¹ Abarhambo b'olubaga babera e Yerusalemu. N'olundi lubaga lwajira ecigole, oku muguma oku ikumi alame e Yerusalemu, murhundu gucesibwe, na oku abandi balame omu yindi mirhundu. ² Olubaga lwagisha abasimire okulama e Yerusalemu. ³ Lolaga abakulu b'emirhundu bajirilama e Yerusalemu. Omu mirhundu ya Yuda, ngasi muguma alama ahamwage, omumurhundu gwage, Israeli, abagula n'abalawi, abanetini, n'abana n'abakozi ba Sulemani. ⁴ E Yerusalemu balama bene Yuda na bene Benyamini. Oku bene Yuda:Ataya, mwene Oziya, mwene Zakaria, mwene Amaria, mwene Shefatia, mwene Mahalaleli, oku bene Peresi. ⁵ na Maaseya, mwene Baruki, mwene Kol Hoze, mwene Hazaya, mwene Adaya, mwene Yoyaribu, mwene Zakaria, mwene Shiloni. ⁶ Omubale gwoshi gwa bene Perezi bahanzire e Yerusalemu: magana gani na makumi galindarhu na munani, balume ntwali. ⁷ Lolaga bene Benyamini: Salu, mwene Meshulamu, mwene Yoedi, mwene Pedaya, mwene Kolaya, mwene Maaseya, mwene Itieli, mwene Isaya, ⁸ n'enyuma lyage, Gabai na Salai, magana mwenda na makumi gabirhi na munani. ⁹ Yoeli, mwene Zikri, ali murhambo wabo; na Yuda, mwene Senua, ali mulonda murhambo w'omurhundu. ¹⁰ Abagula: Yedaeya, mwene Yoyaribu, Yakini, ¹¹ Seraya, mwene Hilkiya, mwene Meshulamu, mwene Sadoki, mwene Merayoti, mwene Ashitubu, murhwami wa nyumpa ya Nnamahanga, ¹² Na balumuna babo bali oku mukolo gw'enyumpa,magana munani na makumi gabirhi na babirhi; Adaya, mwene Yerohamu, mwene Pelaya, mwene Amsi, mwene Zakaria, mwene Pashuri, mwene Malkiya, ¹³ na benewabo, bimangizi ba nyumpa za b'ishe, magana gabirhi na makumi gani na babirhi; na Amashai, mwene Azareli, mwene Ashzai, mwene Meshilemoti, mwene Imeri, ¹⁴ na benewabo, balume ntwali; igana na makumi gabirhi na munani. Zabdieli, mwene Gedolimu, ali mwimangizi wabo. ¹⁵ Abalawi: Shemeaya, mwene Hashubu, mwene Azrikamu, mwene Hashabia, mwene Buni, ¹⁶ Shabetai na Zorobadi, wakagisinza eby'embuga ly'enyumpa ya Nnamahanga, na anali omu bimangizi balawi; ¹⁷ Matania, mwene Mika, mwene Zabdi, mwene Asafu, mwimangizi wakagi yimbisa obukuze oku mahuno, na Bakbukia, wakabirhi omu balumuna, na Abda, mwene Shamus, mwene Galali, mwene Yedutuni. ¹⁸ Abalawi boshi b'omurhundu gucesibwe: magana gabirhi na makumi galimunani na bani. ¹⁹ n'abalanzi b'emihango: Akubu, Talmoni, na benewabo, balanzi ba mihango, igana na makumi galinda na babirhi. ²⁰ Abasigire oku b'israeli, abagula, abalawi, baja omu mirhundu ya Yuda yoshi, ngasi muguma ahamwage. ²¹ Abanetini bahanda omu cirhwa, na baligwerhe Tisha na Gushpa nka bimangizi. ²² Omwimangizi w'abalawi e Yerusalemu all Uzi, mwene Bani, mwene Hashabia, mwene Matania, mwene Mika, w'omu bene Asafu, mwimbiza walilabire obwimangizi omunyumpa ya Nnamahanga; ²³ bulya hali entondekanye ya mwami okubiyerekire abimbiza, na oluhembo lumanyikine bakagi luhabwa ngasi lusiku. ²⁴ Petaya, mwene Meshezabeli, w'okubene Zerashi, mwene Yuda, ali ntumwa ya mwami oku biyerekire olubaga. ²⁵ Omu nciga n'engo, bene Yuda bayubakamwo e Kirati Araba n'omu back nazo, e Diboni n'omu nciga zayo, e Yekabseli n'enciga zage. ²⁶ e Yeshua, e Molada, e Beti paleti, ²⁷ e Hasari Shuali, e Bersheba, n'enciga zage. ²⁸ e Siklage, e mekona n'enciga zage, ²⁹ e Ene Rimoni, e Sorea, e Yarmuti, ³⁰ e Zanaoshi, e Adulami, n'enciga zage, e Lakishi n'engo zage, n'omu nciga zayo. Bayubaka kurhangira e Bersheba kuhika olubanda lw'e Hinomu. ³¹ Bene Benyamini bahanda, kurhangira e Gibea, e Mikmashi, e Aha, e Beteli, n'enciga zayo, ³² e Anatoti, e Nobu, e Hanania, ³³ e Hatsori, e Rama, e Gitaimu, ³⁴ e Hadidi, e Seboimu, e Nebalati, ³⁵ e Lodi, e Ono, olubanda lw'abakozi. ³⁶ Hali n'abalawi barhimanyire Benyamini, ciruakaba bali eluhande lwa Yuda.