¹ Masu motoba kombola kwe pasaka,yesu nakolelanga ko bethania,abechange lazaro,wachekoa awe asamba bakwe. ² Alya,nakomoecha bye kolya;martha nakomoecha,na lazaro wabechange amosa kobabechange komesa amosa nake. ³ Maria,nakoendanga kitabu ne marashi malumbange sawa me bei lyakoba,nakulisanga komendee cha yesu,tena na komopangusanga mende ne sokee chake;ne ndabo na kochekanga ne iluamba lye marashi. ⁴ Omo asamba banafunji,yuda iscariote,mwana wa simeoni,olya wayaasange komocha,nakocha. ⁵ Neke ndwasombye marashi mia chisato che makota,koko abalenga bamashimi? ⁶ Ochange bolya,isi ite waitecha iboa lye bamasikini,kwe komonanga wabechanga ngiba,ne lukine ,nakokwatanga msada,waendanga byatechibwa. ⁷ Bobo yesu nkocha:momolekele obechange marashi komasu me bisongochwa byane. ⁸ Mwene kila lusu bamasikini asamba banu,bobo ndemwabechayatu kila lusu. ⁹ Ketongo kekatala kye bayaudi nakungwa ite yesu obechange betania;bobo basee ne komoyela,atasi tu sababu yake,bobo nako kwe komonanga lazaro,wafufua awe asamba bakwee. ¹⁰ Nabo bakolo be makuhani nakoketanga shauri le kumuchia lazaro nawe; ¹¹ Kwekomona kwe sababu yake babula asamba bayaudi nakwisambola,nakwimenya yesu. ¹² Nalo lusu lwe pili yake bando babula nakobakanga kumbukutano nakungwa ite yesu osobaka yerusalemu. ¹³ Nakoendanga metaba che mitende,nakolanga anje koyaka kwe moyambilile,nakokomoa kaselembwe,hosana!nawe mobarikiwa otobaka mu china lya bwana{tati}mwanee we israeli! ¹⁴ Nawe yesu obechange osokonjanga mwana we ngamia,nakomobandea,indee bolya bwandekwange. ¹⁵ Ndekotena,moseka we sayuni,lola,mwamee wao otobaka,osobanda mwana we ngamia. ¹⁶ Mianda chichi banafunji bake ndebachebange alya kombala;kobobo yesu nakosekwa,indee nakukumbukanga itee byandekwa bibi,ne ite bamoketela bibi. ¹⁷ Bobo nakomoseka kelya ketokoyolo kebechange amosa nake amwitanange lazaro kohola kokobuni,nakomochekoa. ¹⁸ Ne kwe komonanga bobo mukutano nakoyaka kwa moseke,kwe komona basungwanga ite osoketa kaseba kalya. ¹⁹ Bobo mafarisayo nakochanga asamba abo,motomonanga ite etopasa mwanda osee;molole,mosenge omokoya komongo kwake. ²⁰ Abechange ne bayunani babula momionga mwe bando baisangya koyaka kwa hiyayele koketokoyolo. ²¹ Bobo baba bamoyela filipo,mondo we bethsaida le galilaya,nakumwiyayela,ne kochanga,bwana,bae totokonda komomona yesu. ²² Filipo nakoyaka,nakomosaolea yesu. ²³ Nawe yesu nakoba saolea nekocha,sao esoholea osekwe mwana we mondo. ²⁴ Imenya,imenya,natobasa olea,sango ye ngano letasi ndelyakea monda mwe mosenge,nakokwa,lituchikoma lea hali boa boa alyo ikesa,bobo lyasokwa letochanga me byalo chabwa. ²⁵ Awe otwikonda mwene momotema wake,otamosongoche;nawe otakone mwecho wake monda mwe mosenge ona otameponge nani mwecho we myombo.{losee}. ²⁶ Mondo ndasundu me kea,tena ovanto;na mee emeno,nee mocha wane otaungwange.Bobo mondo ndachundu me kea,isane otamoeshimie. ²⁷ Bobo motema wane osofa zaika;na mee naoche ekee?isane,mbokoa mondo mwe saa ena?kobobo ne kwe komonanga kwajili ye bibi byangolela saa ena. ²⁸ Tati,lehendoa china lyao,bobo nakobaka chuku kolanga kwiyoho,nasoleseka,na mee ndaleseke lukine. ²⁹ Bobo mukutano{ketokoyoo}wahimanga karibu nakungwa. ³⁰ Yesu nakocha,bisi ite sababu yane na lee chuki na koketa lyungweke;ne sababu yinu. ³¹ Kwe sasa haiboa lee koamuhela ona mosenge;sasa mwanee we mosenge otalalwe anje. ³² Na meno;ataungwe meno monganda mwe mateke,ndabolote bando basee kwe meno. ³³ Kwe kochanga bobo,na kwangwechanga lokee lokwa lotakwechange nake. ³⁴ Ketonga nakujibia:twaungwanga ke sheria ite klisitu otaishi lasee;boni sasa otochanga:etopasanga ite mwana we mondo wendwe iyolo?ni nani olya mwana we mondo? ³⁵ Yesu nakochanga:mwangasa oke kwe wakati muchinini katikati kinu mwende,saa eke banu ne mwanga,kwe komona ikunye lebasitohaya ata olya omokwenda monda mwe ikunye ndasi mokocheba kone kotoya awe. ³⁶ Saa ebanu ne mwanga,mwimenye olya mwanga,ite mungwe bana beolya mwanga yesu nakochanga bi byemo,kisha nakoyechanga,tena na kwisama njoho nabo. ³⁷ Nani myujiza cha bwacha ketanga awe amona nabo,ndeba mwimenyanga. ³⁸ Kwe komonanga bitimienyocha cha isaya,nabii,bya ochangee awe:filenyambe,waochanga bye mahubiri mito?tena kwe komonanga kobobo lyake filenyambe lyahendwanga iyolo? ³⁹ Bobo motopasanga kwimenya,kwe komonanga isaya waochange nawe. ⁴⁰ Wafunga miso mabo;tena nakokobya metema chabo,kwe komonanga bamohaya ne miso,tena babyungwaya ne motema,batubwaya,ite ndabaponesaya. ⁴¹ Isaya nakochaya bi byemo,amoa awe bolombe,tena waochanga juu yako. ⁴² Ne kobobo,nani asamba bakolo,babula bayechange kwake;bobo,kosababu lee mafarisayo,ndeba iketange batoke,monda mwe bobo bwekwikitwa mokanisa. ⁴³ Kwekomona bakondange bolombe bwa filenyambe. ⁴⁴ Bobo,yesu nakoendoa chuki:olya otangimenye wimenye,bitasi meno,lakini olya wandoma. ⁴⁵ Ne olya osomboa,osomoa olya wandoma. ⁴⁶ Nasobaka bwe mwanga monda mwe mosenge,kwe olya osee otangimenye meno ndasalanga mwikunye. ⁴⁷ Osee otahilungweche mwanda chanane kotasi komebeka,isi meno ota mwamue;kwe komonasabaka kwe kuhukumu mosenge,lakini kwe komoponya mosenge. ⁴⁸ Olya otandalee ne otasi ndakapokee myocha chane komwamuzi;myocha chaocha meno,chilya na chitamwamue lusu lwe mwisho. ⁴⁹ Bobo sitochanga ju yane mwene;bobo isane,wandoma,nakombandekea bita ochange meno ne kosa olelanga . ⁵⁰ Ne natochebanga sheria ne mwecho we myombo ne kwekomonanga byemo bitochanga meno,natubyocha bwanja olelanga isane