¹ Kombala kwe ketokoyoho kye pasaka,yesu,nakocheba ite lusu lwake ne saa bite kobaka kwe koeta komosenge kwa isake,ne kwe komona wa konda bando babechange momosenge,na kobakonda ne kobakumbakanya amosa kwe upendo wake. ² Saa ye kolya,bobo ite shetani wabechaya usia kotechanga monda mwe motema wa yuda iskarioti,mwana wa simoni,mawazo me komocha. ³ Yesu,wachebange ite isane wangabela byemo bise momesani chane,tena nahola kwa filenyambe,tena ne mokoya kwake filenyambe. ⁴ Na kwimana komeza,na kobota nguo chake,na koenda kitambala kyake na kwipangusa. ⁵ Bobo na kwitela mache monda mwe mbekete,na koanyanga konawa mendee che banafunji,ne kobapangusa ne kitambala kya ifungange awe. ⁶ Bobo nakoyakanga kwa simoni petelo,ona nakomosa olelanga,tati!awe otombangusa meno mendee? ⁷ Yesu nakomosa olenga,ne kochanga;bino bitoketanga meno ano ano ndocheba,kobobo otabichebe komongo. ⁸ Petelo nakomosa olenga:ndokasokole mendee chane ata,yesu nakomosa olelanga ite sakonawesa awe,wene shirika amosa nane. ⁹ Etasi meno petelo otamosa olelee:tati,etasi mendee chani ekesa,kobobo maboko mane ne motwe wane bwebolya. ¹⁰ Yesu nakomosa oleanga:awe wiyoyehe ndaenge etasi konawa mendee chake tu,kobobo awe we toho kabisa;na banu mwe toho,kobobo etasi basee. ¹¹ Kwe komonanga ochebee mondo indee otamochee;bobo nakocha:banu basee mubi toho. ¹² Bobo asilanga awe konawa mendee chabo;ne koenda manguo make;ne kuchikana lukine,nakoba saoleanga:motocheba byabaketea meno? ¹³ Mutumbitama mwalimu ne bwana:tena mosocha bwachi,kwe komona emeno bono. ¹⁴ Bobo ingwa meno bwana wino ne mwalimu wino natobasokoa mendee chinu,etopasanga banu kosokoa mendee. ¹⁵ Kwe komonanga natobaecha banu mufano,mokeange sawa sawa ne byaela meno banu. ¹⁶ Kweli,kweli natobasa oleanga banu,mocha ne mokolo koeta bwana wake;wala mutume ndasi mokolo kotasi awe indee wamotoma. ¹⁷ Ingwa motochebanga makomo mama,bahati banu ingwa musubiketa. ¹⁸ Sitahanga makomo me banu basee,natochebanga balya indee basobolibwa nane;kobobo byandekwa biketekee:walya mukate amosa nane,osoendoa kisingino kyake monganda mwane. ¹⁹ Tangu bono natobasaoleanga banu kombala ndana olea,bobo saa bita olelae,mwimenye ite meno nawe. ²⁰ Kweli,kweli natobasa olea banu,awe otapokeangee mondo osee olya indee nasomotoma,osombokea meno,nawe ingwa osombokea meno,osopokea awe indee wa ndoma. ²¹ Saa yesu asilanga awe kocha bino,nakunungunika monda mwemotema,na kusingeka,ne kochanga:kweli,kweli natobasa olelanga banu,omosa winu otambochee. ²² Banafunzi bake nakololananga abo kwe abo,bila kocheba ne nani wachonge abo. ²³ Omosa asamba banafunzi,olya wakondibwanga na yesu koeta,walalanga mokyale kya yesu. ²⁴ Simoni petelo nakomoketela ilongo lye kwengelanga minani olya waochaya yesu. ²⁵ Ne olya mwanafunzi,komona we mokyale kya yesu,nakomosa olelanga:mwame,ni nani olya? ²⁶ Yesu nakujibianga:na olya otabelange meno kebakelobekibwe ne komona kee keba,nakokeabelanga akyo yuda,mwana wa simoni,ishariati. ²⁷ Asila awe komoecha kee keba,shetani na kwingelanga monda mwa yuda,yesu nakomosa olelanga:bitoketanga awe,biketa boke boke. ²⁸ Nani omosa asamba balya babechange nake komeza ndobacheba ekee bya saolelanga awe bilya. ²⁹ Bamo asamba abo nakowazanga ite ingwa yuda wabechanga me musada,yesu wakonda komosa olea:ola bya byenito aja kokee ketokoyowabelee byemo bino kobamasikini{bakene}. ³⁰ Yuda,nakoendanga keba,nakungwa lobelo kohola yabechange butu. ³¹ Saa yasilanga yuda kohola,yesu nakochanga:bobo,mwana we mondo otaendwe iyolo na filenyambe otase kwe monda mwake. ³² Ingwa filenyambe otasekwe monda mwake,filenyambe otasekwange lukine monda mwake mwene,ne otamosekange ano ano. ³³ Bana bachinini,ne ne ninu saa chiome amosa ninu,mwakandenga;tena nabwaochange meno ne bayahudi:mukabechange kotoyaka meno,natobasa oleanga bobo ano ano. ³⁴ Natobabelanga shurti emosa meya meya:mokondanee banu kwe banu;bwa bakondanga meno,banu nabo,mokondane banu kwe banu. ³⁵ Kobobo basee batachebangee ite mwee banafunzi banee,mee mwene upendo bamo ne kobakine. ³⁶ Simoni petelo nakomosa olelanga:mwamee,otoya koni?yesu nakochanga:ndotopasanga bobo konvata kotoya meno,bobo otanvata kisha masu. ³⁷ Mwamee,nakomosa olelanga petelo,koekee kotasi sikakofatange ano ano?ndaochange mwecho wane sababu yao. ³⁸ Yesu nakochanga:otaochange mwecho wao juu yane!kweli,kweli,natokosa olelanga,ngokoikabelekele nduna ndonanga mala kasato.