¹ Yesu nakomoa,mokoetanga omo mondo mbufu tangia koboteka. ² Banafunji nakomobochanga ulizo,tati,nani,waketa bwabea,ona mondo ao bamobota,indee olelangee mukungwa mbufu? ³ Yesu nakujibia:isi ite awe ao bandota baketa bwabea;bobo ne komoa ite myujiza cha filenyambe indee chimoeke,monda mwake. ⁴ Bitopasanga na ketange,bokee saa yee choba,myujiza che olya wa ndoma;butu bosoba;kusi mondo otatumekee. ⁵ Saa ekee meno momosenge,meno na mwangasa we masenge. ⁶ Asilange awe kochanga bolya,nakolalanga mata momateke,nakoketanga bitobo ne mata make kisha nakoendanga bya bitobo ne mata make ne kulisanga kumisho ma olya mbufu. ⁷ Nakomosa olelanga;yaka,ne nawa koloche lwa siloe{china letochandomwa}nakoyechanga kwa nawe,tena nakotakanga osomona bwachi. ⁸ Bjerani bake ne bekombaa kwake bamochebange bwe otoengea engea kobando nakochanga,ili ona wamonanga bae asee omokoengea? ⁹ Bamo nakochanga,nawe,bakine nakochanga,ndasi awe,lakini otofanana,awe mwene nakochanga nameno. ¹⁰ Nakomosa olelanga bobo boni miso mao mosoboloka? ¹¹ Nakochanga:mondo wahitamwa yesu mokoketanga bitobo,na kundisa kumisa,na konja olelanga:yaka komonga wa siloe,tena nawa,meno nakoyaka,indee nakufungua miso. ¹² Nakomosa olelanga,we koni olya mondo?nakocha,sitocheba. ¹³ Nakomoenda kobafarisayo olya wabechange mbufu. ¹⁴ Tena,ebechange lusu lwe sabato na yesu nakoketanga bitobo,tena nakumuchibolanga miso. ¹⁵ Lukine,mafarisayo nabo nakomobochanga boni bwafungula awe miso,awe nakochanga oketee bitobo naku ndisa kumiso,meno nakonawa,tena nakomona. ¹⁶ Nekoeke bamo bafarisayo nakochanga ona mondo ndatohola kwa filenyambe,kwe komona ndasi mokolola sabato bakine nakochanga boni mondo we bwabea otopashanga koketa makomo me kaseba?nakungwa kwibemba asamba abo. ¹⁷ Nakochanga lukine ne mbufu awe,otochanga boni juu yake,kobya kuchi bola awe miso?nakocha ne nabii. ¹⁸ Bayaudi ndeba ochanga lukine ite obechange mbufu lakini osomona,mupaka lwahitana abo bamobota. ¹⁹ Lukine nakobabocha,nakocha,ite ne mwana winu,motocha boni kobote ka kwake mbufu?na boni otomoa lukine? ²⁰ Bamobota nakocha toto chebanga ite ne mwana wito,tena waboteka mbufu; ²¹ Lakini boni botomona awe lukine,ne nani umufungue miso,na bitasi tocheba momoboche awe mwene wene kema,otaoche kubitomolola awe mwene. ²² Bamobota ndebaocha bilya kwekomona batenange bayaudi,kwe komonanga wayuda basilanga kungwa na ite mondo ndasumwi menya ite ne ulisitu,batamokone mokanisa. ²³ Na kokomona balya baiske wake nakochanga,ne monda we mwecho,momobochange awe. ²⁴ Kobobo turu ye pili na kumwitana olya mondo wabechange mbufu,nakomosa olelanga,mwabela filenyambe kememo bae totochebanga ite mondo ona ne wabea. ²⁵ Bobo olya mondo nakochanga,ite awe ne wabea ndacheba natocheba ikomo lemosa,ite meno nabechange mbufu ne bomo natekomona. ²⁶ Bobo nakomosa olea,okoketee eke?okobololee miso mieke namu na? ²⁷ Nakobasa olea,nasusia kobasa olea,bobo ndemwanungwa,boni botokonda banu kungwa banafunzi bake? ²⁸ Bobo nakomochanga,ne kocha,awe ne mwanafunji wake olya;bae twe banafunji bake musa. ²⁹ Bae totochebanga ite filenyambe waochange na musa,bobo olya tocheba otoholanga koni. ³⁰ Olya mondo nakocha,nakoba saolelanga,bibi ne kaseba!bobo banu mocheba kobakanga awe,awe nakumungua miso! ³¹ Totochebanga ite filenyambe ndatungwa bebwabea;bobo mondo ndasungwa ne utwiyaya kwa filenyambe,ne koketa bikondwa byake,otamungwange ona. ³² Tangia alya kunaungweka ite mondo usuchibola miso me mbufu,ite wabotekanga lea hali. ³³ Ingwa ona ndahola kwa filenyambe,ndanga oba koketanga mwanda ose ne ose. ³⁴ Nakumujibyanga,na komosa olelanga,toka!awe waboteka mobwabea bota,nawe otatufundese bae?nakomochanga anje. ³⁵ Yesu nakungwanga ite bamochanga anje;nawe amomonanga awe nakochanga,awe utwimenya mwana wa filenyambe? ³⁶ Nawe nakujibianga ne kochanga,ne nani,bwana,na olelee mukumwimenya? ³⁷ Yesu nakomosa olelanga,otomomona,nawe otochanga nao nawe. ³⁸ Nakochanga,natwimenya,bwana nakumwikea. ³⁹ Yesu nakochanga,meno nasobaka komosenge ona kwe kulipesa,ite balya batasi komona bamoe,nabo batomoa baungwe ubufu. ⁴⁰ Ketongo kye mafarisayo babechange amosa nake nakungwanga bibyo,nakomosa olelanga,boni!bae nako twe mbufu? ⁴¹ Yesu nakoba saolelanga,ingwa mungaungwa mbufu,munga ungwanga ne bwabea;kobobo basi motochanga,tomona;bobo bwabea bwinu busuchikana.