¹ Bobo yesu,masu motobakombala kwe pasaka,nakolelanga betania,iboa lyabechange lazaro,olya indee yesu nakomochekoa kotoka mobakwe. ² Nawe maria olya walisangee bwana ne marasi,ne kopangusanga medee chake ne sokee chake,awe olya mobotwanga nake lazaro wabechanga ne bilwale. ³ Kobobo babotwanga nake bana bakachi nakotoma ilongo kwake,nekocha bwana,tati,lola,awe olua otokondanga awe,we molwachi. ⁴ Saa yangwa yesu,nakochanga;bolwachi bobo busi bobokwa,kobobo kobolombe bwa filenyambe,kwekomona wa filenyambe be osekwee kwe ikomo lele. ⁵ Na yesu nakokondanga marata,ne mobotwa nake mwana mokachi,na lazaro. ⁶ Bobo,saa aungwa awe itee obechange molwachi,obechange kolya masuu mabele iboa lea. ⁷ Kobobo komongo nakobasaolelanga ndomwe chake toyechange lukine kolya yudea. ⁸ Ndomwa chake nakomosaolelanga,rabi,chini saa koeta bayuda balengae kukututanga kwe mabwe,nawe otolenganga koyechanga lukine kolya? ⁹ Yesu nakobasaolelanga etasi saa ikumi ne chibelee leno chobaa?ingwa mondo ndasoendaunga chobaa,ndatondoke,kwe komonanga omokomona mwangasa we mosenge ona. ¹⁰ Kobobo mondo ndasoendanga butu,otatondoke,kwekomonanga mwangasa usi monda mwakee. ¹¹ Nakochanga makomo mama;kisha nakobasa olelanga samba nito lazaro osokesanga kalo;kobobo nangayaka kwamobyosee. ¹² Bobo ndomwa nakomosa olelanga;bwana,ingwa okesa,otapone. ¹³ Kobobo yesu nakochanga juu yee kokwa kwake,kobobo abo nakuninga itee ochangee juu ye kupunzika monda mwe kao. ¹⁴ Bobo yesu nakobasa olelanga wazi wazi;lazaro osokwa. ¹⁵ Na mee natomema kwajili yinu kwekomonanga sabechanga kolya,mokonye kwimenya;kobobo toyechange kwake. ¹⁶ Bobo tomasi,utwitambwa mupacha,nakoba saolelanga banafunji banjinake;toyee bwebolya,tokwe nake amosa. ¹⁷ Bobo saa ya olelanga yesu,nakomobanga otee monda mwe kaburi masu manachi. ¹⁸ Ne betania obechange karibu ne yerusalema,ingwa bilometre bisato. ¹⁹ Ne bayahudi babwa babechange mokobakanga kwe marata me maria,kobaboka motema juu ye mobotwa nabo. ²⁰ Bobo marata,saa yaungwa awe ite,yesu osaba,nakoya kwa kumbakane nake;kobobo maria nakuchikona kondabo. ²¹ Bobo marata nakomosa olelanga yesu,tati,indee ungaungwa ana,mobotwa nane ndanga kwa. ²² Kobobo natocheba,nani chino saa esa elya etaengele awe filenyambe,filenyambe otakoeche. ²³ Yesu nakomosa olelanga;mobotwanga naho otachakoke. ²⁴ Marata nakomosa olelanga,natochebanga itee otochekokee monda mwe ufufuko we mwisho. ²⁵ Yesu nakomosa olelanga,meno ne bicheche kwa ne mwecho,awe olya osee otangimenye,nani okwa,otaishi. ²⁶ Ne kila mondo we mwecho me ndaungimenya meno ndakakwechange losee,utwimenya bino? ²⁷ Nakomosa olelanga,ndiyo,tati,natwimenya itee awe nawe kristo,mwana wa filenyambe,awe osobaka momosenge. ²⁸ Ne saa yasilange awe kochanga mianda chichi,nakoyanga byake,nakuitana mobotwa nake mwamokachi maria,kwe siri nekocha,mwalimu osobaka,ne utukwitana. ²⁹ Nawe saa ya ungwanga awe,nakotoka lobelo,nakoyakanga kwake. ³⁰ Nawe yesu obechangee ndanaingela mokolya bado,bobo obechange okee iboa lyabanga awe marata. ³¹ Bobo balya bayuda babechange amosa nake monda mwe ndabo,ne komwechapole,saa yamonanga namuna maria yaolanga awe lobelo,ne kotoka,ne komofatanga,ne kuninga itee osoyaka kokaburi olelee koa. ³² Bobo mariamu okolela awe alya obechanga yesu,na komomonanga,nakokela momendee chake,nakomosa olelanga,tati,indee ungaungwanga alya,mobotwanga nane ndangakwa. ³³ Bobo yesu amomonanga awe mokolela,ne balya bayahudi bamofatange nabomokolela,nakolela momotema na kobeleka momotema wake. ³⁴ Nakochanga,motomobeka koni?nakomosa olelanga,tati,baka bamona. ³⁵ Yesu nakolela misochi. ³⁶ Bobo bayahudi nakochanga,molole na muna yamokondanga awe. ³⁷ Bobo bakine asamba abonakocha,ekee!ona wafungulanga miso olya mbufu,ndaombanga komoketanga na ona ndakwechaya? ³⁸ Bobo yesu,hali mokolelela momotema wake,nakolelanga kobecha kobuni nalo lebechange ne lupanga,ne ibwe liobekwa monganda mwake. ³⁹ Yesu nakochanga,motase ibwe marata,dada wake olya wakwelee,nakomosa olelanga,tati,osokwa bono,bobo otee momatekee masuu monachi. ⁴⁰ Yesu nakomosa olelanga,meno sakosaolelanga itee ndwasichimenya otamone bolombe bwa filenyambe? ⁴¹ Bobo nakoliochanga lea ibwa yesu nakoendoa miso make iyolo,nakocha,tati,natokoseka kwe komona usumbungwa. ⁴² Namee nachebee itee awe utumbungwa kila lusuu;kobobo kwekomonanga itee mukutano ona otololanga abo naochange bibi,indee bakonje kwimenya itee nee awe wamdoma. ⁴³ Nawe asilange awe kochanga bolya,nakolelanga kwe chuki lekatala,lazaro,bakakono anje. ⁴⁴ Nakolanga anje olya wakwa,okakwa sanda komendee ne mesani,ne lokebo lwake lusichibwa kitambala nawe yesu nakobasa olelanga,mumufungwa,momolekelange oyee byake. ⁴⁵ Bobo babuwa asamba bayaudi babechange kwa mariamu,ne komonanga bilya byaketebwa,nakumwimenya. ⁴⁶ Kobolya bakini nakoyakanga byabo komofarisayo,nakomosa olelanga byaketanga yesu. ⁴⁷ Bobo bakolo be makuhani ne mafarisayo nakukumbakanya lobanja,nakochanga,tosoketa ekee?kwe komonanga mondo ona osoketanga ishara chabuwa. ⁴⁸ Twaomolekela bobo,bando basee batamwimenyee;ne barumi batabakee,batatotoselee iboa lito ne bando bito. ⁴⁹ Mondo omosa momiongo mwabo,kayafa,wabechange mwamee mokolo mwaka olya,nakobasa olelanga,banu motocheba ikomo lesee lea; ⁵⁰ Wala motowaza itee bitofaa mondo omosa okwee komafaa me bando,wala liangamiaya mosenge osee. ⁵¹ Ne ikomo lelee awe ndaliochanga komotema wakee;bobo kokomonanga obechange mwamee mokolo mwaka olya,nakotabirianga itee yesu otakwechange kwajile yemosenge ona. ⁵² Nani lisi kwajili lye mosenge ona tu,kobobo amosa ne bibi ukumbakanye bana ba filenyambe ba mwangala,indee baungwee amosa. ⁵³ Bobo tangia lusuu loa nakoketanga shauri lobanja lwe kumuchia. ⁵⁴ Kobobo yesu ndaenda lukine kwe komonekanga asamba bayahudi;bobo nakolanga koko,nakoyechanga iboa lee karibu ne kotasi kendo,ne mpaka asamba kalya kaitanibwa efraimu;nakuchikana kolya amosa ne ndomwa chake. ⁵⁵ Ne pasaka lee bayahudi lebechange liswisena;ne babuwa nakolanga kotokanga komasio koyechanga yerusalemu kisha pasaka,itee baisokoe ne bwabea. ⁵⁶ Bobo abo nakomwenganga yesu,nakochanga asamba abo indee baswimana mokanisa,motomonanga boni?indee kokomonanga ketokoyolo kekee? ⁵⁷ Ne bakolo be bamee ne mafarisayo babechangee mokochanga sharia yee itee mondo ndaocheba awe,obesee ilongo,itee bakonje komokwata.