¹ Kweli,kweli,natobasa olelanga,olya otasi ndaka ingelange kumukinda we mufuki,ne osobanda banga ikine,we ngiba ne mosakachi. ² Bobo olya otaingele kumu kinda na muchungi we mekoko. ³ We kumukinda utumuchiboela,ne mekoko chutungwa chuchi lyake,otobaitananga komaina mabo mekoko chake mwene,tena ne kuchi ochanga anje. ⁴ Asilanga awe kuchiochanga mekoko anje chake chise anje,na koendanga kombala kwabo;ne mekoko na komofatanga kwe komonanga chitochobanga chuchi lyake. ⁵ Chikafatange otasi chichi eba nani omosa;bobo chitachoke njo nake,kwe komonanga chitochebanga mahuki matasi batocheba. ⁶ Yesu nakoba saolelanga kee kisimu,bobo ndebaungwa ekee bya ochange awe juu yabo. ⁷ Yesu nakoba saolelanga lukine:kweli,kweli,natoba saolelanga,meno na mukinda we mekoko. ⁸ Basee baiyambea kombala kwane basee ne ngiba ne bemocho;bobo mekoko ndeba baingwechanga. ⁹ Meno na mukinda ingwa omosa winu uswingela kwane,otaungwe okonja mwecho;otaingelange ne kolanga,ne otabangange maboa mekolesea mekoko. ¹⁰ Ngiba chitobaka ne kwaone,kuchinja ne kohonanga;meno,nabele kwe komona mekoko chikonje mwecho,tena mwecho wa bua. ¹¹ Meno ne muchungi mwachi muchungi mwachi otwananga mwecho juu ye mekoko chake. ¹² Mondo we kulipwa,ndasi muchungi,otasi mekoko chisi byendo byake,otomona mbwa ye chani esobakanga,ne kolekelanga mekoko ne kochokanga;ne imbwa ye chani esobakwata ne kobamwangasa. ¹³ Olya otochoka kokomonanga ne mondo we kulipwa;bobo myanda che mekoko chisi kelemo kwake. ¹⁴ Meno na muchungi mwachi;nabo bee bane natobachiba;nabo bee banga yane batonjeba meno; ¹⁵ Bwe bolya isane otonjeba,na meno botomochebanga isane meno nasochanga mwecho wane kwajili ye mekoko. ¹⁶ Ne mekoko chikine che nane,indee chitasi che ketango keke;ne bobo nabo etombasanga kobabesa;ne chuki lyane bata lyungwe;ne bobo kotaungwangange ketongo kemosa ne mchiungi omosa. ¹⁷ Nabo saa isane otongonda,kwe komonanga na sochanga mwecho wane kwe komona ndawendee lukine. ¹⁸ Kuusi mondo otando see,indee meno nasomocha mee mwene na meno menee mweche we komochanga,mene ne mweche we komwenda lukine ikomolelee nalekonja kwa isane wane. ¹⁹ Kwaingela lukine bisamboa asamba bayahudi,kwe kofatana ne mwecho chichi. ²⁰ Babula babo nakochanga wene lobe ona,tena wene kanaungwa;mbona mutumwi lungwecha? ²¹ Bakine nakochanga,makomo mama masi me mondo wene lobe boni!lobe lota obange kuchibolanga mbufu miso? ²² Bobo koko yerusalemu kobechange mukutamo we kememo,ne saa yee kiandji. ²³ Nawe yesu obechange mokoenda kokanisa,monda mwe ema ya sulemani. ²⁴ Bobo bayaudi nakomokombya,ne komosa olelanga,nani mebe saa otatusumbue metema chito?mee awe na klisitu,tosa olela kine kine. ²⁵ Yesu nakoba saolelanga,naba saolela,kobobo banu mutwimenya memo chichi che meno mokoketa ne kwe china la isane wane nachimukunjigeka. ²⁶ Kobobo banu mutwimenya,kwe komonanga musi komyingo che makoko chane. ²⁷ Mekoko chane chitungwa chuki lyane;na meno natobacheba,nabo bato nvata. ²⁸ Nameno motobabela mwecho we losee;nani bakachimbee atasi,nani kuusi mondo otabaochange asamba mesani chane. ²⁹ Isane wane wambecha abo ne mokolo koeta basee;nani kusi mondo otaobe kobaochanga asamba mesani cha isane wane. ³⁰ Meno na isane twe amosa. ³¹ Bobo bayaudi nakotoa mabwe lukine ite bamokomoe. ³² Yesu nakobasa olelanga,memo chachi chabula nasobangwecha,chitola kwa isane;kwe sababu ye memo ena monda mwayo mosondalela mabewe? ³³ Bayaudi nakomosa olela,kwe komonanga memo chachi ndetwa kokomoa mabewe,etasi kwe kupinga,ne kwe komona awe we mondo uswiketa awe mwene we filenyambe. ³⁴ Yesu nakobasa olela,nekee!ndebyande kwa monda mwe torati yinu itee,memo nasocha,banu na miungu? ³⁵ Ingwa wabaitana miungu balya basaidiwa ne ikomo lya filenyambe;{ne byande kwa bikaobe kosambao}; ³⁶ Eke!awe indee isake wamotokya,nakomotoma komosenge,banu motomosa olelanga,osocha bwabea;kwe komona naoche,meno ne mwana wa filenyambe? ³⁷ Ingwa saketa memo cha isane wane,munginenyaya; ³⁸ Kobobo nasoketa;nani motungimenya meno,mwimenya nani chia memo;mokonje kocheba ne kofahamu ite isane we monda mwane,na memo ne monda mwa isane. ³⁹ Nakolenga lukine komokwata;kobobo nakohola momesani chabo. ⁴⁰ Nakoyakanga byake lukine mbanga ye loche{yordani}mpaka iboa lea lyabechange yohana mukwinesa mbulu alya kombaa,nakuchikana kolya. ⁴¹ Ne bando babula nakomoyela,nakocha,yohana kwe kweli ndaketa ishara nani lemosa,kobobo bisee byaochange yohana monda mwe myanda chake ona bibechange kweli. ⁴² Nabo babula nakumwimenya kolya.