¹ Kushila nee faida inii obe nayo myaudi?nee faida yee tohara nee bikyee? ² Nee buachi sana kokela nyela.Awali yee bise,wayaudi babe kobaabela ufamo kohola kwe Firinyambe. ³ Bodya,itabe buni kole mayaudi batashi nee imani?buni,kotashiko amini kwabo kotaketwe uaminifu wee Firinyambe koba botaka? ⁴ La hasha.komongo kwake,leka Firinyambe omoneke koba nee ukweli,naanee ite kela mondo ole nee maanu ite elebodya yashi koandekwa,kwe bobo ndo kohobe komoneka koba mweene nee sambo kole myanda yao,nee ndokohobe koheta kohengela ako kole hukumu. ⁵ Bobo ite uovu wiito washi komonesa sambo yee Firinyambe,tohoche buni?Firinyambe ndashi moyange kwe kohola ghadhabu yaake,buni elee bodya?nashi koongela koholana nee mantike yee bando kalonga ⁶ La hasha!naa buni lukine Firinyambe ota hukumu mosenge. ⁷ Ire itaabe buachi yee Firinyambe kohetela ajili yaake,kwe bikyee nole bango moko okomewa bole ole nee f]dhambi? ⁸ Kwe bikyee totaashi kohochabwe baadya bobe kusingitishwa ite twashi kohocha"?Hukumu iyolo yaabo nee yee sambo. ⁹ Na biikye lukini?twashi kujitetea baatu beene?kuushi bodya.Baatu toletayari koba shutumu wayaudi nee wayaunani baase amoosa,kwe ite bale kohose yee dhambi. ¹⁰ Ena nee bodya yabe koandekwa:kuushi ole nee sambo,nane omoosa. ¹¹ Kuushi mondo ole kocheba.Kuushi mondo oleko molenga Firinyambe. ¹² Baase bashi kofululuka.Abo kwe aamosa bate kuushi maana.Kuushi okateche maachi ¹³ Molebo waabo nee kabolelele bohololo.Maleme maabo maashi koocha manu.Somo yee njeka yale ase yee melomo yaabo. ¹⁴ "Tonwa twaabo byashi kochekya laana machungu." ¹⁵ Maholo maabo male nee lobelo komwangoo maashi. ¹⁶ Kohoneka nee mokomoyale kole njela yaabo. ¹⁷ Bando eba banacheba njela yee amani. ¹⁸ Kuishi nee hofu yee Firinyambe kombala yee muuso yaabo. ¹⁹ Bobo twashi kochaba bodya kuuse sambo yaashi kohocha,kohocha nee baadya bale koose yee sambo.Ena nee ajili ite kela kanwa,kabunhwe,nee bobo bodya kebalu kiiseke obee komona masonyi kwe Firinyambe. ²⁰ Ena nee kwe sababu kuushi lokoba lotabee kobalekwe sambo kwe matendo yee sambo kombala yee miiso yaake.Kwe bobo koetala sambo koba ufahamu wee dhambi. ²¹ Ite bobo kotashi nee sambo,sambo yee Firinyambe yashi kochebekana.Yaabe kushuhudiwa nkwe sambonnee manabii. ²² Edya nee,sambo ye Firinyambe koetela imani kole Yesu Kristo kwe badya baase bashi koetaboka.Bobo kuushitofauti. ²³ Kwe bobo baase bashi koketa dhambi,nee kopongoke wa nee utukufu we Firinyambe. ²⁴ Bashi kobalekebwa sambo botaka kwe neema yaake kwe njela yee kokombolebwa ole kole kristo Yesu. ²⁵ Kwe bobo Firinyambe obe komohola Kristo Yesu obe upatamisho kwe njela ye imani kole maashi yaake.Ole komohola Kristo Yesu bodya ushahidi wee sambo yaake,kwe sababu yee keleka dhambi yabe koeta. ²⁶ Kole uvumilivu waake.Ena yiise yabe koholela ite komonesa sambo yaake wakati ona we naani.Ena ebe ite oobe kujithibitisha awe mweene koba sambo ,nee komonesa ite omobaleke sambo mondo woose kwe sababu yee imani kole Yesu. ²⁷ Kole kuni kojeseka?kwashi kotengwa.Kwe misingi inii?misingi yee matendo?kuushi,kwe bobo kwe misingi yee imani. ²⁸ Bobo twashi kotimiza ite mondo washi kobalekebwa sambo kwe imani kuushi matendo yee sambo. ²⁹ Bobo Firinyambe nee Firinyambe wee wayahudi tu?buni awee ndaashi Firinyambe wee bando be mataifa naabo?Na bobo,wee mataifa naabo, ³⁰ ite na bobo Firinyambe nee omoosa,ota babaleke sambo babe wa tohara kwe imani,nee batashi kochongolelebwa kwe njela yee imani. ³¹ Buni baatu twashi kobaderesha sambo kwe imani?La hasha!komongo yee ona,baatu twashiko ithibitisha sambo.