¹ Bayechangee kila mondo mondabo yake,nawe yesu nakoyecganga mupaka kwa muliona we mizeutuni. ² Nani mambombee kakya nakwingela lukini kohekalu,ne bando basee nakomoyelela;nawe nakuchikana,mukungwa mokobafuni desa. ³ Bande kwe ne bafarisayo nakomobeselanga mwana mokachi wa kwatibwa monda mwe bwambya,nakomokanga mwingya. ⁴ Nakomosaolelanga,mwalimu,mwana mokachi ona okwatibwe abechangee awe mobyabea(bwambya). ⁵ Kobobo monda mwe torati,musa watatoma kobakomowa mabwe babakachi bee chi mila;nawee otochanga boni? ⁶ Nabo nakochanga ikomo lelee kukumupimanga;bobo bakojangee kisa kye kumusitaki,kobobo yesu na kololelanga asee,nakoandekanga ne mosani wake monda mwe songo. ⁷ Nabo nakoendeleanga komobocha,na kwiyenda,nekobasa olelanga,awe otasi ne bwabea komyongo chinu ne ungwee we kombaa komolalela ibwe. ⁸ Nakwibunga lukine,nekoandekanga kwe mosani wake monda mwe songo. ⁹ Nabo nakungwaa,nakusitakiwa ne metema chabonakolanga omo omo,koanjanga tangia banunu newe mwisho wabo nakosalanga yesu ikesa yake ne olya mwana mokachi utwimoma asambanga abo(mwinga mwabo). ¹⁰ Yesu nakwiendoa molamomonga mondo,atasi tu olya mwana mokachi,nakomosaoleanga,mwana mokachi,bekoni balya basitaki bao?ekee!kuusi ukuku mwangee kungwa ne kosa? ¹¹ Nakomosaolenga,kuusi bwana,yesu nakomosaolelanga,wala memo sikakukumu ,yaa byao wala ndekoketanga bwabea lukine. ¹² Bobo yesu nakobasaolelanga,nee na mwanga we mosenge,awe otangangee ndakaye mwikunye koeta,bobo otaungwe ne mwangasa we mwecho. ¹³ Bobo mafarisayo nakomosaolelanga,awe utwiseka awe mwene;kwiseka kwao kuusi kweli. ¹⁴ Yesu nakobasaoleanga nakochanga,memo nani natwiseka mwene,kwiseka kwane ne kweli;kwekomona natochebanga kwa olanga memo ne kotoyechanga memo;kobobo banu mocheba kwa olanga memo nani kotoya memo. ¹⁵ Banu mutuhuku mu kwe kofatanga myanda chelokoba;memo situkumu mondo. ¹⁶ Memo nani nahukumu,hukumu lyane ne kweli,kwekomona memo sisi ikesa yane,bobo ne memo na awe wanjala. ¹⁷ Bobo mondo mwe torati linu etoandekwa itee bisingwa bye bando babe lee ne kweli. ¹⁸ Memo indee naotwiseka mwenee,nawe tati wabenda utunjadia. ¹⁹ Bobo nakomosa olelanga,we koni isao wao?yesu nakujibu,memo motonjeba,nani tati wane momoche memo,mungachebanga na isane wane. ²⁰ Makomo mano maochangee abechangee mukufundesa mokanisa,mondo mwe kyumba kyee kobekea;wala kusi mondo wa mokwatangee,kwa komona saa yakee ebechangee inabaka babo. ²¹ Bobo nakobasaolelanga lukini,memo nasoya,na banu motandengee;na banu motakwee mondo mwe bwabea bwinu,memo kotoya memo banu mukoobe koba. ²² Bobo bayahudi nakochanga,boni!otachie kwe komona otocha,mine kotoyechanga memo banu mukaobe koba? ²³ Nakobasaolelanga,banu ne beasee,memo nee we monganda(kwiyolo)banu nee bemosenge ona,memo sisi we mosenge ona. ²⁴ Kobobo nabasaolelangee kwe komona motakwe mondo mwe bwabea bwinu;kwekomona botasi mutwimenya kwe komona memo nawe,motakwe mondo mwe bwabea bwinu. ²⁵ Bobo nakomosaolenga we nani awe?yesu nakobasaolenga,bobo ikomolea lea litabasaoleanga. ²⁶ Nenee byabua bye kochane kukumu monganda mwino,kobobo awe wanjalangee ne kweli,na memo byangewange memo kwake,na bye nane mondo mwe mosenge. ²⁷ Nani ndebachebanga kwe itee ototayanga tati. ²⁸ Bobo yesu nakobasaolelanga,ataungwe musilanga komwenda mwana we salamu,indee motachebange itee memo nawe;ne kwekomona sitoketa ikomo kwe lokani lwane ila kwe isane wa mundesa indee nabitochanga memo. ²⁹ Nawe wanjala we amosanga nanee,ndanjia ikesalyane;kwe komona natokenga masu masee bilya bitokondibwa. ³⁰ Nawe abechae awe mokochanga bolya,babu wa naku mwimenya. ³¹ Bobo yesu nakobasa olelanga balya bayahudi bamwimenya,banu mwasuchikana monda mwe ikomo lyanee,motee ndomwa chanee kinee. ³² Bobo motachebangee kweli,nayo elya kweli etababekangee huru. ³³ Nakumufibianga,bae twe ibota lyake ibulahimu,wala tunangwabacha be mondo saa esee,nawe otochanga,motobekwe huru? ³⁴ Yesu nakobasaolelanga,kine,kine,natobasaolelanga,osee otoketa bwabea ne mocha we bwabea. ³⁵ Nani mocha ndatuchikana mondabo masu. ³⁶ Bobo mwana nakobabekanja huru,motaungwe huru kine kine. ³⁷ Natochebanga itee banu ne ibota lya ibrahimu kobobo motwenganga kunjia kokomona ikomo lyane lisii monda mwino. ³⁸ Byamona memo kwa isane indee bitochanga meno;nabanu bobo bobo byaungwanga banu kwa isanu winu indee biketwanga binu. ³⁹ Nakochanga,nekomosaolelanga,isito wito nawe ibulahimu!yesu nakobasaolelanga,ingwa mungaungwa bana ba ibulahimu,mungaketanga memo chake ibulahimu. ⁴⁰ Kobobo basi momokoenga koyebanga memo,mondo olya ne mokomosaolea bye kweli,byaungwange memo kwa filenyambe ibulahimu ndaketanga bobo. ⁴¹ Banu momokambao melemo cha isinu wino indee amosa olelange,bae ndetwabotibwa kwe bobee;bae twenee isito omosa,indee,filenyambee. ⁴² Yesu nakobasaolelanga,ingwa fileenyambee unga ungwanga isinu wino,mungangondanga meno,kwe komonanga naolange kwa filenyambe,nanee masobaka;wala sabechanga kwe kokonda kwane;etasi awe indee wandoma. ⁴³ Mbona motocheba bino bitoochanga meno?ne kwe komonanga banu mukaobange kulihungwa ikomo lyane. ⁴⁴ Banu ne be isinu wino ibilisi,ne lotema lwe isinu wino indee bitokonda banu koketanga awe wabechanga mchiani tangia komwanjo;wala ndaimanga monda mwe kweli kwakomonanga musi elya kweli monda mwakee ndasochanga manu,otochanga byake awe mwene;kwe komonanga awe ne we manu,na isake we ona. ⁴⁵ Na meno,kwe komonanga natochanga bye kweli,mutungimenya. ⁴⁶ Ne nani monyongo chinu otaochange itee nene bwabea?nanee nasocha kweli,mbona banu mutungiminya? ⁴⁷ Awe we wa filenyambe utungwa mokomo ma filenyambe;bobo banu musikungwa kwe komonanga banu musi ba filenyambe. ⁴⁸ Bayahudi nakochanga,ne komosaolelanga,eke!bae totochanga bwachi kwe komona awe we musamaria,nawe we nee lobe? ⁴⁹ Yesu nakochanga,meno sisi ne lobe;bobo meno natotenanga isane wane,na banu motombonea heshima lyane. ⁵⁰ Wala meno sitoenganga bolombe bwane;kwe otobwenga ne kulipesa. ⁵¹ Imenya,imenya,natobasa olelanga,mondo ndasolekeata ikomo lyane,ndakomone kakwa losee. ⁵² Bobo bayahudi nakomosaolelanga,bobo totosaolelangwa itee we ne lobe lwabea;ibulahimu osokwa,ne ndomwa batokwa,nawe otochanga,mondo ndasokwata mwanda wane,ndakakwe losee. ⁵³ Awe we mokoo kotasi isito wito ibulahimu,indee osokwa?nabo ndonuwa basokwa,utwiketa we nani? ⁵⁴ Yesu nakochanga,nasuihiendoa mee mwene,bolombe bwane busikemo,otongendoa ni isane wane,indee banu motochanga itee ne filenyambee wino. ⁵⁵ Wala banu ndemwamochebanga;bobo meno natomocheba,nasocha itee simocheba,bwe banu,kobobo natomocheba,ne ikomo lyake natolekwata<>. ⁵⁶ Ibulahimu,tati winu nakomema kwe bolya botamonange lusu lwane;nawe nakomonanga,nakomema. ⁵⁷ Bobo bayahudi nakomosa olelanga,awe ndunaungwa bobo miaka makumi matanu,nawe otomowa ibulahimu? ⁵⁸ Yesu nakoba saolelanga,imenya,imenya,awe ibulahimu ndanaungwa,meno nabechange. ⁵⁹ Bobo nakotolanga mabwe indee bamolale lee,bobo yesu nakuisama,nakolanga mokanisa.