¹ Sikane bamoi bafalisayo pe bakomi ba mebeko bakalua múkú u Yelusaleme kele kele e Yesu pe baka beka: ² ''Po e mbi ebuna bayekoli baho mebeko me mehóló? po betsi soha ndálá, ane elia bô bima''. ³ Aka ulesela bô: ''onu, pe, po e mbi e búna onu mebeko me Mongalima la tsina e bokonko bwa ino?'' ⁴ Po Mongalima été beka: ''Kumesa ato la anohe''; pe: ''Ano e humaká ise la inená, e oko úkola yetumbu ye lokôo. ⁵ Kasi onu, bo beka: ''Ano e oko bekela ise la inená: ''ine ikokaki ngo bo sungi oye ibai likabö li Mongalima, etsi bai la bokumesi po e ise owahe simi ko po e inená owahe''. ⁶ aho mito étsi bai la kamo e botósi ise, ''ibai lôo kindá e limaka onu sikane liloba li Mongalima bo étéli mebeko me aino''. ⁷ Baito be lumbi bosembo, Isaya été sakolelaka onu, tango ene ebeki ye: ⁸ ''Baito bane bekumese ngo la bihúlú, kasi météma me aibo mebayi yesika la ngo. ⁹ Bekumesi ngo bokundá, beteya mebeko me aibo aine ine iyali mebeko me baito''. ¹⁰ Sikane aka etaka moloko u baito kelekele elahe matuke pe aka bekela bô: ''Okoka, pe sosola_ ¹¹ Itsibayi ine i hóla a monwa i mbengesa mito; kasi ine itswà a monwa, ine i mbengesa mito''. ¹² Sikane bayekoli bahe baka ya fila, pe baka bekela Yezu: ''Olembeli 'te ine bafalisayo baka tungisama la bahoyi bane baka okoka bô?'' ¹³ Aka inesa pe aka bekela bô: ''mbótó ngia ine itsi hóni Aha o likolo iko bunànà. ¹⁴ Mina bô: be bayi baito ba bofa beyelesa baito ba bofa; la mito bofa eyelesa mwinina o ahe bofa, bônngia baélé be okokwa a liáná''. ¹⁵ Petelo, aka sila a liloba, aka beka: ''to limbolela osu yo yekwe''. ¹⁶ Pe Yesu aka beka: ''Unu, pe botsi bayi la weli botsi sosoli? ¹⁷ Ine i hóla a monua ikia a sòlò, mbuse i filinganá a tosikani to itami? ¹⁸ Kasi ine itswa a monua i lua momolo e motéma, pe imoli i mbéngesa mitó. ¹⁹ Po ine i motéma i lua makanesi mbéembé, bo ôlakani, boseka, bwiba, témo i isuma, pe songi songi. ²⁰ Lita bina bine bi mbéngesa mito kasi boleyi so ine o sowe bafindzi itsi mbéngesa mitó''. ²¹ Yesu, aka okoa aelo, akatsila lohia lo Tyr pe lo Sidoni. ²² Pe ena mona o wali u moki u Kanana eta lua aelo, la bohami: ''Okokele ngo bowawa, Nkolo, Mona o Dawidi! yeonga yeha ebayi la melimo me mbe bofela. ²³ Kasi Yezu etsi mo ineseli yema, pe bayekoli bahe baka ya fila nguahe, pe baka mo ôndela bofela: ''Mo sesà, po ine e háma mehuyi mbuse e iso''. ²⁴ Kasi Yezu aka beka: ''Nzi luyi po e mitó ngia oko fesa sanga po ine ba kondolo i yelombo ye Israyele itsi unge''. ²⁵ Kasi aka lua bo ya imbami felo e lahe, la bobeki: ''Nkóló, osunge ngo!'' ²⁶ Aka beka: ''Itsi bayi wali o bosili tofoe to banuku po e bofilingeli ba mbwá''. ²⁷ Aka beka: ''Kooyo, Nkóló, kasi bana ba mbwá belia sanga yene yefilingana likolo li mesa me kumi e lahe. ²⁸ Kasi Yesu aka mo bekela: ''Mohali, bo inoli bo aho bobayi bofulaku: ''i kelame ko yene ekundji oye. Pe, ko emoli ngonga, yeonga ye yô mohali aka uma. ²⁹ Yezu aka okoa isikani imoli, pe akakia kelekele e liange li mokwa li Galilea. Aka lilá likolo li yetsikoló pe aka yalá aho. ³⁰ Mòlòkò ofulaku u baito baka ya fila nguahe. Baka mo tolela baito bane beyali bibosono, la ba biketa, la baofa, la bibubu, pe la bane beyali la basiaka bofela bo botatsi. Baka mo isela seese e mekele me ahe pe aka ba umesa. ³¹ La kinda ene eka nangelesa baito ane eka ená bô aine bibubu bi beka, bibosono beyela, biketa bika uma, pe baka kumesa Mongalima u Israyele. ³² Mbuse, Yezu mbuse aka etaka bayekoli bahe kelekele elahe pe aka beka: ''Lebayi la bowaowa po ene baitó; po ine baóse basaso beyali kelekele ela, pe betsi bayi la yema ye boleyi. Ndji kundji botsaki bô la sembá, po ine le bangi ine lokulu luaibó lo fwele a ndólé. ³³ Kasi bayekoli bahe baka mo bekela: ''Kohe ekoki osu bo ukoli tofoé po e bo lialesi une môlokô u lindji li baitó ane ibai isikani i yeliki? ³⁴ Yesu aka uholá bô: ''Bobai la tofoe toengà la ino?'' mbai-twélé la to sweswe, eka inola bô. ³⁵ Sikane aka yalesa môlokô u lindji li baitó a mbú. ³⁶ Aka silá tofoé mbayi-twélé pe la swe, pe mbuse e botondi, aka buna buna tofoé aka aesá ngi bayekoli. Bayekoli baka fakelá baitó ³⁷ Baitó ngia baka lia pe baka nangela. Sikane baka sanganesà bisaka mbayi-twélé biliali bi bitsiká. ³⁸ Bane bété liaká bio bima bété yalaká motángo u balóme nkoto mekeleka, oko fesa baháli la balengela. ³⁹ Sikane Yezu aka tsáká baito pe aka lilá momolo e watò pe aka kia múkú u moki u Magdani.