¹ Twahocha buni lukine ite Abrahaamu,ishito kwe jinsi yee lokoba,washi kopatikana? ² Kwe maana ite Abrahamu washi kobalekebwa wasambo kwe matendo,otaabe nee sababu yee kojeseka,ite kuushi kombala kwe Firinyambe. ³ Bobo maandiko yashi kohocha buni?Abrahamu obe komo amini Firinyambe,nee kobalekebwa kwaake kole sambo" ⁴ Bobo kwe mondo okaketa molemo,malepo yaake etashi kobalekebwa ite nee neema,bali ite nee denii. ⁵ Ite kwe mondo otashi komo amini awe obe kobalekebwa sambo otashi kohoba mokachi imani yaake mondo ona yashi kobalekebwa kole sambo. ⁶ Daudi pia washi kokoha baraka iyolo yee mondo ite Firinyambe washi kobalekebwa sambo kuushi matendo. ⁷ Obe kohocha bashi kobarikiwa badya ite mabee yaabo yashi kosamewa nee ite dhambi yaabo yashi kobwekelebwa. ⁸ Washi kobarikiwa mondo onaa odya bwana obee komobaleka dhambi. ⁹ Bobo buni baraka ena nee kwe badya balekotahiriwa tu,naane pia kwe badya batashi kotahiriwa?kwe maana tobee kohocha,"kwe Abrahamu imani yaake yabe kosobolelwa kole nee sambo" ¹⁰ Badya yabe kosobolelwa buni basi?wakati,Abrahamu obee kolee tohasa,naane kombala ndabe kotahiriwa?etashi kole kotahiriwa,bali kole kotashi kotahiriwa. ¹¹ Abrahamu obe kopokela alama yee kotahiriwa.Ona obe muhuri ee edya sambo yee imani obele nayoo tayari kombala ndabe kotahiriwa.Kohola kwe ishara enaa nee bodya obe koketebwa kobaa isake we baase bashi kohetaboka,naane ite bale kole kotashi kotahiriwa.Enaele nee maana ite sambo etebe kosobolebwa kwaabo. V 12 Ena pia ebe komainisha ite Abrahamu obe koketebwa isake wee tohara kuushi ko badya bashi koholela nee tohara,balipia badya bashi kolonda maholo yee isake wiito Abrahamu.Nee ena nee imani obeele nayo kwe batashi kotahiriwa. ¹³ Kwe bobo etashi kwe sambo ite ahadi yabee kotolewa kwe Abrahamu nee hibota yaake,ahadi ena yee bobo batabee warithi we mosenge.Etashi ebe kohetela sambo yee imani. ¹⁴ Kwe maana kwe bobo ite badya bale ne sambo nee warithi imani,etee botaka,nee ahadi yashi kobadeleleka. ¹⁵ Kwe sababu sambu sambo etabese kadhabu,Naane adya nee kuushi sambo,nahako kuushi kotashi kutii. ¹⁶ Kwe sababu ena lele koholela kwe imani,ite yaabe kwe neema.;Maholelo maake,ahadi nee koheta kwe iboota yiise.Nee babe koboteka eba kuushi badya babe kocheba samba,nee badya nee bee imani yee Abrahamu.Kwe bobo awe nee ishito wiito bahatu baase. ¹⁷ Bodya yaabe koandekwe,Nashi kokoeketa awe obee isabo we mataifa mawelele"Abrahamu obee kole uwepo we odya obe komoetaboka,yaani Firinyambe ole komohabela baakuu bushima nee kohiitana myanda ena itashi ite yaahobe kohobaa. ¹⁸ Licha yee adii yiise yee anje,Abrahamu kwe ujasiri obe komoetaboka Firnyambe kwe lusu lotahabee.Bodya ota esabo wee mataifa mawelele,kohetela nee kedya kyaba kotendwa" ¹⁹ Awe ndebe dhaifu kole imani.Abrahamu obe kohetaboka itr lokoba bwake mweene lwashi kokwa obele nee umuri wee karibu miakaa meya emoosa.Nawe obe kuunguchwa nee hali yee kokwa nee ikundu dye sara. ²⁰ Bodya kwe sababu yee ahadi yee Firinyambe,Abrahamu ndabe koshita kole kotashi koitaboka,Awee oketebwe bokome kole imani nee komoseke Firinyambe. ²¹ Obele mokocheba boaachi kwe bobo kedya kele Firinyambe obe kobalaha,obe nawe nee bokomebwee kokikamilisha. ²² Kwe bobo ena nayo yaabe kobalekebwa kwaake koba nee sambo. ²³ Bobo iishikoandikekwa tu kwe faida yaake,ite yaabe kobalekebwa kwaake. ²⁴ Yaabe koandikekwa kwe ajili yiito naayo,kwe babe kobekebwa kobalekebwa,baatutole koetaboka kole awe obe komofofola bwana wiito Yesu kohola kwe baaku. ²⁵ Ona nee odya obe koholebwa kwe ajili yee makosa yiito nee kofofolebwa ite tokonje kobalekebwa sambo.