¹ Ba Falisaya pe ba Saduseyo baka ya fila ngi Yezu pe, po e bo mo meki baka molonga a engesi bô yélémbó yemoyi ye lui múkú u lôola. 2 Yezu aka ba inesela: ''A likose, bo beka: i okoyalá wali, po ine lôola lo hámi, ³ Ane iká tswá kombé, onu bobeka,: ''Yekumbaki, ye okoyalà bonôombe, po ine lôola lobayi lo hámákè pe la ndjima''. Bolembeli bo minoli ene kindá ebai lôola, pe botsi koká bo minoli bilembó bi yelekó. ⁴ Molenga u kandja pe i yeteba belongá likamwisi; itsi koka bo aesani usiaka likamwisi soko line li Yonasi. Mbuse aka ba mina, pe aka kia. ⁵ Ane aka tenesá Bayekoli mbálé e mbóngó, bété lendanesá bosili tofoé. ⁶ Yesu aka ba bekela bô: ''Boya lowaélé wali po e kusu e bofulesi motèkè i ba Falisaya pe i ba Saduseyo. ⁷ Bayekoli baka kanesa katsi e bô matukè, pe baka bekana: ''Ibai po ine to tsi sili tofoé''. ⁸ Yesu, la bolembeli ine i pomela bô pe aka beka: ''Onu baito ba bo inoli bokekeli, po e tsina e mbi i kanisa onu matukè pe i bekela onu ine ibai po ene tsina itsi sili onu tofoé?'' ⁹ Botsi yali a weli, pe botsi ya kanesa ine tofoé hôomoyi i baito koto hôomoyi pe bikuli bienga isili onu? ¹⁰ atâ tofoé to mbai-twélé i baitó koto mekeleka pe bisaka bienga isili onu. ¹¹ Yaô kindá etsi tongolá onu ine etsi bayi likita li tofoé nde i bekélé ngo onu? Boya lowaélé la kusu e bofulesi tofoé li ba Falisaya pe li ba Saduseyo. ¹² Ko amo baka sosolá ine itsi bayi po e kúsú e bofulesi tofoé ndé i bekaki yee po e boya lowaéli, kasi mateya i ba Falisaya pe i ba Saduseyo. ¹³ Yesu la botsui a mbú e Sesale i Filipo, été ohulaká bayekoli bahe: ''Ndá e bekelá baito kwine ebayi ngo Mona o mitó? ¹⁴ Baka inesà: ''Ba moyi be beka ine obayi Yoane Mobatisi, basiaká, Elia; basiaká, Yélémi, tô omoyi u ba polofeta. ¹⁵ Pe onu, aka bekela yee bô, bo beka nda ebai ngo? ¹⁶ Simoni Petelo aka inesà: ''Oye obayi Klisito, Mona o Mongalima u bo umake''. ¹⁷ Yesu, la bosili lioyi, aka beka: ''O hámbolame, Simoni, móngó o Yonasi; po ine itsi bayi monyo la ngelo ndé ika lembelesá oye yoo mbéko, kasi ibayi Ahá owa ano eyali Likóló. ¹⁸ pe ngo, nga mo békéla ine obayi Petelo, pe té likolo li lyo limukeli le oko fuká Ekelesia yeha, pe ine mèsèla me boyali i bawei bitsi okoyala la bokumi po elahe. ¹⁹ Le oko mo aesa ombé mafungola i keka o Likóló: ''Ine i oko nangá ombe oye séesé, i oko nangemá o Likóló, pe ine oko andolá ombé oye séesé, i oko andolamá o Likóló''. ²⁰ Kwamo, aka longá bayekoli batsi bekélé mitó ine ebayi Klisito. ²¹ Bo bandi aho Yesu aka bándá bo lembélési bapostolu bahe ine ekokaki ine 'te ake a Yelusaleme, e oko ena pasi bofela ngi ba mehóló, ba kumi ba nganga pe bakomi ba mébéko, bo mo aesi yetumbu ye bowô, pe e oko sekwá mbuse e baóse basaso. ²² Petelo la bo mo sili pembeni, aka bandá bo mo angoeli, pe aka beka: ''La itsi nangelesa Mongalima, Kóló! yô mbékó itsi oko mo tsuéla''. ²³ Kasi Yesu, la bo ulesi, aka békéla Petelo: ''Mbuse elá Satana! Oye oka iséesa boyambi boha; po ine bakanisi baho betsi yali bakanisi ba Mongalima, kasi i baitó''. ²⁴ Kwamo Yesu aka beka la bayekoli ba ahe: ''La mitó omoyi ekundji bo luyi mbuse elá, aya tsike yee mangineke, a tole ekulusu yelahe, pe a bile ngo. ²⁵ Po ine ano e oko kunda bo umesi bomoyi bo ahe eko ya ungesa, kasi ano e oko ungesa po elà, e oko ukola. ²⁶ Pe litombá li mbi li ukolá mitó la bo ukoli mwanó ngia, la aka ungesá molimo uwahe? tô mbi i okoki mitó bo aesi la bosombotanesi la molimo uwahe? ²⁷ Po ine Mona o mitó ekoki boluyi la kembo e Ise, la ba anzelu bahe. Pe e oko aesa mbáno ngi mitó la mitó yene ye keli yee. ²⁸ Nga bekelá onu la bosembo, bamoyi bane beyali ane, betsi oko wa, la betsi eni Mona o mitó bolui la kekà elahe e nkembó.