁶ Aka tómá kwa inginá basiáká basáléli, lindji bo étéli banè ba féló; pe basáli ba yeh,a ye vinyo baka kélá bô ndéngé ko emoyi; ³⁷ Suka, aka tómá mona owahè ngu aibó, la bobéki: ''Be okobiá la bótósi po e mona owá''. ³⁸ Kasi yénina yeka èná basáli ba yehwa ye vinyo mônà, baka békéláná bô manginè: ''Bo lité mokitáni u bomèngò; lwa-ni, to mo ólákè, pe to tsánganè la bomèngo bo ahè''. ³⁹ Pe baka mo mbwá, baka mo filingá kele kele e yehwa ye vinyo, pe baka mo ólákà. ⁴⁰ Sikanè, anè aka lwa manginè o yehwa ye vinyo, mbi i oko kélá yè la bô basáli ba yehwa ye vinyo?'' ⁴¹ Baka mo aesá yeyànó: ''E oko féngésá bô baitó babitàkè la yétóki, pe e oko aesá yehwa ye vino la basiáká basáli, banè be oko mo aesá ombé litómbá yéniná ye bo búni''. ⁴² Yezu aka békélá bô: ''Botsi tángi átá pèeni bakomi: ''Limúkéli liká filingá bafúki ba mbèlè lika bya yéma ye litómbá. Linè li bayi mwátsi u Kóló eluyi lyô. Pe litsi bayi likámwèsi limoyi po e baiso ba isó?'' ⁴³ Tsiná émóli, nga békélá onú, bokumi bo Mongálimá boko luhánélá onú, pe boko aesamélá ngu yemoyi yékóló yènè yé tusésá huma. ⁴⁴ Anò ngia e oko kwá à likóló limoli limukéli e oko bunéya, pe anò e oko kwèlá lyo limukéli e oko tsángánà. ⁴⁵ Mbuse e bo okoki byô bikwè ba nganga nzámbe pe la ba falisaya baka tòngòla inè po e ibó ndé été biáká Yezu bo békéli. ⁴⁶ pe baka pàlà ainè ba mo mbwé kasi bété biáká be bángá lindji li baitó, po inè bété mo siláká ainè mosákóli.