¹ Lolaga abagula n'abalawi bayishaga na Zorobabeli, mwene Shealtieli, na Yoshua: Seraya, Yeremia, Ezra, ² Amaria, Malike, Hatushi, ³ Shekania, Rehumu, Meremoti, ⁴ Ido, Ginetoi, Abiya, ⁵ Miyamini, Maadia, Bilga, ⁶ Shemaeya,Yoyaribu,Yedaeya, ⁷ Salu, Amoki, Hilkiya, Yedaeya. Abo bobali bimangizi ba bagula na benewabo okumango Yoshua. ⁸ Abalawi: Yoshua, Binui, Kadmieli, Sherebia, Yuda, Matania, bobakagi longolana na benewabo enyimbo z'obukuze; ⁹ Bakbukia na Uni, bakagijira emikolo yabo hofi na benewabo. ¹⁰ Yoshua aburha Yoyakimu, Yoyakimu aburha Eliashibu, Eliashibu aburha Yoyada, ¹¹ Yoyada aburha Yonatani, Yonatani aburha Yadua. ¹² Lolaga, okumango ga Yoyakimu, bandi bali bagula, bimangizi ba milala: kuli Seraya, Meraya; kuli Yeremia, Hanania; ¹³ kuli Ezra, Meshulamu; kuli Amaria, Yonatani; ¹⁴ kuli Meluki, Yonatani; kuli Shebania, Yusufu; ¹⁵ kuli Harimu, Adna; kuli Merayoti, Helkai, ¹⁶ kuli Ido,Zakaria; kuli Gumetoni, Meshulamu; ¹⁷ Kuli Abiya, Zikri; kuli Miyamini, Moadia, Piltai; ¹⁸ kuli Bilga,Shamua; kuli Shemaeya, Yonatani; ¹⁹ kuli Yoyaribu, Matnai; kuli Yedaeya, Uzi; ²⁰ kuli Salai,kalai; kuli Amoki, Eberi; ²¹ kuli Hilkiya, Hashabia; kuli Yedaeya, Netanaeli. ²² Okumango ga Eliashibu, ga Yoyada, ga Yonatani na Yadua, abalawi, bimangizi b'emilala, n'abagula bayandikwa, oku bwami bwa Dario, mu persi. ²³ Bene Lawi, bimangizi b'emilala, bayandikwa omucitabu c'enkengezo kuhika okumango ga Yonatani, mwene Eliashibu. ²⁴ Abakulu n'abalawi, Hashabia, Sherebia, na Yoshua, mwene Kadmieli, na benewabo haguma nabo, haguma bar yerekera ababo, baligwasirwe oku kuza n'okuharamya Nnamubaho, kushimbana irhegeko lya Daudi, muntu wa Nnamahanga. ²⁵ Matania, Bakbukia, Obadia, Meshulamu, Talmoni na Akubu, balanzi ba mihango, bakagi langira oku muhiro gw'omuhango. ²⁶ Balilamire amango ga Yoyakimu, mwene Yoshua, mwene Yosadaki, n'omumango ga Nehemia, murhegesi na Ezra, mugula na mwandisi. ²⁷ Amango bacishingiraga olukuta lw'e Yerusalemu, bahamagala abalawi ba ngasihoshi balilamire, banabalrha e Yerusalemu, oku bacishingire obubake oku idinye oku bukuze, n'okunyimbo okw'izu ly'enzihwa, lulanga n'ensirimbi. ²⁸ Abana b'abimbiza bacigusha hofi na Yerusalemu, omunciga z'e Netofari, ²⁹ abe Beti Gilgali, n'abomu nciga z'e Gibea n'e Azmoveti, bulya abimbiza baliciyubakire omunciga hofi na Yerusalemu. ³⁰ Abagula n'abalawi bacicesa bacesa n'olubaga, emihango n'olukuta. ³¹ Nasokeza abarhambo ba Yuda oku lukuta, nanajira nkere zibirhi. Olurhanzi lwalambagira eluhande lw'ekulyo oku lukuta, ebwa muhango gw'enjalira. ³² Enyuma w'olwo lukere yakagilambagira Hosea n'ecihimbi c'abarhambo ba Yuda, ³³ Azaria, Ezra, Meshulamu, ³⁴ Yuda, Benyamini, Shemeaya na Yeremia, ³⁵ oku bana ba bagula n'emishekera, Zakaria, mwene Yonatani, mwene Shemeaya, mwene Matania, mwene Mika, mwene Zakuri, mwene Asafu. ³⁶ na benewabo, Shemaeya, Azareli, Milalai, Gilalai, Maai, Netaneli, Yuda; Hanani, n'enzihwa za Daudi, munyu was Nnamahanga. Ezra, mwandisi ali bayimangire. ³⁷ Okumuhango gw'ebwa nshoko, bayinamuka kuyerekera emishozi y'omurhundu gwa Daudi, kuhika oku muhango gw'amishi, oluna lw'ebushoshokero. ³⁸ Olukre lwakabirhi lwaja omu lugenzi ishiriza.nali lukulikire Enyuma haguma n'ecindi cihimbi c'olubaga, oku lukuta. Kugera enyanya z'omushonezo gw'amafuru kugendekera kuhika ebwa lukuta lugali; ³⁹ nakandi enyanya z'omuhango gwa Efrahimu, oku muhango mukulukulu, oku muhango gw'ensamaki oku mushonezo gwa Hananeli n'oku mushonezo gwa Mea, kuhika oku muhango gw'ebibuzi. Na bayimangira oku muhango gw'empamikwa. ⁴⁰ Eyo milongo ibirhi yayimangira omunyumpa ya Nnamahanga; na rhanajirantyo, nie n'abatwi b'olubanja rhwali rhweshi, ⁴¹ n'abagula Eliakimu, Maseya, Miyamini, Mika, Elyoenai, Zakaria,Hanania, n'emishekera, ⁴² na Maseya, Shamaeya, Eliazari, Uzi, Yonatani, Malkiya, Elamu na Ezeri. Abimbiza bayunvikana, balongolinwe na Yizahya. ⁴³ Barula Olwolusiku nterekero nyinji, na baba n'omwishingwe munene, bulya Nnamahanga alihire olubaga ebyokushagalukira. Abakazi n'abana bacishinga nabo, n'omwishingwe gurhenga e Yerusalemu gwayunvikana hali. ⁴⁴ Olwolusiku baheba abantu bakalanga ebyumpa byakabikirwamwo entulo, bihumbulwa bya burhanzi, cihimbi ca kalikumi, na bababwira oku bakashubuza omunciga ebigabi birhegesirwe n'irhegeko oku bagula n'oku balawi. Bulya Yuda alishagalikire okubona abagula n'abalawi bali oku mukolo yabo, ⁴⁵ okujira ngasi biyerekire omukolo gwa Nnamahanga n'ogwa obucese. Abimbiza n'abalanzi b'emihango nabo bakagijira ogwabo mukolo, kushimbana irhegeko lya Daudi na Sulemani, mugala. ⁴⁶ bulya mira, okumango ga Daudi na Asafu, hali abarhambo b'abimbiza n'enyimbo z'obukuze n'ezokucikumba oku lukengwa lwa Nnamahanga. ⁴⁷ Israeli yeshi okumango ga Zorubabeli na Nehemia, bahana ecigabi c'abimbiza n'ecabalanzi b'emihango, ngasi lusiku; bakaha abalawi ebintu bizira, n'abalawi bakaha bene Aroni ebintu bizira.