¹ Kwe bobo bwashi kobalekebwa sambo kwe mjela ye imani,tole nee amani nee Firinyambe kwe mjela yee bwana wiito Yesu Kristo. ² Kohelela awe baatu naane tole nee fursa kwe njela yee imani kole neema ena ele monda mwaake twashi kuimana.Tole nee kyanya kole ujasiri otwabele Firinyambe kwe ajili yee komongo,ujasiri weena totabe amoosa kole ulukufu we Firinyambe. ³ Kuimana ena tu,na bobo tole nee kyanya kole makomo yiito.twashi kocheba ite makomo yashi kobota uvumilivu. ⁴ Uvumilivu washi kobota kohetakwa nee kohetabokwa washi kobola ujasiri kwe ajili yee komongo. ⁵ Ujasiri ona uushi wee koleka tamaa kwe sababu washi komwangwaa kole mutema yiito kohetela motema mwaachi,obe kohochebwa kwiito. ⁶ Ko tobele kobaa tole tu dhrifu,kwe wakati muafaka Kristo obe kokwa kwe ajili yee babee. ⁷ Kwe bobo etabee makomo omoosa kokwa kwee ajili yee ole nee sambo.Ena nee ite bobo,kukine mondo obele kothubutu kokwa kwe ajili yee mondo mwaachi. ⁸ Ite bodya Firinyambe washi koakikisha kokondana kwaake mweene Kristo,kwe sababu washiti tobehele tole nee dhambi,kristo obe kokwa kwe ajili yiito. ⁹ Kushila kohela mase,bobo kwe bodya twabalekebwa sambo kwe maashi yaake mtotaokolebwe kwe bobo kohole kobe Gdhabu ye Firinyambe. ¹⁰ Kwe bobo,ite bodya wakati tobee maadui,tobe kokumbakanyeshebwa nee Firinyambe kwe njela yee loko.Lwe mwana waake,koheta saana kombala twashi kopatanishwa tota okolewa kwe maisha yaake. ¹¹ Kuushi bodya,bali naane tole nee kyanya kole Firinyambe kohetela bwana Yesu kristo,kohetela awee obe naani twashi kokonja kokumbakanya onaa. ¹² Kwe enaa basi,ite kohetela mondo omoosa dhambi ebe koengela mu kibalu,kwe njela ena loko lobe kuingela kwe njela yee dhambi.Nee lokolwashi komwangala kwe bando baase kwe sababu baase babe koketa dhambi. ¹³ Kwe ena hadi sambo,dhambi ebeele mu kibabu,bobo dhambi etashi kobalekwa wakati kuushi sambo. ¹⁴ Naane bodya,loko lobe kotawala kohola Adamu hadi Musa,naane iyolo yee badya nde batashi koketa dhambi ite kotashi kutii kwe Adamu,ole nii mufano wee awe otabaake. ¹⁵ Naane bodya,zawadi yee botaka kuushi makosa.Kwe bodya ite bobo kwe makosa yee omoosa bawelele bale kokwa,koheta saana neema yee Firinyambe neezawadi kwe neema yee mondo omoosa Yesu Kristo,yashikowesa koongezweka kwe kristo ¹⁶ Kwe bobo zawadi iishi ite maholelo yee odya obe koketa dhambi.Kwe bobo kiunda mbanga ikinee,hukumu yee adhabu yaabe kobaka kwe sababu yee kosa yee mondoomoosa.Kwe bobo mbanga ikine,kipawa kye botaka kebe kohola kobalekwa sambo ke behela kombala yee makosa mwelele. ¹⁷ Kwe bodya,ite kwe kosa yee omoosa,lokolobe kotawala kohelela omoosa koheta saana bodya balle bala pokele neema chiwelele amosa nee kipawa kye sambo baka tawale kohetela maisha yee omosa Yesu Kristo. ¹⁸ Kwe bobo,ite kohetela kosa emoosa bando baase bale kobaka kole hukumu,ite kohetela tendo emoose yee smbo kobe kobaka kobalekebwa sambo yee maisha kwe bando baase. ¹⁹ Kwe bobo ite kohetela kotashi kutii kwe mondo amoosa bawelele babe koketwa dhambi, bobo kohetela utii wee omoosa bawelele bataketwe bale nee sambo. ²⁰ Ite sambo ebe kuingela amoosa,ite bodya kosa lebe kobana.Adya ibowa ebee dhambi yabe kowelela,neema ebe kohongezeka naane koheta. ²¹ Enaebe koholela ite bodya,ite dhambi ebe kotawala kole loko,bodya naane neema etaabe kotawala kohetela sambo kwe ajili yee maisha yee lusu loose kohetela Yesu Kristo bwaana wiito.