¹ Eliashibu, mugula mukulu, azuka n'abalumuna, bagula, na bayubaka omuhango gw'ebibuzi. Bagucesa banashimika emirirango, bagucesa kurhondera oku mushonezo gw'e Mean kuhika oku mushonezo gw'e Hananeli. ² Ahaburhambi bwa Eliashibu, abantu b'e Yeriko bayubaka; n'ahaburhambi bwage Zakuri, mwene Imri, naye ayubaka. ³ Bene Sena bayubaka omuhango gw'ensamaki. Bagurhumbikira, na bashimika emirirango, ensinyeri n'emirhamba. ⁴ Ahaburhambi bwabo, Meremoti, mwene uri, mwene Hakoti; akagi tula; ahaburhambi bwabo, Meshulamu, mwene Berekia, mwene Beshezabeli, akagikola; ahaburhambi bwabo Sadoki, mwene Baana, akagi kola. ⁵ ahaburhambi bwabo, ba Tekoti, balya barhakagi cigonza mukolo gwa Nahamwabo. ⁶ Yoyada, mwene Paseashi, na mwene Meshulamu, mwene Besodia, balungula omuhango gwa mira. Balubwikira, bashimika n'emirirango, ensinyeri, n'emirhamba. ⁷ Ahaburhambi zabo hakagikola Melatia, b'e gabeoni, Yadoni, abe meronoti, n'abantu b'e gabeoni n'abe Mispa, warhengaga emw'omurhegesi w'ishiriza ly'olwishi. ⁸ Ahaburhambi zabo hakagikola Uzieli, mwene Harhaya, w'omubakozi b'amasholo, n'ahaburhambi zage hakagikola Hanania, omu b'okujira amarashi. Basiga Yerusalemu kuhika oku lukuta lunene. ⁹ Ahaburhambi zabo bakagi jira obutuzi, Rafaya, mwene Huri, murhambo w'ecihimbi ca Yerusalemu. ¹⁰ Ahaburhambi zabo hakagikola Yeyada, mwene Harumafi, ishiriza ly'enyumpa yage, n'ahaburhambi zabo hakagikola Hatushi, mwene Hashabnia. ¹¹ Ecindi cihimbi c'olukuta n'omushonezo gw'ifuru byalungulwa na Malikiya, mwene Harimu, na Hashubu, mwene Pashati Moabu. ¹² Ahaburhambi zabo, Shalumu, mwene Haloceshe, murhambo w'ecihimbi can Yerusalemu, akagikola n"abali. ¹³ Hanuni n'abikala b'e Zanoashi byalungulwa omuhango gw'ebwa lubanda. Bayubaka baheba n'emitungo, ensinyeri n'emirhamba. Bajira n'olukuta lwa makano garhalusire cihimbi kuhika oku muhango gw'enjalira. ¹⁴ Malkiya, mwene Rekabu, murhambo w'ecihimbi ca Beki Hakeremu, alungula omuhango gw'enjalira, akubula anashimika emirirango, ensinyeri n'emirhamba. ¹⁵ Shalumu, mwene Kolo Hoze, murhambo w'e Mispa, alungula omuhango gw'ebwa nshoko. Agukubula anagushiga, na omukushimika emirirango, ensinyeri n'emirhamba. Acirijira n'olukuta lw'ebwa cisima c'e shiloamu, hofi n'ishwa lya mwami, kuhika oku mwandagalo guhonokire ebwa lugo lwa Daudi. ¹⁶ Nehemia, mwene azbuki, murhambo w'ecihimbi ca Beti shuri, akola oku butuzi kuhika ishiriza ly'enshinda ya Daudi, kuhika oku cisima cayubakagwa, na kuhika okunyumpa y'entwali. ¹⁷ Enyuma zage, abalawi bakagikola, Rehumu, mwene Bani, n'ahaburhambi bwage Hashabya akagikolera olugo lwage, murhambo w'e Leila. ¹⁸ Enyuma zage, bakagikola balumuna babo, Hawai, mwene Henadadi, murhambo w'ecihimbi ca Keila; ¹⁹ n'ahaburhambi bwage Ezeri, mwene Yoshua, murhambo w'e Mispa, alungula ecindi cihimbi c'olukuta, kuyerekera omushozi gw'ecibikiro c'emiherho, oku burhambi. ²⁰ Enyuma zage Baruki, mwene Zabadi, alungula oku bushiru ecindi cihimbi c'olukuta, kurhangira oku burhambi kuhika oku muhango gw'enyumpa ya Eliashibu, mugula mukulu. ²¹ Enyuma zage Meremoti, mwene Uri, mwene Hakoti, alungula ecindi cihimbi kurhangira oku muhango gwa Eliashibu kuhika oku buzinda bw'enyumpa ya Eliashibu. ²² Enyuma zage, abagula b'eburhambi bwa Yerusalemu bakagikola. ²³ Enyuma zabo Benyamini na Hashubu bakagikola ishiriza lw'enyumpa ya Azaria, Enyuma zabo Azaria, mwene Maseya, mwene Anania, akagikola Ahaburhambi bw'enyumpa yage. ²⁴ Enyuma zage Binui, mwene Henadadi alungula ecindi cihimbi, kurhangira oku nyumpa ya Azaria uhika okumarhambi, oku buzinda. ²⁵ Palali, mwene uzai, akagikola ahishiriza lw'omukunjo na omushonezo gw'enyanya gwaliyerekire enyumpa ya mwami hofi n'engo y'empamikwa. Enyuma zage, Pedaya, mwene Pareoshi akagikola. ²⁶ Abanetini babera oku mushozi bakola kuhika ishiriza ly'omuhango gw'amishi, ebushoshokero, n'ebwa mushonezo gw'okuhulukira. ²⁷ Enyuma zabo abatekoi bakagikola ecindi cihimbi, ishiriza ly'omushonezo munene gw'okuhulukira kuhika oku lukuta lw'ebwa mushozi. ²⁸ Enyanya ly'omuhango gw'ebiterusi, abagula bakola ngasimuguma embere w'enyumpa yage. ²⁹ Enyuma zabo, Sadoki, mwene Imeri akagikola embere w'enyumpa yage. Enyuma zage Shemaya, mwene Shekania, mulanzi w'omuhango gw'ebushoshokero. ³⁰ Enyuma zabo, Hanania, mwene Shelemaya, na Hanuni, mwana wa kalindarhu wa Salafi, bakalungula ecindi cihimbi c'olukuta. Enyuma zabo Meshulamu, mwene Berekia akakola ishiriza lw'ecumpa cage. ³¹ Enyuma zage, Malkiya, w'omubatuzi n'amasholo, okola kuhika oku nyumpa z'abanetini n'abarhimbuzi, ishiriza ly'omuhango gw'e Mifikadi, na kuhika oku cumpa c'enyanya eburhambi. ³² Abatuzi b'amasholo n'abarhimbuzi bakola kurhangirira oku cumpa c'enyanya kuboko oku muhango gw'engandabuzi.